ماهو البيت الذي تردده إذا شعرت بضيق أو غيره؟؟؟؟

[align=center]


البارحة .. مدري وش اللّي خذاني ؟!!! ** يوم أجنبوا عنـّـي من الضيقة أشملت !!
جيت أتكلـّـم بس عيـّـا لساني ** ماكنـّـي إلاّ مرتكب ذنب وأخملت !!
الله يسامح من ذكرت ونساني !! ** وأنا أدري إنـّـي لا ذكرته تجمـّـلت !!
عانيت وأدري كل طيـّـب يعاني ** وعلى حساب طعوني الخضر جاملت !!
ياماخذوا منـّـي ولا أحدٍ عطاني ** من طيبتي .. في حقّ نفسي تساهلت !!
عزاي لا منـّـه تجـّـهم زماني ** يمـّـمت وجهي للكريم وتوسـّـلت !!!!
واللّي يبي قربي وبُعدي .. لقاني !! ** أمشي على وضح النقا .. ما تختـّـلت !!
يامن سكنت أجمل زوايا كياني ** ياما على نفسي عشانك .. تحاملت !!
مرّات أحسّ إنـّـك معي .. شخص ثاني ** ومرّات أحس إنـّـك .. حبيبي .. وما زلت !!
لا تفرح إنـّـك دجت بين المحاني ** لو ماتخون الذاكرة .. ما تسلـّـلت !!!
عشان ماضيك الجميل وعشاني ** حاول تشيل من الوفا .. رُبع .. ماشلت !!
ماني على خبرك حبيبي تراني ** حتى عن إصغار الأماني .. تنازلت !!

[/align]