بسم الله الرحمن الرحيم
اليوم بالذات غير عن كل الأيام مدري ليه؟؟
فمت من النوم الساعة 1 ظهرا على جوالي يرن
رديت وانا نص نيمة والعيون متورمة حيل<<بدون ذكر السبب..
سمعت صوت اخوي على الخط الثاني يقول اعوذ بالله وين انتم؟؟!!
قلت سم وش بغيت؟!!
قال افتحوا لي الباب الكبير بدخل السيارة جايب ذبايح..
وانقز<<مجاز لحد يصدق
وانادي الشغالة ونفتح الباب وندخل الأغراض ونمد السفرة بالمطبخ وهات ياسكاكين وسواطير وننزل تقطيع بأم الذبيحة وخوالها..ههههههه
ماخلصت تقطيع وتوزيع الا يأذنون العصر
وهي تجيني الطنخة<<حالة تجيني كل عام..
والبس عباتي وانط بحلق اخوي الا توديني بسلم على عمي وعمتي >>>صلة رحم هالقايلة..
المهم رحت وسلمت على عمي وعمتي وبيت اخوي ومن جاورهم..
ومادريت الا باقي ربع ساعة على الفطور
قلت لأخوي وحنا واقفين عند الأشارة: لحوووول الساعة 6 الحين مير تلطم وادعس..!!
وعلى طول ينفذ الوصية ويدعس لين وصلنا البيت<<قسم بالله ترا كل هالعجلة مو جوع لكن عندنا ضيوف بالبيت ومستحية اخليهم يفطرون لحالهم<<ام السنع..
وصلت البيت بالسلامة وازت العباية بالصالة وعلى المطبخ ارتب السفرة
وانا ارتب السفرة سمعت صوت الأذان
الله اكبر الله اكبر...بعدها عينك ماتشوف الا صحن الشوربة والفيمتو...........
واقوووم اصلي المغرب وانسدح شوي على فراشي
وأول ماأنسدحت سمعت صوت الشغالة تضحك
قلت وجع وش يضحكك؟؟
قالت : انتي يجي من فووووق ويطيح على سرير<<اثاريها تضحك علي قمزتي على الفراش بنت الذينا
قلت هين اوريك بس خليني اقوم
وأنا اهدد واتوعد اثاريني نمت....
وماقمت من النوم الا الساعة 10بالليل
صليت وجلست افرفر راسي ماعندي شغل..
قلت مالي الا أمل اكلمها...
وادق عليها وترد علي اختها قالت من الفطور وهي نايمة..
وافكر ياربي وش اسوي وش اسوي؟؟
وتجيني الطنخة مرة ثانية<<بس ابشركم ماتضرر أحد..
واتصل على اخواني وزوجاتهم واعزمهم على الفطور بكرا
واقوم ازين الحلى واتفنن بالطبقات
واسوي فطيرة التفاح <<يم يم اموت فيها
وأنا جالسة الف الفطاير اتصلت امل قالت وينك هايدي تحراك بالمنتدى منزلة اليوميات..
قلت شلون؟؟ ماعندي خبر؟؟
قالت الا هي قالت لك بس انتي ناسية
قلت ايه اكيد قالت بس قسم صرت افوت هاليومين
المهم خلصت اللي بيدي وانقز للمنتدى
واول ماسجلت دخول لقيت الخاص يبرق الرسايل الواردة=2
وافتح الرسايل والقى وحدة من سهر يابعد قلبي قلبها تطمني على احوالها
والثانية من هايدي تصيح تقول وين انتي لاتبطين عن اليوميات
وقالت كم كلمة مافهمتهم بس الوعد بعدين اسألها وش معناهم..
وبس انتهت اليوميات
اتمنى تكون اعجبتكم
ونستقبل ملاحظاتكم على الرقم التالي:0987654321
العضو الأكثر نشاطاً هذا اليوم 
لكن عندنا ضيوف بالبيت ومستحية اخليهم يفطرون لحالهم<<ام السنع..
اثاريني نمت....
العرض الشجري
