موظفة القطاع الصحي ونظرة المجتمع .....لمـــــاذا .....

مستحيله

أتيت مقبلا ً مكرا ً لا مدبرا مفرا ً

ولست معاهم معاهم وعليهم عليهم

وإني لا أقول ما في نفسي مجاملة ً ولا أجد حرجا ً مما أقول ...

الفاضلة مستحيله

لقد سدحتي الموضوع حول البنات والمستشفيات
قائلة

اقتباس السؤال لكم يارجال هل تتزوجو موظفه بالقطاع الصحي..؟؟

وقبل الرد سأرد على عبد العزيز
الذي يقول إن أحد اصدقاءه قال
الشريفه شريفه لو بين 100 رجل
بالله صاحبك هذا
هل كلامه وحي؟
أتحداه يسمح لزوجته تطلع مع سواق
إلا إذا الأمور خارجه عن سيطرته هذا شي ثاني

هذا عكس كلام الرسول صلى الله عليه وسلم
فالرسول لم يقل كذا
بل قال لا يخلوا رجل وامرأة إلا وكان الشيطان ثالثهما
ركز
1رجل+1مرأة = شيطان
فما بالك بـ
100رجل+1امرأة؟
اعتقد
=هندرت شيطان
قسم بالله يا إن ابليس راح يلعب لعبته
لا وراح يتفنن ويبدع
راح يجعل عاليها واطيها
(يهب يا ابليس )
هاه أشرايكم ناخذ كلام صاحب عبد العزيز
وإلا كلام الرسول صلى الله عليه وسلم؟
وأظن كل الظن إن الشباب اللي سادحين
مواضيع الموافقة ماهي إلا التميلح
قدام البنات ويقولون
يعنني متفتحين

ندق ريوس للسؤال
المرأة أولا كيف لبسها بالمستشفى ؟
خلونا نتكلم بوضوح وصدق
بنطلون ضيق +نقاب أو لثام+مكياج
والتصرفات تضحك مع فلان وعلان
إلا ما رحم ربي
(قسم بالله إني إذا رحت المستشفيات
إني أتعافى بسرعة ما أدري ليش)
واحنا بالرياض عاد المستشفيات
تعج بالبنات

بالله أي رجل يمتلك غيره بأن يسمح
لزوجته بكذا لبس والثرثرة مع الشباب؟؟
يووووه عاد يا الممرضين السعوديين
24ساعة مكشخين
إلا مارحم ربي

لو المرأة اللي أفكر اتزوجها في مستشفى
بقسم خاص نسائي
مثل المراكز الصحية بالأحياء
هنا بندرس الموضوع
مشكلتي غيور لأبعد حد
أبي البنت لا تقبل القسمة على 2
ابيها لي أنا فقط
حتى لو حبيبه فما بالك بزوجه
سوري على الرد تراني تحمست شوي كثير

خيال علمي *
تخيلوا يا شباب وانتم جالسين بالاستراحة
ويجي واحد من الشباب فجأة
فلان امس كنت بالمستشفى وعرفت زوجتك
والله ما قصرت معي خدمتني وخلصت مواعيدي
وكل شوي جايك واحد فاك الخشه
كأنه يبشرك بـ مليون ريال
زوجتك سوت معي كذا ومعي كذا
خير وين عايشين
قسم بالله مالي وجه
عاد يجلسون 2 بالزاوية
قسم بالله يا إن زوجته خقاق
أو
الحمد لله والشكر يا زوجته
قسم بالله تسد النفس
أو
زوجته منتهيه مايعه
وكل شوي يطالعون فيك مجموعة من الشباب
بنص عين وانت ما تدري وش السالفة
مثل الأطرش بالزفة ماتدري وين الله حاطك

ويجيك واحد آخر الليل بالله عط زوجتك الورقة
هذي خلها تصرف العلاج عاجز اجلس بالصيدلية
وتروح لزوجتك هذي وصفة علاج لفلان
بالله اصرفيها له
عاد الشيبان على الصبح ماعندهم إلا سالفة
هالممرضة
تمر+قهوة= ممرضة
عاد ما يحشون باحترام
لا والله إلا يقطعون تقطيع
شذر مذر

وبكره إذا تزوجت من واحد بالمستشفى
اسمعوا السالفة عاد
تدري ليش تزوجته شكله بينهم شيء
شكله يبي يصلح غلطته
يوه عاد إذا طلقها بعد مدة
ليش طلقها؟؟؟
يقولون يبي يصلح غلطته
عاد دبروها مطلقه ممرضة بالمستشفى
the end
يمكن كلامي قاسي لكن تراه واقعي
ولا ينكره إلا جاهل
عاد تخيلوا يتزوجها واحد
موسوس وعنده غيره
طبعا ً عندها دوام اضطراري بالليل
يجلس يتقلب على سريره الموسوس
مره مرتين يوم يومين
بالنهاية بينفجر ويطلقها
عاد تجي الشائعات من حيث لا تدري الفتاة
ليش طلقها ؟؟
أكيد إنه شايف فيها بلاء
إي والله عاد هو رجل غيور
والله إنه رجال وهي ما تستاهل الثقة
هذي نهاية الثقة
!!!!
هذه حقيقة لا أحد يفكر بقلبه
الواحد لازم يفكر بعقله
والسلام عليكم