هل تقبلـ / ـين .. بفكرة التبني ؟ ـلماذا ؟

.. موضوع للنقاش ..

طبعا همـ فئهـ أقدر أقول انهمـ مظلومين , وجاوو للحياه من غلطهـ لايحاسبون عليها
انما تبقى جرح لهمـ يحرمهمـ من أمور كثيره ..

الآن : انتـ / ـي هل تقبل فكره التبني ؟
ـلماذا ..!!
كيف بتواجههـ بكرى لما يكبر بالعايلهـ ؟
هل تضمن ان ماراح تكون مشاكل مستقبلا مع بني سنهـ تأدي الى انهـ يقولهـ ..
][ روح انت ولد حرامـ ][ ..
كيف بيكون شعوره ؟
وكيف بتقابلهـ وانت سبب بشعوره بجرح الكلمهـ !!

صحيح انت فضلت على راسهـ وخليتهـ يتربى وسط عايلهـ بس ممكن تكون من وراه مشاكل ..!
فأنتـ / ـي ماتضمنين انهـ راح يحافظ على اسمـ العايلهـ وسمعتها , مثل ماراح تحافظ عليهـ أنت !!
يعني احتمال وارد انهـ يلعب باسمـ العايلهـ !!
فـ .. هو لاراح يضره شي ولا راح ينفعهـ بشي ..

أترك لكمـ النقاش كامل ولو حبيتو تضيفون نقاط على ماأضفتهـ لكمـ الحريهـ كاملهـ !!



موضوع نقاش اعجبني وانشديت معاه حيل وحبيت اسمع ارائكم


مع خالص حبـــي ..

الموضوع الأصلي: هل تقبلـ / ـين .. بفكرة التبني ؟ ـلماذا ؟ || الكاتب: " آلـ جــود " || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

بالنسبه لي اشجع فكرة التبني

وانا جالسه اقنع امي بهالفكره لانهم اطفال مالهم ذنب بالحياه

سوى انهم جاءوا للدنيا بغلط من الكبار

والتربيه لها دور كبير يعني انتي لما تربين عيالك

احتمال انهم ينحرفون وهم عيال حلال

فاعتقد ماله دخل الانحراف بهم بالعكس الدور الكبير ع التربيه

وهو لما يشوف اللي سوته له العائله من استقرار ماراح يفرط بهالشي

والشي الاهم هو انك تكسبين اجر من تربيتك له

نائبه الله يعطيك العافيه ع الموضوع

وادعي اني امي توافق ع التبني

يسويها البخت
ربي يسلم قلبك على تفاعلك مع الموضوع
حتى انا نفسي اتبنى طفل
وان شاء الله امك توافق والله يجزاك الف خير على تفكيرك فيهم

الوالد متبني ’’

انتظروني غدا بإذن الله

[align=center]


نائبة القمر
اولا اشكرك على طرح الموضوع
ثانيا فكرة التبني غير موجودة في الإسلام لقولة تعالى
{وَمَا جَعَلَ أَدْعِيَاءَكُمْ أَبْنَاءَكُمْ ذَلِكُمْ قَوْلُكُمْ بِأَفْوَاهِكُمْ وَاللَّهُ يَقُولُ الْحَقَّ وَهُوَ يَهْدِي السَّبِيلَ، ادْعُوهُمْ لآبَائِهِمْ هُوَ أَقْسَطُ عِنْدَ اللَّهِ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ}
وفي الحديث الصحيح ((من ادعى إلى غير أبيه وهو يعلم أنه غير أبيه فالجنة عليه حرام)).



في الإسلام يوجد شي اسمه كفالة يتيم
عن سهل بن سعد رضي الله عنه قال : قال رسول الله صلى الله عليه وسلم : ( أنا وكافل اليتيم في الجنة هكذا وأشار بالسبابة والوسطى وفرج بينهما ) رواه البخاري

وهنا تفصيل لكفالة اليتيم

اقتباس وهذه الكفالة مرتبطة باليتم ، واليتيم هو الذي مات أبوه ولم يبلغ مبلغ الرجال ، فإذا بلغ الصبي الرشد لم يعد يتيما ، إلا إذا كان في عقله سفه أو جنون ؛ فيظل في حكم اليتيم وتستمر كفالته ، والبنت تظل في الكفالة حتى تتزوج ، لقوله تعالى : ( وابتلوا اليتامى حتى إذا بلغوا النكاح فإن آنستم منهم رشدا فادفعوا إليهم أموالهم ). فإذا بلغ الصبي اليتيم رشيدا ولكنه فقير فيكون الإحسان إليه من باب أنه فقير .

