اول ممثله سعوديه صور

والله يمكن تكون سعودية ، حجازية او من الشرقية او من نجد او حتى من الجنوب محد يدري كل شئ جائز ومافي احد معصوم وأنا مااستبعدها ابدا لأنه للأسف المجتمع السعودي قاعد يتعرض للتغريب والتبديل في المبادئ والقيم والعادات الاجتماعية وكله بإسم التطور وكسر جمود العادات حتى في أمور الدين اللي منها الحجاب ويقولك هذا عادة وليس عبادة.
وللأسف اللي قاعد يقود حملة التغريب هذة ناس من ابناء جلدتنا وقنوات فضائية تمول بأموال سعودية واللي مو مصدق يفتح قناة مثل قناة mbc ويشوف بعض البرامج مثل برنامج سعوديات معاصرات هل في يوم جابوا لقاء مع سعودية لها أثر ملموس في مجتمعنا لكنها محجبة؟؟ طبعا لا، مع انه في كثير محجبات ومبدعات في المجتمع السعودي لكن في البرنامج إشارة واضحة انه المقصود بالمرأة المعاصرة هي التي خلعت حجابها وكشفت وجهها وبعض من شعرها.
وعشان مانروح بعيد عن موضوع الممثلة السعودية شوفوا ايضا حملة ال mbc اللي سموها "أحب التمثيل" وشوفوا اعلاناتها كم واحد من هالاعلانات تظهر فيه البنت تقول أحب التمثيل وكم مره يظهر الشاب فيها؟!
إن ماخاب ظني نسبة ظهور البنات فيها 99% وهذا سببه نقص العنصر النسائي الفني في دول الخليج وغيابه بالكامل في السعودية على وجه الخصوص وفي هذه الاعلانات ترغيب للبنات دون الشباب بالتمثيل والتقديم في هذه الحملة حتى يخرج الفن السعودي بالذات من هذه المشكلة اللي يعاني منها من سنين واللي أصحب الوقت الآن مناسب جدا لحلها من بعد ماأصبح الشباب والفتيات في السعودية يضربون بالعادات والقيم والأخلاق، اللي تربوا عليها آباءهم،عرض الحائط إلا من رحم ربي وعسى الله يكثرهم