يارْشيد ماالومك على فقد من راح.=الله يلوم اللي بفقده يلومك
انا ادري إن الحزْن في داخلك صاح.=صيحة ألم فيها تعانق همومك
يارْشيد جرحك غير مجموعة جراح.=دمعك على كتفي وبلّل هدومك
يارْشيد فرقَى مهجة الروح ذباح.=لكن نبيك وكلّنا في لزومك
يارْشيد لو صبر الجمل ودّع وطاح.=يارْشيد تكفَى لاتهاوَى عْزومك
يالله عسَى سلمان في خير وارباح.=عند الرحيم اللي بْيِدِه قوت يومك
في جنةٍ مابه سوَى غير الافراح.=وتشوف بشرَى الخير في وقت نومك
العضو الأكثر نشاطاً هذا اليوم 
العرض العادي
