مواجعنا وأمانينا ..!

صبآحكم * مسآئكم

مكلل بعبق الجـــوري والياسميــــن


أضع بين أيديكم قصيده من الانيق محمد الوسمي

أتمنى أنها تعجبكم



مواجعنا وأمانينا




يسري بنا الليل .. لانادت مواجعنـا
........... ويفرح بنا الهم .. لاماتـت امانينـا
اغراب .. والحزن فالغربـه يجمّعنـا
........... اجساد نمشي .. وتتبعنـا خطاوينـا
كان الأمل في ظلام الوقـت يزرعنـا
........... لين الليالي .. تجي باليـاس تجنينـا
كنّا نعلّـم جـروح الوقـت توجعنـا
............ والحـزن .. كنـا نناديـه وينادينـا
نكتب : طريـق المـوادع مايرجعنـا
........... نقـرأ : طريـق المـوادع مايودينـا
نبعد عن الهم .. نلقى الهـم يتبعنـا
........... من وين نبعد .. نلاقـي همنـا فينـا
كنّا .. وهلحين كنّـا وش بتنفعنـا ؟
........ نادى الرحيل .. وسرق دربه خطاوينا
رحنا ورى الحب .. لين الحب ضيّعنا
.......... مدري نسينا الزمن .. والا تناسينا !!
الين عشنا بلا صوره .. ولا معنـى
............... ارواح .. تشبه لنـا ظلمـة ليالينـا
واليوم .. ماعاد باقي شـي يجمعنـا
........... الا الوجع , والضياع , وحزن ماضينا
علـى كثـر ماحلمنـا .. ماتوقعنـا
............. ينسى الزمن كيف كنـا يـوم حبينـا
شكراً .. لأحساسنا اللي كان يخدعنـا
.............. شكراً لوقتٍ خذانـا .. قبـل يعطينـا
شكراً لعمرٍ تركنـا .. قبـل يسمعنـا
.............. شكراً لأيامنا .. اللي جـت توصينـا
شكراً لأحلامنـا اللـي وقفّـت معنـا
.............. شكراً لأحزاننـا .. شكـراً لأغانينـا
بكت لنا الارض يـوم انّـا توادعنـا
.............. لأن الارض احضنتنـا يـوم حبينـا





رآقت لي فكآنت هنآ


لكمـ

الموضوع الأصلي: مواجعنا وأمانينا ..! || الكاتب: " آلـ جــود " || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات