وأخيراً تحقق حلمنا ( لا للعمالة الوافدة )

و الله صدقت انهم شايلينهم من الدوله ^^

بالنسبه لي انا مع ترحيلهم من الاساس ..
لان ما لهم داعي بالديره ..
صح ينفعون ببعض المجالات لكن ضررهم اكثر من نفعهم ..

العماله الاجنبيه ..
لا تملك رادع ديني ولا اخلاقي ..
لذلك تجدهم يعيثون بالارض فساداً لا سيما مع تستر الاخرين عليهم ..
و لو تم ترحيلهم من الدوله ..
راح يوجد شباب فيهم الخير و البركه ..
مستعدين يتوظفون باي وظيفه ..

غلاي عالي سماها قالت ما فيه احد يرضى يتوظف ببقاله ..
بالعكس فيه كثييييير شباب ماسكين هالشغله ومو عيب بالعكس ..
و يشهد الله اني افخر لا شفت ابن بلدي متوظف و له اعتبار ..
مو قاعد بطالي عالارصفه عشان الوظيفه مو قد المقام ..
ليه من وشو مخلوق الاخ ؟؟؟؟
اما بالنسبه لعمال محطات البنزين ..
ما فيه داعي احد يمسك هالوظيفه ..!!
انا شفت النظام بدول اجنبيه و اعجبني حيل ..
| كل واحد يعبي سيارته .. لانه هو المسؤول عنها ..!! |

أما بالنسبه للعماله العربيه ..
اشوف مالهم داعي بعد ..
ما قصدي اقطع ارزاقهم لكن عيال البلد اولى منهم بالوظيفه ..
صح اخوان وعيال عم لكن مو على حساب اهل البيت ..!!!
انا مع ترحيلهم باقرب فرصه ممكنه ..

وبصراحه ..
عندي فكره ما ودي اعممها لكن عالغالبيه من هالعماله ..
ان اللي ما لقى سنع بديرته يجي عندنا ..
يعني الطبقات الدنيا من المجتمع ..
بالمعنيين سواء فقيره او منحطه ..
لكن انا شخصياً شفت نماذج عماله اجنبيه وعربيه ..
مشرفه بصراحه وتستاهل التقدير او المكان اللي اتخذته او اعطي لها ببلدنا ..
عشان كذا تغيرت فكرتي الاساسيه السابقه ..
وقمت ما اعممها عالكل ^^


نرجع لنقطة عمال النظافه ..
اعتقد بقاءهم بهالوظيفه ممكن ..
لان صعبه جداً احد يتوظفها ..
مثل قطاع الصرف الصحي ( اكرمكم الله ) ..
لكن نظافه عامه مثل الشوارع والمنتزهات العامه ..
ما اشوف فيها شي يمسكها مواطنين من البلد ..
زي عندنا بحائل ..
رجال الكشافه سعوديين و من انفسهم يتبرعون وينظفون المرافق العامه للدوله ..
يعني رفض الشباب لها مو منطقي خصوصاً اذا كانت وظيفه رسميه و مصدر رزق ..!!
يعني يستلم فيه راتب ^^

تسلمين هيوده عالموضوع التحفه ^^
ولي عوده للاطلاع عالاراء ..

دمتِ ..