* تــــ ـوضــــ ـيـــــ ـح *

10-20-2007, 07:27 PM

رواد موت و ننطح الفرس والروم=وجيوش هتلر عن بغاهـا نديـره
توضيح لك يامغير العلـم وعلـوم=يمغير الصفحـات دون المشيـره
تبي لربعك علم ماهـو بمقسـوم=ولحدن شقابه يوم وقت المريـره
دونك ترى التوضيح يلفاك مفهوم=باقـلام خطتلـك علومـن كثيـره
الي لفاه الذيـب مابـات محـروم=عده من الضيفان شيـخ الدغيـره
والا لبن عيـاش ماياصـل الـوم=موفي حقوق الجار ياعـز جيـره
وآل الرمال وطيبهـم يذكـر ودوم=علمن ثبت برزخه حـد الشطيـره
وخوينا شلناه خمسة عشـر يـوم=من صرغ جينا كلنـا لـه جبيـره
صغيرنا يوم الضنك شال زيـزوم=شحاذ جنب عـن ردات ومعيـره
حفيا قدم يادربنا قيـض وسمـوم=نطرد سـرابً لاح عـز الظهيـره
ظميا وقيضه ينقل الويل مزمـوم=عفيت غريب ماشرب من غديـره
واذكر عبكلي واعطي الناس معلوم=ماضي لنا وتاريخ مجد ومسيـره
وأبطال الاسلم لارتخى كل محزوم=شدو حباله والتقـى مـع قريـره
هذي فعايل ربعنا وتاركـن كـوم=ماجبتلك علـم العلـوم الخطيـره
علك فهمت وصار ياهوه مفهـوم=العلـم واضـح جـاك لاتستثيـره

10-20-2007, 08:13 PM

وأبطال الاسلم لارتخى كل محزوم
شدو حباله والتقـى مـع قريـره
هذي فعايل ربعنا وتاركـن كـوم
ماجبتلك علـم العلـوم الخطيـره

ونعم ونعم اهل اللحيسه
صدق لسانك وبنانك وعلا شانك ياشلاقي
عزالله قصيده تنومس

10-20-2007, 08:16 PM

ماقصرت وفيت وكفيت
ياطلال الشلاقي
صدق لسانك يالذيب

10-20-2007, 08:20 PM

يسعد قلبك على القصيده
اخي طلال
قرائتها مرارا وتكرارا لم اجد فيها مايعيبها
ارجو لك التوفيق
وفالك الخير

10-20-2007, 08:59 PM

ماشالله عليك طلال الشلاقي
صح الله لسانكـ
واعتلا شانكـ

10-22-2007, 11:55 AM

الشاعر القدير .. طلال الشلاقي

ونعمين يالشلاقي

وكفو يالعزوووووه

تترتب الذائقة لقرأتك ,,وتشرئب

صح الله لساااانك ملااااااايين ولاهنت

وتقدير لا يُحد

اخوووك

سرحان

معرض الوسام · 10-22-2007, 12:35 PM

الشلاقى
ونعم والف نعم فيك وفى من ذكرت
اشهد بالله انك كفيت ووفيت
وابصم انه يبي ياصل العلم
مايجحد حق الطيبين وانت منهم
لله درك
وصح لسانك
الى مالا نهايه
ولاهنت

تقديرى

10-22-2007, 06:01 PM

صح لسانك لا هنت

10-23-2007, 09:33 PM

جساس
الوافي
نزف القوافي
هوجاس
سرحان
عقاب النهار
الحيران

صح بدنكم جميعن والله لايهينكم على الكلام الرائع والملموس
دائماً منكم ولكم مني جزيل الشكر والعرفان على كل هذا التشجيع
وهذه الثقه وكفيتو يالغالين وهذا الكلام لايوفيكم حقكم فلكم
الكثير من الفضل بعد الله ودمتم سالمين ،،

10-25-2007, 02:39 AM

هلاوغلابالحرلين ادرج الحوم 00نسل الكرام اهل السيوف الشطيرة
طلال قول وفعل ويحسن العوم00وله في بحورالشعرجوله خطيرة
لاهنت والله اخوي الغالي

وصح لسااانك وطااال عمرك

10-25-2007, 09:33 PM

لاهنت يابندر ولك بالهوى حوم=يامعجز(ن) حر الفلا في مطيره
لايصلك شك(ن) ولايلحقك لوم=مثلك برز معناه فنه وتسطيره

الله لايهينك يالذيب وصح السانك يالغالي
كلمات تعني لي الشيئ الكثير من شخص
بقوة شاعريتك العملاقه ووسام لصدور
الشعراء ولك مني فائق التحيه والتقدير

10-26-2007, 11:45 AM

هلا وغلا بطلال الشلاقي
لوحة جميلة رسمتها بشفافية عذبة
عبرت بها إلى قلوبنا فتفوقت بزرع الدهشة
والإبداع
لاهنت يابعدي وسلمت يمينك واتحفنا بالجديد لاتحرمنا

10-27-2007, 01:42 AM

الـ ساري

هلابك أكثر يالغالي

والروعه تشريفك لمتصفحي

ومشكور على الكلام المشجع

معرض الوسام · 10-28-2007, 02:44 AM

ذكرت رجال اعلام ومواقف بطوليه نفتخر بها جميعا00

كل الشكر اخوي طلال على معانيك الراقيه0

تحياتي العطره يالعزوه00

10-28-2007, 12:56 PM

الشاعر القدير/ فواز الغسلان

أشكرك من الاعماق على جمال وروعة دررك التي
نثرتها هنا ... وتعجز الكلمات عن ايفائك حقك من
مدح وشكر وثناء على روعة ما كتبتهُ في متصفحي
ومرورك الرائع والعطر دائماً . دمت لنا قلما شامخاً
ولكـ مني فائق التحيه والتقدير ،،