حبني والله مهو نفس بقعاوي

[align=center]


(( حبني والله ماهو نفس بقعاوي ))


في عام 1411 للهجره كنت راكب مع الاخ العزيز بايق بن سعود الخمسان الذي عرفه

الكثيرون بمواقفه المشكوره في الاصلاح وحل اختلافات الناس لما يمتلكه من حسن منطق

وحسن تصرف حفظه الله وكنا نتمشى داخل مزارع بلدة القاعد شمال مدينة حائل فمررنا من

عند مزرعه وفيها شايب كبير بالسن كان معه مخلب ويجرد احدى الغرايس من النخل فتوقف

الاخ بايق وقال ابوفهد هل تعرف هذا الشايب قلت لا قال هذا مقبل بن حشاش التبيناوي اللي

يقول ( كان لك بي يالغضي مثل مالي بك000حبني والله مهو نفس بقعاوي ) قلت جابه الله

ابي اسمع منه سالفة هالبيت اللي اشتهر مع الناس كله000

كنا بالشتاء وعلي فروه وعندما اقتربت منه تلثمت وتقنعت بالفروه وعندما اصبح على بعد عشرة امتار

قلت له - اللي ببطنه شي للناس مايطلع للمزارع وهو يخبرهم وراه - وهو يلتفت يراعي لي فأذا

هو يرى شخص متخفي واكيد عنده شر فقال وش في بطني لك يارجل قلت وش تخبر ببطنك لاهل البلدات

اللي حولك فقال والله مااخبر غير طلب واحد لاهل بقعاء يوم اقول-الله ماهو نفس بقعاوي- قلت وصلت

على خير وهو يضحك فقال انت ابن غسلان قلت ايه نعم فتسالمنا-وهي اول مره اراه-ودخلنا نتقهوى فقال:

عشقت زوجتي ام فواز -وهذي هي وراء هالجدار وتسمعك-وحنا شباب وتفضخ راسي معها وكنت ودي اشوفها

واسولف معها لو ساعه ولاحصل0 ويوم من الايام طلعت هي مع الغنم وقلت فرصه وانا اروح وراها ويوم جيتها

سلمت وهي ترد علي وكلمه مع كلمه صار وجهي وسيع شوي وقلت ابيك تعطيني حبه-بوسه-قالت انزح وراك

قلت ماهي ضارتك هالحبه قالت الا وقلت ليش قالت ننشاف يقول وانا اراعي يمين ويسار ماحولنا احد فقلت وشلون

ننشاف وحنا ماحولنا الا هالمعزى والصخول فقالت لا انا اخاف من رب المعزى والصخول يقول قلت -يابنت الحلال

الله غفور رحيم ماهو بقعاوي ادنى ماازعله-يقول وهي تسوق غنمه وتمشي وتتركني واقف فقلت:[/align]

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

مـن جـوابـك ياحبيبي وترحـيبك=اشهد انه طاوي(ن)حالي الطاوي
اشـهـد انه مانوى القلب تجـنيبك=لو يقولون الـعـرب تـايه وغـاوي
كان قـلبك صافي(ن)واهنيي بك=بـس ابـيـك وباقـي الناس للهاوي
البلاء ويـن المـظـاعين تـدوي بك=شيب عيني وان عـوى دونك العاوي
كان لك بي بالـهـوى مـثـل مالي بك=حـبـنـي والله مـهو نفس بقعاوي[/poem]

[align=center]واشتهر هذا البيت عند الناس وهم يحسبونه ذم وهو بالعكس مدح لان الرجل اللي مايزعل وتثور نفسه مافيه خير00

فضحكنا على هالسالفه وقام يقصد علي لين غابت الشمس وبايق مصلح القهوه في بيته وينتظرني لكني نسيته من الظهر

لين المغرب يوم لقيت السوالف والقصيد00 وتوفي بعدها رحمه الله تعالى ولم اراه سوى تلك المره التي لن انساها ابدا000 [/align]

الموضوع الأصلي: حبني والله مهو نفس بقعاوي || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

صباح العشق
الله يرحمه والله يلوم الي يلومه
العشق يخلي الشخص يهذي بس اثري الغزل من اول
عند المعزى والصخول الله يالدنيا اللحين له عدة طرق
ومنافذ
والله يابوفهد ياسوالفك تشرح الخاطر
لاتحرمنا منها كل صبحية نبيها

[align=center]السلام عليكم ورحمة الله وبركاته
صباح الخيروالقصيد
قصه حب انتهت بزواج حلوووووووو
يسلموووواخوي فواز اتحفتنا[/align]

وفقك الله على القصه
كنت اسمع بالمثل ولا اعرف قصته
جزاك خير اخي الراوي

يلبسك العافيه فواز الغسلان
ماقصرت بيض الله وجهك

[align=center]هههههههههههههه

ابو فهد

ربي يوسع صدرك آمين

والله اني جالسة اضحك

ومن زود الضحك طحت على الكيبورد

اي والله الله ماهو نفس بقعاوي

يازين عشق الأولين وصراحتهم

كل الشكر ياأستاذنا على

القصة والقصيدة[/align]

اقتباس المشاركة الأصلية كتبت بواسطة دكتور صنهات صباح العشق الله يرحمه والله يلوم الي يلومه العشق يخلي الشخص يهذي بس اثري الغزل من اول عند المعزى والصخول الله يالدنيا اللحين له عدة طرق ومنافذ والله يابوفهد ياسوالفك تشرح الخاطر لاتحرمنا منها كل صبحية نبيها

[align=center]
هلا وغلا دكتور صنهات وحياك الله يالعزوه00

تحياتي الحاره000[/align]

[align=center]الله الله

الاولين عشقهم عفيف

اي والله


هييييييييييه يابوفهد

الله ينومس قلبك بالعافيه ياحلالي

ولاهنت يالغالي



لك الغلا[/align]

اقتباس المشاركة الأصلية كتبت بواسطة سكر نبات [align=center]السلام عليكم ورحمة الله وبركاته صباح الخيروالقصيد قصه حب انتهت بزواج حلوووووووو يسلموووواخوي فواز اتحفتنا[/align]

[align=center] العزيزه سكر نبات 00

كل الشكر لمرورك الغالي وتعليقك النبيل

تحياتي لك[/align]