هذا والله اعلم
اتمنى اكون افدتك في هذا النقاش
وشكرا لك


[/align]

بدر البدور
انا بانتظار طلتك يالغلا

نور الدنيا
يالغلا انا مااقصد يالتبني انه ينسب الولد لاسم الوالد
لا انا قصدي الكفاله اني اكفله ويعيش معنا بنفس البيت
ويكون تحت نظري
هذا قصدي يالغلا

اقتباس المشاركة الأصلية كتبت بواسطة نائبة القمر نور الدنيا يالغلا انا مااقصد يالتبني انه ينسب الولد لاسم الوالد لا انا قصدي الكفاله اني اكفله ويعيش معنا بنفس البيت ويكون تحت نظري هذا قصدي يالغلا

هلابك قمورة يمكن انتي ماقصدتي ذلك
ولكن الموضوع منقول وقد يكون من طرحه يقصد ذلك
وهذه الجزئية تؤكد كلامي

اقتباس فأنتـ / ـي ماتضمنين انهـ راح يحافظ على اسمـ العايلهـ وسمعتها , مثل ماراح تحافظ عليهـ أنت !! يعني احتمال وارد انهـ يلعب باسمـ العايلهـ !!

كنت اتمنى لو انك حذفتيها
شاكرة لك سعة صدرك وحلاوة وجمال نقاشك

يسلمو يالغلا

[align=right]
بـ صراحه نفس النقاط اللي أثارتها نور الدنيا ..
و لفت نظري نفس الجملة ..!

***

حتى كفالة اليتيم ..
صعبه يعيش معاك بـ نفس البيت ..!
لـ أنه إذا كان ولد ..
و كبر عندكم ..
إنتي مو محرم له ..
و حرام يعيش معاكم ..!
و إذا بنت ..
أولادك و زوجك مو محارم لها ..!
فـ حرام تجلس معاكم ..!!!!!

***

أنا مع كفالة اليتيم ..
و حتى فكرت جدياً إني أكفل واحد ..
لكن صعبة ..
أنا أتكلم عن الكفالة بـ المال مو الرعاية ..
لـ أني ما راح أتأكد الكفالة يستفاد منها لـ الأيتام و أغراضهم ..
أو إنها تروح مذاهب و الله أعلم من يستفيد منها ..
عـ دور الأيتام مو مقصرين معاهم ..
و لا الدولة تقصر بـ رعايتهم ..

***

لي عودة أكيده إلى هنا ..
فـ الموضوع يستحق النقاش فعلاً ..

كل الشكر لك أختي على إثارته ..
و تسلمين على أفكارك و منقولاتك المميزة ..[/align]

أمــــل
طيب وش اللي يمنع من اني اكفل لي طفل
صغير عمره بالاشهر ويرضع من الوالده
ويصير اخووي من الرضاعه
واخليه عايش عندي وتحت نظري
احسن من اني اكله وهو بالدار
وماادري اذا الفلوس توصل له والا لا ؟؟؟

انا بانتظار عودتك يالغلا

هلا والله نائبة القمر

موضوع شيق جدا

انا مااعارض كفالة اليتيم

وبالعكس اتمنى هالشي وفعلا قاعد احاول اسويه ان شاء الله

بس مثل ماقالت اختي امل اكفله بس بدون مااخذه معي للبيت

وهذا بسبب المشاكل اللي راح يواجهها اذا كبر

يعني راح اصرف له مبلغ شهري معين

وراح ازور كله فتره والثانيه واخذ له اغراض معي

وسالفة ان الفلوس ان الفلوس ماتوصله فهذي مااعتقد انها راح تصير

والله اعلم

كل الشكر لك على الطرح الهادف

موضوع يستحق النقاش أكثر من مره ,,

وقتي لا يسعني أني اكتب الكثير , بس بلا شك لي عوده ,,

..

فالبدايه ,, ..

مافي أحد يختار حياته بيدهـ ,, بإختصار هم أيتام ومالهم أحد ,, حنا من الواجب علينا

الرعايه مدام أن الله فاتح علينا خيره و نعمته ,, ,, مدام حنا عندنا واسع العطيه ليه مانقدم

لهم رعايه منا لهم , ..

