امتداد لموضوع طفولتي البائسة نواصل هنا بعض المقتطفات منها
كيفية معرفة انك عشت الطفولة بحايل...وعلى الاخوة المقيمين خارجها..مراعاة فارق الامكانيات والشهابه وما الى ذلك...
الان بجاوب على كم سؤال وبقيسها على حايل فقط يعني حسب مسقط راسي ومنها راح تعرف هل قضيتها عندنا ولا كنت خارج نطاق القراده
هل كنت تلبس سروال وفنيله في العصر ؟
طبعا الفنيلة والسروال لها شروط منها ان الفنيلة تكون مائلة الى اللون الاصفر لدرجة انك تحس ان جمهور النصر كثيرين بينما الواقع هو ان الوصاخه ماخذها حيز كبير من الفنيلة ..والفنيلة كانت لها استخدامات كثيرة منها ان الكثير يمسح خشمه بها بغض النظر عن الكمية ..والبعض الاخر يستخدمها فوطه اذا طلع متروش ويمسح به جسمه ويلبسها مره ثانيه لمدة شهر..اضافة الى انه يمسحه به عرقه عند قيامه باي نشاط رياضي او حتى بعد مايلعب بالتراب اللي بالحارة...
على العموم هذا السؤال الاول
تلعب في الحاره حافي نص النهار ؟
هذا حد الاسباب اللي وصل بشرة بشرتي القطنية وتحولها من البياض الناصع الى السمره القاتمه من كثر ما العب بالقواايل لدرجة انه كان افضل لقب نتنافس عليه كان(( حمار القايله)) والسعلو
فاذا كنت تلعب بالقايله وحافي ويتشوت الارض اذا لعبت كورة فانت عشت طفولتك في حايل.
تدق جرس الجيران وتهج ؟عاده متوارثه بالعائله
هذي من افضل الرياضات المحببه لنا حنا دشير حايل...فكم من جرس وجرس طقيناهم وركضنا خصوصا البيوت اللي فيها خوال..وبيوت اللي بيتهم مافيه الا بنات..واكثر بيت كنت اضربه الجرس حقهم بيت جيراننا اللي عندهم بنت(حولا)..علشان هي اول ماتسمع الجرس تقوم بسرعه لانها كانت تبيع ((عسكريم)) بنص ريال وكانت ماتاصل للباب الا عقب ما تضرب كم جدار..واذا فتحت لنا الباب ماندري اي واحد هي معجبه فيه..المهم كانت سهله ومرنه وتحب تلعب معنا..بس مشكلتها...ماتروش وفنيلتها برضوه صفراء وبطنها كله((مكاوي))
وتموت في شيء اسمه لعبة أونو ؟ لازم عاد للسهره والسفر مانقدر نعيش بدونها...والمنافس لها كانت لعبة عيال النعمه اللي هي المونوبولي...وكنا نحسدهم حتى لعبهم فيه فلوس
بينما انا ومنذر والساري نلعب والكاس ((كيس طحنية ماركة ابو خروف))
تسرق من البقاله ؟
ويعد كبريا شمر اكثر واحد يسرق من البقالة..ومافيه مره بحياته حاسب الخباز ولا مره وصل للبيتهم الا وهو ماكل نص الخبز
وكانت مخابيه دائما مليانه من اثار الزيوت وسرق الحلويات
تتحرش بعيال السوريين اللي ساكنين بحارتكم؟
نظرا لانعدام البشرة البيضاء والحمراء والبشرة النظيفة فاماكان لنا الا الاحبه ابو شكيب ومن على شاكلتهم اللي وجيههم تبرق كنه سيراميك راس الخيمة...لدرجة اني اخلي وجيههم صحون احط عليها جميع الماكولات لانه وجيههم انظف من صحوننا اللي بالبيت
تلحق ورا الدجاج في الحارة ؟ لازم عاد انحسربهن
طبعا زمان اول من زين الطبايع كانت الحارة مليانه غنم ودجاج وحمام وكلاب وحمير ولا كان فيه اي احترام للجار او خصوصية ويقال ان اكثر الاشياء اللي سببت فشل وروسوب ودلاخه غرور ان اهله كانوا يحطون دروسه اكل للغنم حقاتهم واهله يقولون..البنت راسبه راسبه خل نستفيد من قراطيسه للغنم ابرك
تعيي تأخذ ساندويش معك المدرسه
وهذي طبعا من القهر لان فسحتنا دائما طحنية او جبن
يعني يا امسااك يا اسهال..بينما السوريين والمصريين واااو على فطورهم
فلافل وخيار وجبنه بيضاء وبيض مقلي وبيض شكششوكه وبيض مسلوق ولحم مفروم ومرتديلا...والمرتديلا...الى قبل اسبوع وكبرياء شمر يحسبها نوع من انواع السيارات
تركض ورا سيارة الفليت الصبح ؟لازم تعجبن ريحتوه احس ان دخلت بالفليت كاأني داخله بالسحاب
وهذي افضل هواية نحبها زماان وكنا نحب اكثر واحد هو سواق سيارة الفليت
تجدع على راعي البقالة حصاة ولا نفيخات بهن ماء؟ لزوم الشطانه
وياكثر ماجدعناهم وكنا نستخدم هالطريقة علشان نلفت بنات الحارة اذا عشقناهن((امحق من لفت نظر))
اهب يادشير الحارة
هل كنت تسرق سياكل ؟
هذي هي الهواية المحببه لي انا شخصيا...لان ابوي يحفظه الله..يقول مايركب السيكل الا الداشر...وكنت متعاون مع يماني يبيع سياكل انا اسرق وهو يغير باللون والشكل ويبيع السيكل على راعيه الدلخ...وياكثر دلوخنا ويكفي ان اشطرنا هلالي كان ياخذ كل سنة بثلاث سنين...
هل كنت تقص من الجريدة اعلان ملاهي العميم عشان تدخل مجانا؟
وكان العميم هو الوحيد اللي عنده ملاهي بحايل وكان اسم العميم عندنا مثل اسم((نيو بوي)) الان...وكنا نتمنى اننا نصير من عيال العميم..وكان ركوب سيارة التصادم حلم...لا يتحقق الا ايام العيد فقط
العضو الأكثر نشاطاً هذا اليوم 
..المهم كانت سهله ومرنه وتحب تلعب معنا..بس مشكلتها...ماتروش وفنيلتها برضوه صفراء وبطنها كله((مكاوي))
...لدرجة اني اخلي وجيههم صحون احط عليها جميع الماكولات 
العرض الشجري
