تدلع بس بالراحة

مادمت غالي وقلبي صار بيدينك
راضي حبيبي تدلــع بس بالراحــه
ماقدر أواجهدلع همساتك وعينك
يكفي عيونــــك بلا تغنيج ذباحــــه
خف الدلع لا تثني شد من لينـــك
في مشيتك يكفي انك تقلب الساحه
المشكلة هالدلع ذايب بتكوينـــك
ذايــب مثــل سكــــر ذايب بتفاحـــه
وش حيلتك والزهر دلع بساتينك
طبعك حبيبي وطبعك روضة الواحه
زيد الدلع خل يقتل كل معادينـــك
ياعل يفدى وطاتك ليل بصباحـــــــه
خلاص بادلعـــك لومت في عينك
راضي حبيبي تدلــع بس .. بالراحه

من كلمات الشاعر العذب .... صاحب الرومانسيه الشفافه:
خـــــــــــــــــــــــــــــــالد العيــــــــــــــــــــــــــــــــــــــسى

صح لسانك شاعرها ولاهنت ولاعدمناك قصيده رائعه وجميله
هلا وغلا اخوي الغالي مجنون رانيا منور المنتدى يابعد حيي
عساك على القوه والله لايحرمنا منك ولا من مشاركاتك الغاليه
تقبل فائق الاحترام والتقدير
اخوك
نزف المشاعر

مشكور اخوي نزف المشاعر
على المتابعة لمشاركاتي ونشاء الله نالت رضاك

صح لسانك ولسان شاعرها

قصيدة روعة من ذوق اروع طبعاً

الله لا يحرمنا منك ومن نشرك


تحياتي...





الفيصل

تشكر اخوي الفيصل على المتابعة
والمرور الدائم تقبل تحياتي
اخوك مجنون