بينما كنت أفكر في إيجاد فكرة او موضوع حيوي يحتاج الى ان أطرحه عليكم من خلال هذا المتصفح وإذ بالوالده الله يحفظها تتصل علي لغرضٍ. ما .. وقبيل أن انهي المكالمه .. قلت لها الله يهديك ياأمي
قطعتي علي حبال أفكاري .. قالت لي .. خير .. وش كان عندك اكيد تفكر في عروسه . او بتكتب قصيده.
قلت لها لاوالله يا امي انتي تعرفين أهتماماتي متواضعه لاعروسه ولايحزنون ولاشعر ولاغيره .بس والله يا أمي انا تعودت اكتب مواضيع واناقشها مع بعض الأخوة والأخوات في احد المنتديات .( ما يبها تعرف اسم المنتدى ) ..
ونتوصل الى التعرف على الكثير من الحلول ..لبعض قضايانا.
قالت أجل ياولدي هالمره ابيك تناقش موضوع العين .. ماتدري ان أم فلان الله يشفيها لها الحين فترة طويييله بالمستشفى علشان صكوها عين ماصلت على النبي .
قلت . اعوذ بالله ام فلان ماغيرها.؟ قالت .. أي بالله .. ياولدي.
الحرمه تحب تهتم بنفسها مثل كل الحريم ومره من المرات راحت لحفلة زواج وهي ماشاء الله عليها( رزه ) ومن القصر ياولدي على المستشفى .. وطول هالفتره وهالمسكينه الله يخليها لعيالها في غيبووبه .. ( الله يفزع لها )
تكفى ياولدي ابيك تكتب وتقول لأخوياك يكتبون ويفطنون الناس لذكر الله اذا شافوا شي يعجبهم
لاحول الله .. ابشري . ياأم ماجد .. بنكتب اللي يرضي وجه الله ثم خلق الله .
وبعد:-
الفكرة كانت واضحه .. والهدف ايضا واضح .. وهذا مادار بيني وبين ام ماجد الله يحفظها ويحفظ لكم امهاتكم وابائكم وأخوانكم وأخواتكم ... الخ. وكل غالي عليكم ..
فالكثير منا الا من رحم ربي اذا نظر الى مايعجبه ينسى ذكر الله
( ماشاء الله تبارك الله )
لأننا وفي الحقيقة لن نعود السنتنا على هذا اللفظ . وبالتالي . نتسبب في ايقاع الأذي والضرر بالاخرين من حيث ندري ومن حيث لاندري..
قال الرسول الكريم صلى الله عليه وسلم: كل امة محمد عيانون إلا من قال ماشاء الله تبارك الله )..
اذا لاأطيل عليكم سأترك لكم مساحة تليق بأقلامكم وأرائكم. .
هلا والف مرحبا
الراقي والذوق
ماجد الحربي
موضيع تستحق النقاش وممن ابتلابها مجتمعنا واصبح بها هوس كثير
لدرجه كل شي اصبح عين حتي وام لم يكون عين
تسلم يدك
ويعطيك الف عافيه
علي ها الطرح الراقي
الله يحمي ويحفظ امك و امهاتنا يارب ويسعدهم في الدارين
يجب علينا دائم تحصين انفسك بالآيات في الصباح اول و نقراء سورة الفاتحة 7 مرات
والأخلاص والمعوذات 3 مرات وفي المغرب نقراء بعد الفاتحة 7 مرات والأخلاص والمعوذات 3 مرات
وقبل النوم اية الكرسي 7 مرات والأخلاص 7 والمعوذات 7 مرات
وبكذا لا يكون لهم تثير علينا الا بمشاء ربي
وحسبي ربي علي من يتمنا زوال النعمه من الغير
وهذا من الحقد والحماقه وعدم الاقتناع بما قسم الله له
وكل انسان عنده شي الله ماعده غيره غني فقير
يتميز بصفه تتوفوق علي بعض الصفات عند الاخرين المفروض
يحمد الله علي كل حال واكيد عنده شي لا يمتلكه غيره بس هو مو شايف الاالناس
وهذا خلل في تفكيره والله يكفينا شرهم يارب
عساك علي القوه دوم يارب
الله يحميك ويخليك لعين ترجيك
ولقلبك الجوري
يسعد صبـآح مامتك وصبـآحك يارب
،
للأسف كثييييييير ناس ما تذكر الله
ودا طبع فيهم يّ لطيف ، ربي لا يبلانا
امممم فيه نوعيه بالعيله سوبحآن الله ما عومري سمعتهم
يذكروا الله بجد يقهروا وادا قولتلهم قولوا ما شاء الله
يقولوا ليه نحنا عيوننا بارده ومدري شو ويصرفوا
وانا دائماً اعيد واقول كل شخص يخرج من بيتو
لازززززم يتحصّن ويقول الاذكار
حتى ربي يحميه ويحرسو
،
الله يشافي جميع مرضى المسلمين
ويشافي بابا يارب
،
عوآفي عوآفي خيو ماجد على دا الطرح
إلهي يسعدك دومآت ..،
العضو الأكثر نشاطاً هذا اليوم 
العرض العادي
