إرفعي رآسك إنتِ سعوديه { لكل علماني ,إمعه,ديوث وده يضيعنا..}

يعطيك العافيه يالغاليه على موضوعك
ولك حق تفتخرين بأنك سعوديه
راح اناقشك على نقطتين اللي تخصنا بالكويت

اقتباس يآحبيبتي إذآ مآتدرين إن نسبة الحريم إللي يسوقون بالدول الثآنيه بدا يقل وانآ بنفسي قآريه عن هالشي تحديداً عن بنآت [الكويت] وكلهم قآلو بسبب المشآكل إللي يتعرضون لهآ والتحرشآت إللي تجيهم .. كله كوووم ووحده إنقطع فيهآ الطريق و إغتصبوهآ كوم ثآني ...

اقتباس

يالغاليه انا لي سنين اسوق وكل بنات اهلنا يسوقون عمرنا ماتعرضنا لمثل هـ المواقف الا اذا كانت البنت هي بالاصل صفر بالاخلاق هذا شي ثاني واعتقد هالحوادث تصير بكل بلد مو بس بالكويت !!!!
اما بالنسبه لعدد اللي يسوقون يقل بالعكس البنت من تكمل 18 سنه تدربت على السواقه والعدد بزياده
واعتقد الافضل انها هي تسوق احسن من تركب مع سواق غريب عنها وبعضهم تكون متعطره او رايحه معاه لعرس بعطرها ومكياج عيونها
اما بالنسبه للسينما فانا اروح عمري ما شفت اللي تقولين عنه بالعكس العوايل لهم مكان مخصص والشباب بمكانهم
ومع كل ما ذكرتيه
افتخر اني كويتيه واحمد ربي لان على كثر ماعندنا من دور سينما
ولنا الحريه بسواقة السياره الا اننا الحمدلله اغلبنا متمسك بدينه وماهو مجبر
يالغاليه سبق وزرت مدينة الخبر قبل سنه وتعجبت من شي شفته
المحلات تقفل وقت الصلاة ولقيت اغلب الشباب يتسكع بين المحلات وبالكافيهات عيل وين الصلاة؟؟
النقاش بموضوعك راح يطول ويحتاج وقت لكن اعتذر على الاطاله بالرد
يعطيك العافيه