ماهو شرط الي راح نتبناه يعيش معنا حين يكبر ,, بالعكسًَ أساسا واجب علينا نقوله حقيقة الأمر

حين يكبر ,, و ساعتها هو الي يحدد هالوده يكمل مع الأسره الي تربى معهم لكن بشروط , أو أنه يرد مكان ماجبناه ..

..

الوالد متبني واحد , وعايش فـ بيت الثاني للوالد , عمره 16 سنه ,

لما كان عمره 14 سنة الوالد قاله كل شي ,, ..

اتذكر اخواني قالولي فالبدايه كان فـ الغرفه 24 على 24 لا ياكل ولا يتكلم مع أحد ,

لكن بعد يومين رجع الحال مثل ماهو , والحين موجود مع الوالد ومتقبل الوضع ,,

انا عمري 18 , والله ما في يوم حسيت انه ماهو اخوي , دايما اعده واحد من اخواني

حتى أن سألوني كم عدد اخوانك , كنت احسب حسابه معنا ,,

مير كبرنا وصرت مااشوفه ابد ,, اللهم اذا رحت بيت الوالد يمكن اشوفه من ورا الشباك >> هههههه

بإختصار أهم شي أن الإنسان الي راح يتبنى ما يتأخر في اخبار الذي تبناه بأنه ليس أبنه

لأن من الواجب ذلك ,, وفي تأخر راح تحدث مشاكل كبيره جدا ,,

..

كفالة اليتيم ..بعد هذا أمر رائع , وجميل جدا ,, أنك تدفع مبلغ من المال لهم وشهريا

توصلك رساله من الطفل أو الشاب الي كفلته كاتب فيها رساله بخط يده

وصورته وهو كاشخ ,, يعني والله امور جميله ,, وفيها الخير والبركه ,,

احساس جميلُ , حين تدرك بأن أنسان مرتبط حياته بـ حياتك ,, لأنك ساعتها

أنت الي راح تقدم الي عندك له ,, مثلا يكمل الجامعه على حسابك و بعد مايتخرج راح يشتغل

يعني كل حركه له فيها خير راح تأجر عليها ,,

يعني أفعال وأعمال جميله نقدمها لأخوانا الأيتام ,,

وانا اؤيد هالفكره وبقوهـ ,,

واذا الله عطانا عمر وكان لي استطاعه بأن اكفل أو اتبنى , بأذن الله الواحد أحد

ماراح يكون لي حاجز فالوقوف ابدا ,,

...

لي رجعه .. الموضوع روعه

والسموحهـ ,,



تسلمين حبيبتي ع الموضوع الروعه

[align=right]
نقاط مميزة التي أثيرت ..

***

أنا معك أختي نائبة ..
إذا كان رضاعه ..
أوكي ما فيها مشكلة من ناحية الشرع و هذا أهم شيء ..
لكن لو كفلته و أخذته معي لـ البيت ..
راح تصير معقدة حياتنا ..
يعني إذا من البداية أقول له إنه مو ولدنا ..
و إنه غريب و يتيم ..
راح يكبر و تكبر معاه عقدة النقص ..
و إنه مو من العائلة يعني ..
و لو كان معنا في نفس البيت ..
راح تكون المشكلة أكبر ..
و عواقب نفسية وخيمة عليه ..!
حتى إنه إحتمال يكرهنا اللي نسمى عائلته الجديده أو البديلة ..!!!

***

لكن لو صبرت و ما قلت له إلا لـ حد ما يكبر ..
برضو نفس المشكله ..
راح تنقلب حياته و كل الأسس اللي تكونت عليها شخصيته ..
و إحساسة بـ الإنتماء لـ أهله و أخوانه ..!
تخيلي معاي الموقف ..
لما تعيشين طول حياتك مع ناس ..
و بين يوم و ليلة تكتشفين إنهم مو أهلك ..!!!!
صدقيني مجرد تخيل الوضع ..
بـ يدمر نفسيتك و نظرتك لـ الحياة كلها ..!!
و إن كل شي بـ وجودك خدعه و كذبة كبيرة ..!
حتى أمك و أبوك ..!!!!
صعبه حيييل و يمكن قاتله هـ الحقيقه ..!
لـ أن فيه ناس يميلون لـ الإنتحار بعد هـ المواقف ..
هروب من الواقع و الحياة المدمرة اللي يعيشونها ..
من وجهة نظرهم هم ..
الله يعيذنا و يستر علينا ..

