شيلة يا سعود لا تنشد ترى ماني مجيب

[ALIGN=CENTER][TABLE1="width:80%;background-color:black;"][CELL="filter:;"][ALIGN=center]

السلام عليكم ورحمة الله وبركاته. .
نص فآخر للشآعر متعب التركي

بصوت المنشد أحمد الرشيدي

بصرااحه تعجبني شيلاته
مااقول إلا الله يحفظه من كل شر يارب
و لعلهآ تنآل إعجآبكم هالشيله

يا سعود لا تنشد ترى مانـي مجيـب
خل الذي خافي لـه شهـور.. خافـي

إن شفتني مغتاظ.. لي حق و مصيـب
يا سعـود مزعلنـي جديـد اكتشافـي

الغالي اللي كـان مـن قلبـي قريـب
بيني و بينه.. صـار مثـل التجافـي

إن قلـت زلـه.. مثلنـا زلتـه عيـب
من قال لك شمس الضحى مـا تشافـي

إن قلت هقوه.. يمكن تصيب و تخيـب
كم لي سنه .. ما شفت فيـه اختلافـي

و إن صار في نفسه بعض شكة و ريب
حتى البحر ما هو على طـول صافـي

صرنا من الصده .. سوات المصاويب
كلن نقـل جرحـه و قـال: امتعافـي

أصعب فراق.. فراق عكف الأشانيـب
مـا هـو مفـارق لابسـات الغدافـي

و الذيب لا منه عوى.. جاوبـه ذيـب
و العلم حامض.. بس وين الأشافـي؟

دامه لقى لـه غيـر قلبـي معازيـب
الله يسمـح درب هــاك السنـافـي

يروح.. لا يرجي رسـول و مكاتيـب
هو خابر إنـي.. مـا اتلفـت خلافـي

واللـي تعـلا فـوق روس المراقيـب
أكيـد مـا تسفـى عليـه السـوافـي


رح بشر اللي شـال شلفـا تريحيـب
قلـه: تـراهـا كلبـوهـا عـوافـي

اليوم نفسي طابـت.. و باكـر يطيـب
جرحي.. لو انه مـن يديـن المشافـي

خلصت.. و الدنيا دروس و تجاريـب
سجل يـا بـو عبدالعزيـز اعترافـي

للإستمآع و الحفظ

هنآ

[/ALIGN]

[/CELL][/TABLE1][/ALIGN]

الموضوع الأصلي: شيلة يا سعود لا تنشد ترى ماني مجيب || الكاتب: لمسة وفآء || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات