[poem=font=",6,orange,normal,normal" bkcolor="black" bkimage="" border="double,7," type=2 line=0 align=center use=ex num="0,black""] ياللي خفوقي طامع في غرامك=يسري وراك بلوعة الوجد مدفوع
يرجي سواليفك ولذة سلامك=وشوف العيون اللي بها الزين مجموع
اسهر وعينك تهتني في منامك=واصبر وانا مالي مع الصبر منفوع
يمكن قمر حبي ينور ظلامك=ونارك تولع لي مصابيح وشموع
والفجر تظهر لي مضارب خيامك=وتصبح مواعيدك مثل حبة الكوع
نوب تعذر في عزيمة عمامك=والا تقول انك من البرد موجوع
وتظهر علامات الدلع في كلامك=ولا تكترث للي من الغيظ مفجوع
ولا تحتمل قول العرب وش علامك=كن العتب بين المواليف ممنوع
اليوم وقعنا قرار اتهامك=وحكمك غدى في صفحة الصدر مطبوع
زادت معاذيرك وقل اهتمامك=وصار الهزل مع صدق الاقوال مشفوع
خلك بكامل قيمتك واحترامك=ماعاد لي في باقي الدرب مطموع
صارت برامجنا تخالف نظامك=وصعب نطارد تالي الليل جربوع
مااريد زخات المطر من غمامك=لو مات في قلبي بساتين وزروع
هذي مراسيل العهد بإستلامك=والله يعين اللي من العام مخدوع[/poem]
العضو الأكثر نشاطاً هذا اليوم 
العرض العادي
