لازم بالبداية نكرمكم ولو ع راسي من فووووق كابي من دانكي ع الصباح
ههههههههه شفته الصبح وخلصت كلاسي رحت طلبت لي
والحين نرد عليك بعد ماصحصحنا
نبدأ ع بركة الله...
بسم الله
------- حب يحب حباً...
الحب له عدة اوجهه ونحن اللي نحدد اي طريق نسلك..
ولولا الحب كان الدنيا ف دماار وحقد..
ليس العيب ان نحب ولكن العيب ان نسلك الطريق الخاطىء..
-------- الاختلاط وما ادراك ما الاختلاط...
لذا دائما نجد معظم الاطباء و الممرضين غير مستقرين اجتماعيا على الاطلاق
بسبب الاختلاط والاطباء ومن يعمل بالكادر الصحي كمثال فقط ونحن نقصد
كل من يعمل بمجال مختلط بنوك ووو...
وانا اقر بالكلام هذا لعمل العديد من اقاربي وتأكيدهم لفكرتي هذه
من استقر فتعتبر حاجة غريبة وشاذة...
ف هالنقطه معاك وضدك
انت من كلامك معاارض بشدة هالفكرة ومثل ماتقول من تجربة
اوكي ياخوي مو كل من يشتغل وفي وظيفته مدة طويله حاله شاذة
او ممكن يكون على علاقه صحيح ف علاقه وهي علاقه العمل
لكن عليك انت المسؤولية انك تفرض احترامك ف مكان العمل
والله واقولك اياها ومن تجربة امي تدربت ف البنك قبل لاتتخرج
قالت شفنا اشكال وانواع من البنات والشباب
وفي شباب تزوجوا بنات كانن معاهن ف نفس البنك يشتغلن
لاتقولي تزوجوهن لان بينهم علاقه لا والف لااا بعد
تزوجوهن لانهن فرضن احترامهن ع الكل
البنت المحترمة والله لو كانت بين 100 رجال ماراح تغلط وراح تحافظ ع نفسها لانها محترمة
وكذلك الشاااب المحترم والحشيم لو خلتيه ف اي مكان ماراح يغلط لانه خوفه من رب العالمين اقوى
اذا انا ماراح اشتغل ف المستشفى وغيري ماراح يشتغلون
قولي منو راح يشتغل الاجاانب والوافدين
ونحن حاطين ايدنا ع خدنا وقاعدين ف البيت
حاول تغير فكرتك ياخوي مو كل اصابعك سوااا
ليش دايما نشوف السلبي ليش مانحاول نشوف الايجابي
----------------- 3 في 1...
لكن يبقى السؤال ماهي الواسطة القوية الي خلته يجمع بين 3 وظايف
وغيره مالقى ولا وظيفة وجامعيين وجامعيات بعد ؟؟؟؟؟؟
ف هالنقطه معااااك ومليون بالميه معاااك بعد
اللي ماعنده شهادة الواو ماراح يشتغل الشغل اللي يبغاه
وياخسارة شهادتة الجامعية ع الفاضي راحت
فعلا مشكله كبيرة سببتها لنا شهادة الواو
-------- قلب رقيق...
ما أصعب ان تحمل قلب رقيق حساس بمجتمع فيه غلظة وشدة والكلمة
الحلوة لاتسمعها منهم
وان قلتها فهموها خطأ والحب عندهم ج ن س.
فعلا تتمنى ان تسمع كلمه حلوة ولكن لاتسمعها من احد
جاحدين ياخذون ولايشكرون ع الاقل
نحاول ان نحمل قلوب قاسية كالحجر ولكن لانستطيع...!!
--------- ماهو هدف دخولك للمنتدى؟؟؟
وهو قصد المتعة والفائدة والتسلية والمعلومة وكسب ود واحترام الجميع والسمعه الطيبة
هذا هو هدف دخولي المنتدى وان شاء الله اكون حققته
------ عزوبية...
حياة العزوبي حلوة وحياة المتزوج حلوة
ونحن بايدينا نخليها حلوة او بايخة
و ف النهاية تتمنى احد يشيل اسمك بعد عمرن طويل ان شاء الله
لين متى بتظل عزووبي صحيح انها راحة
وانت باستطاعتك انت تجعلها حلوة واكثر راحة
عندي سؤال
انت تقول وانت عزوبي متى ماحبيت تسافر تسافر
وليه يعني اذا كانت عندك زوجه وطرا ع بالك تسافر ماتسافرون لازم بروحكم تغيرون جواا
ينرفزني هالاسلوب اشوف ناس متزوجين ويسافرون بروحهم
طيب شلها معاك تستانس المسكينة<<<طلعت من الموضوع برااا
------ ماركة مسجلة...
ليش كل ماشفنا ملامح وحدة حلوة او واحد حلو قلنا اكيد فيه عرق
اجنبي ما ادري هل الشين ماركة مسجلة لنا يالسعوديين ...
هههههههه هب مسأله شين وله حلوو
المسأله ان نحن بطبيعتنا سمر ولله الحمد
وتقريبا متشابهيين والاجانب ربي عطاهم الحلاة
وخذ عنهم حلاة الاسلام
<<< اعصب من اللي يشوف شخص حلو ويقول اجنبي شو شايفنا يعني...؟؟؟!!!
----------- تهور...
كل شيء بالحياة الا التهور (الهياط) قد يسمى بعض حالاته نذخ وباللغة العربية يسمى تهورا
كثير من الناس فقد اهله او وظيفته او حتى حياته بسبب التهور...
لا اعلم سبب القيام اهو محاولة لانتظار الاعجاب او اثبات للاخرين
انه الهيرو وبرواية اخرى ما مثله احد
لكن اعتقد حدث بطريقة خاطئة
يازين الهدوووووء والركادة والسلامة من المشاكل
في التهور الندامة وفي السلامه الامانه..
--------------- بطالة...
تأكدت ان عندنا عوائل بالسعودية ما عندهم بطالة لانهم واصلين تخرج ابنهم وظيفته جاهزة
و لو كان مامعه ولا شهادة متوظف متوظف...
القصد مو حسد ولكن حاجة غريبة لم تحدث بأي عصر...
بينما اصحاب الشهادات والكفاءت لم يجدو وظائف
ع ما اذكر كنت مقدم ع الخطوط السعودية واغلب الي معاي مبتعثين وتخصصاتهم مطلوبة
ولهم 3 سنين واربع عاطلين وما لقو وظائف وتعب سنين وغربة راح هباء ًحاجة تقهر بقوووووة...
لان ما عندهم واسطة انا مقابلهم شخصياً...
عزائي لمن لم يجد واسطة بس...
ولا يعرف احد...
اللي محتاج للوظيفه مو محصلها
واللي مو محتاج لها محصلنا ولابعد جاهزة من وقت ماانولد
شهادة الواو دمرتنا وياها
ختاما لايسع الا ان اقول لكم من المساااافر اجمل وارقى واسمى عبارات الشكر والتقدير
شكرا لك اخي الكريم ع المواضيع التي ناقشتها
مواضيع حاصله ف مجتمعنا العربي والله المستعان
على وعسى نجد الحل يوما ما
وفي النهايه اشكرك ياخوي وربي يعطيك العافيه
العضو الأكثر نشاطاً هذا اليوم 
<<<طلعت من الموضوع برااا
شو شايفنا يعني...؟؟؟!!!
العرض الشجري
