مهم جداجدا جدا (كيف لمنتدانا ان يرتقي ونحن هكذا)

الرائعة جروح .. مشكورة ولا عدمتس على هالموضوع الي يهمني شخصيا ..

شوفي جروح ...

أنا طبعا من اول الناس الي احب امزح كثير واحب اضفي على الموضوع شووي مرح ووساعه صدر ..

هذا ماراح يسيئ لاللموضوع ولا للي كاتبه .. ولا راح يضر بجديته أبدا..

خصوصا اذا كان فيه نوع من " الميانه " بيني وبين الكاتب ..

وصدقيني عزيزتي وهذا رأيي أنا الشخصي .. ان المنتدى يضل راقي خصوصا اذا الفرفشه راقيه وماتعدت حدود اللياقه والأدب.


وأذا المقصود بالتخاطب باللهجه الدارجه فهذا لتخفيف الكلافه ومو مقصود منه التهريج ..خصوصا ان جميع منسوبي المنتدى تقريبا من نفس المنطقه الخليجية وفاهمين بعض ..

وخليني استغل هالفرصة واوضح شغله .. انا مقياسي بارتقاء المستوى ولا بهبوطه مدى تفاعل الاعضاء مع بعض .. ومدى تواجدهم ..ومدى اهمية المواضيح الي يطرحونها .. وكل مااختفت كلمة " منقول " من المواضيع ..
اما الفرفشة والضحك فهي جزء لايتجزأ من حياتنا .. وياما وياما جت مواقف ماتستوجب الضحك وتلقين نفسك تضحكين ..

وصراحة ياجروح وانا ابي اتكلم عن نفسي أنا ماأهرج ولا استهبل .. صدقيني ان اسلوبي هو نفسة اسلوب حياتي .. ولا اعرف لااجامل ولاأمثل ..

وابي بعد الف الموضوع لجهه ثانية وهي : اذا كان العضو من المداومين بالفرفشة وحب يكتب موضوع جدي ومهم او خاطره او قصيدة والاعضاء متعودين يشوفونه بقالب المهرج تعتقدين راح يحسون بجدية موضوعه ؟؟؟

اتمنى تجاوبيني بصراحة .. وابناقشك فيها بعد

ومرة ثانيه اشكر لتس اتاحه هالفرصة ..

دمتي مبدعة