***

لكن برضو فيه أطفال ..
مستعدين يتقبلون وضعهم ..
و إنهم أيتام و مو أهلهم إحنا ..
حتى لو كنا مربينهم ..
بس شلون تضمنين ردة فعل الطفل ..
خصوصاً إنك مو ضامنه إنه ما يرفض كلامك ..
أو حتى يرفض وجودك بـ حياته لما يكتشف الكذبة ..

أدري هي مو كذبة إنك تخبين عنه لـ حد ما يكبر شوي ..
لكن هو يشوفها كذا ..
و صعب تغيرين قناعة طفل لـ أنهم معروفين بـ العناد ..
و جربي أي طفل عندك حاولي تقنعينه بـ أي شي ..
صعب يتقبلون أفكار و طلبات الكبار ..!
و خصوصاً بعد صدمة نفسية حادة تدمر شخصيته ..

***

بـ النسبة لـ أخ بدر البدور ..

ما فهمت عليك أختي ..
هو عايش معاكم فقط أو راضع من الوالدة يعني ؟؟
و ليش ما تشوفينه إذا كان أخوك ؟؟
هو معتزلكم أو إنتم معتزلينه ؟؟
لـ أنك تقولين إذا رحنا بيت الوالد ما نشوفه ..
بس أتمنى التوضيح قلبي :d

***

تعقيب على الأخ قناص الشمال ..

ما شاء الله عليك ..
الله يتمم هـ الخطوة و يرزقك الجنه ..

بس بـ النسبة لنا صعبة ..
أقصد كوني بنت ..!
صعبه أتتبع الفلوس اللي أرسلتها وصلت لـ الطفل أو لا ..
أستفاد منها أو لا ؟؟!!
ما أقول شي بـ القائمين على مثل هـ الدور ..
لكن صارت الدنيا ما لها أمان ..
و قام الواحد يشك بـ ظله ..!
لكن ما شاء الله عليكم أنتم يا الشباب ..
تقدر تتواصل مع الطفل ..
تزوره تاخذه تتمشون ..
تربطه علاقة صداقة معك أكثر من كونها تبني أو رعاية ..
هـ الشي اللي أنا أتمناه لكن صعب جداً أسويه ..!
عشان كذا بدأت فكرة الكفاله جدية معي ..
لكن تخاذلت في مرحلة التنفيذ ..

***

أنا ما أنكر الأجر العظيم اللي ينتظر كافل اليتيم ..
خصوصاً إن الرسول بشر بـ منزلته في الجنة ..
عندما قال | أنا و كافل اليتيم كـ هاتين في الجنه | ..
و أشار بـ السبابة و الوسطى و فرق بينهما ..
و الكل يتمنى هـ الأجر و المنزلة ..
خصوصاً إن المبالغ رمزية جداً ..
ما تتعدى 100 ريال بـ الشهر ..
و ما تنقص من مالك شي أبداً ..
بـ العكس تزيده و تنميه ..
و هذا اللي سمعته أثناء سؤالي عن الموضوع ..
تطرح البركه في المال و كـ أنه يزيد ألاف ألاف ..!!
و إن شاء الله الحسنات بـ المثل و أكثر ..

لكن لا بد من مراعاة نفسية الطفل ..
و رعايته نفسياً و معنوياً قبل كفالته مادياً ..!
عشان كذا أنا مترددة ..
لـ أني أقدر على الجزء المادي بـ إذن الله ..
لكن راح أقصر تقصير كبير بـ الجزء المعنوي ..
و هو أهم جزء بـ نظري ..
اللي يعوض الطفل اليتيم فعلاً ..
و يقلب حياته و يحسسه بـ الأمان ..
و إن الدنيا حلوة و تستاهل تنعاش ..!!!
أو حتى ..
لـ مجرد إنه يفتح قلبه لي ..
و يعتبرني بـ مكان أمه أو أخته ..!!!!
عشان كذا أنا متردده عن الموضوع ..

***

آسفه على الإطالة ..
و التعقيب بـ دون إذن اختي نائبة ..
لكن حبيت أعلق على كم نقطة ..
و أضيف رأيي و نظرتي لـ الموضوع بـ التفصيل ..
و كل الشكر لك أختي نائبة ..[/align]

اختي امل

\\ ..

الوالد متزوج ثنتين ..>> وهو عايش فـ البيت الثاني ..


وماهو اخوي , عشان كذا ما اشوفهـ ,,

يعني يحرم علي ..

ان شاء الله قدرت اوضح لك ,,,

^^