يا فـهـد خـل المخـاليق لا تبحـث خـفاه=وش تبي بالضـايـق الـلـي هـمومه تعتريه
كان بـيرك باللواهـيـب ماتروي ظـمـاه=اترك جـروح الخـلايق على ماهي عليه
ماتفـيد اللي شكى الجرح دمعة من بكاه=كان ماعـــقـبـه حـصـادٍ ثـمـيـنٍ يـرتـجـيـه
قـولة اصحاب الفراغه هجوسك وش بلاه=تطلق اصحاب الشـمـاتـه لـهــرجٍ تشتهيه
مثل حـالـي مع حسودٍ يهذري في خلاه=غـار من قـلة عـيـوبـي وكـثر العيب فيه
رغم كون اهل الجـمـالات مايـجـحد ثناه=وعيب تاكل من جـمـيله وترجع تشتكيه
والله ان اللي بدى الطيب ماهذا جزاه=والكريم ان شاهد الطيب عمره مانسيه
حـالة اللي عــاب ظــلــعٍ طـويـلٍ مـارقــاه=وان نقل هرج المجالس غدى ماهو نزيه
لا قدر ياصل مواصيل من يقضب قفاه=ولا رفع صوت العداوه مثل سعد الفقيه
ولا لـقـى رجـلٍ حكـيـمٍ اليا خـثـرق نهاه=عـاقـلٍ لاشـاهـد الـظـلـم ثـار وقـال ليه
ومبتـدى الخـايـب هو اللي يحــدد منتهاه=وصـمت خـلـق الله يكزه لشتم اللي يليه
قالها اللي صـاغ الامثال بالـقاف ورواه=شاعـرٍ مابـاع قـافـه على اللي يـشـتـريـه
ولا تبعت اللي بغى الناس تمشي في هواه=ولا عكسته لاجل خاطر وزير ولا وجيه
ولايـهـيـن الـشعر الاسمى ولا يلعن ثواه=مثل من يقرى قصـيده على اللي مايـبـيه
كـيـف تـزداد الـقـصـايـد يـنــزل مستـواه=والسبب ظلم النـشـامى ومدحه للسـفـيـه
دام بـطـنـي لو كلى الخـبـز بالشاهي كفاه=ويـش ابـي باللي يحدن على حـبـة يـديـه
كـم ذلـيـل هـان روحـه لـشـئٍ مـاخــذاه=وكم عزيـز عاف الاموال عن ذلٍ يـجـيـه
ومن تضـايـق يـترك الخـلق ياصـالح وراه=ولا يـغـره بالـمـخـالـيــق بـيـه ونسل بـيــه
واترك اللي يعطي الضيف والضـايق قـفاه=ومن شـمت بأهل البلاوي مصيره تبـتـليه
[/poem]
العضو الأكثر نشاطاً هذا اليوم 
العرض الشجري
