ألا يا عين عزي النفس لي ذكراه جدد
وفيض الدمع من عينين خري له عدايد
غزير الدمع ما تروي محيل اليوف شدد
تشعل لي في يوفي نار من كود الوقايد
جدار الصدر من زود الحزن صدعة تمدد
دنا للقلب أثره من هداد الفكر حايد
بـراكين(ن) تـثور يوم ذكره لي تردد
وهد النفس لي تحبس نصخها فالشدايد
وصوت (ن) فالخفايا بات من يومه يردد
حزن زايد ،، ألم زايد ،، وقلبي صاح زايد
غــلاه اللي سكن قلبي و ربي ما تحدد
فـلا مقـياس و لا مكيال لي ياب العدايد
وسيـع الكون من شرقه إلى غربه تمدد
يضيق ابيا الوسيع و فاض عن سبعن شدايد
ألا يــالله تغفر له ذنوبه بالتودد
وترحم عبدك اللي ياك يطلبك النجايد
إلاهي يا سميع الداعية ردد و عدد
عسى الفردوس تكتب له محله فالخلايد
ختامي ع النبي والشافعي أحمد أحدد
صلاة الله عدد ما كبر و صلى العبايد
العضو الأكثر نشاطاً هذا اليوم 
العرض الشجري
