السحاالي والتماسيح

السلام عليكم ورحمة الله وبركاته

اليوم وانا جالسه افر فر بالمنتدى الا واسمع اصوات ولجه

وهي تذبحن الشفايه قلت قربي يابنت وشوف وش السالفه

يامار اكا المزيونات والمطنخ اللي ياخذن القلب حبيباتي سحلياتنا الحلوات

جالسات يسون رديه مع هاكا التماسيح المروحين والدايخين

وانا عاد جبته لكم وابيكم تشوفون وش صار


السحلية /

ابكي على ما جرى لحظي الردي * يومٍ هلي زوجوني لقروي
شعره فلافل عكاريش و ملتوي * يا ليت منهو بطلاقي يقنعه

التمساح /
جعل العمى يعمي قلبك يا مره * ثور انا يوم خذتك يا بقره
عليك برطم قطعا ما اكبره * عفريتة الجمس تعجز ترفعه

السحلية /

راسه صغير تقول ببسي علب * والخشم في وجهه مسوي المطب
املط وشيفه وما عنده شنب * حسبي على اللي جمع شملي معه

التمساح /

ياناس انا احلى ترا منها شوي * وهي قصيره وانا اطول شوي
سودا تراها وانا افتح شوي * باقي لها ضرس ودي اقلعه

السحليه /

الوجه املط وخالي من الشعر * لوتسمده بالسماد ما ظهر
وصخ لصخ ما تروش من شهر * يا ليت منهو بديزل لمعه

التمساح /

المشكله انها تنفخ علي * ويا ما تلشطت انا منها بلي
واذا زعلت تقلب الدنيا علي * يا ناس ذي حرمة مسترجله

السحلية /

زوجي مسبق وفي عيونه حول * دايم يفلت الامن كل بصل
ما يواطن الطيب مثل ابو جعل * ودي بكسرة بلكه بصقعه

التمساح /

في بالها الشمبو ما عمره خطر * تستعمل افليت تفتكره عطر
وهي على المجتمع اكبر خطر * في صدرها فار دايم ترضعه

السحلية /

يا ناس زوجي ترا اسود من الكفر * ترا ضروسه من الدخان صفر
وجهه يخوف ومليان نفر * الموت اريح من العيشة معه

التمساح /

عليها جبهه تقول ماصة كوي * برطمها لي الدفاع المادني
والوجه كنه مقفى بربري * والي يبيها بفزعه تنفعه

السحلية /

يا ناس زوجي يسمى ابو علي * شكله غلط لاعب فيه اجدري
وجهه معفط يبيله سمكري * جبهته ثلاثة امتار في اربعه

التمساح /

تراها شيفه وفي ثمها غرب * يا ويل من هو لمسها واقترب
انا اشهد انه من الموت اقترب * لوشمها حمار والله تصرعه

السحليه /

يا ناس ابغى اتطلق واستريح * بفتك من وجه ذا الشيبه القبيح
متى تصيده الجلطه ويطيح * ويسلط الله عليه وتصرعه

التمساح /

روحي تراك بالثلاث طالقه * والي يبي فرقتي بفارقه
اسنين وانتي معي في مخانقه * قطعة عجوز وانتي قرمبعه

السحليه /

طلقتني واحمد الله واشكره * طلقتني ومات من الجن اعشره
من فرحتي بذبح اليوم ابقره * هم على قلبي ربي ابعده
اعجبتني ونقلتها لكم كي تستمتعوا على السحالي والتماسيح

الموضوع الأصلي: السحاالي والتماسيح || الكاتب: لحظة حنين || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات