اعزائي المشاهدين مرحبا بكم معنا من جديد في برنامجكم اللي انتم دايم تتابعونه
(حوارمعشخصيه) <<-- وشلون نطقها عاد مدري
ومعنا اليوم في لقائنا وحوارنا شخصه معروفه لدى الجميع الا وهي الضب - اطال الله بقائه وخلاه لراعي ددسن يرجيه -
نبدأ حوارنا مع ابو حمد ( الضب) ونقول:
- سلام عليكم يابو حمد ومساك الله بالخير
عليكم السلام والرحمه هلا والله يابو الشباب
-ابو حمد .... وش اخبارك هالايام؟؟
ابد والله .. من شكمان لخرازه.. وياقلب لا تحزن
-السئال اللي يطرح روحه بذا هو وش لاقين بك هالعالم؟؟
والله كلك نظر... العكره والفراغ
-وش تفرق عن التمساح يبو حمد؟
ماهنا فرق يسوى .. اللهم هو يعرف يسبح ..بس انا املح منه على فكره
-يقولون ان لحمك فيه كلسترول مرتفع؟؟ وش رايك؟
والله رايي انه فاضي هاللي قاعد يحلل لحم ضب!!
-طيب وش تهقى سبب عدم ضمك للحيوانات المشموله بالحمايه من الدوله؟؟
والله الظاهر شكلي مايواجه
------------------------------
- طيب يابو حمد خلنا نغير نوعيه الاسئله
وابيك تقولي وش المنظر اللي يخوفك؟
الصدز والله اكثر شي يروعني ... ((مطافيق))..ومعهم ونيت (مبوش) !!!
- طيب ليش انت تخاف من المويه؟
ياخي قايلك ماعرف اسبح ياللوح
-وش علاقتك مع العقرب؟؟
اقرب من الشر .. ( تامن)
-موقف مضحك ماتنساه ابد؟؟
(وبعد ضحكه من ابو حمد)
واحد ( رخمه ) جا يشري ضب من سوق الحمام قام يتلمس ظهر الضب.. ويرفع عكرته....!!!!
-موقف ابكاك؟
واحد منسم يصيد ضبان..لقاله ضب منقطع..قام وقطع عكرته وهو حي..وخلا باقيه
- طيب موقف عجزت تمسك روحك من الضحك بعده؟
(هنا فقع ابو حمد ضحك وقال)
واحد ( رخو ) جا يبي يصيدني...ويوم هزيت عكرتي... اغمي عليه
ههههههههههههههههههه
اعزائي المشاهدين كنا معكم ومع ابو حمد في لقاء نتمنى ان يتكرر ونقول لابو حمد الله يطول بعمرك
والسلام عليكم ورحمة الله وبركاته
العضو الأكثر نشاطاً هذا اليوم 
العرض الشجري
