يالغاليه مثل اليوم تقرين رَدي=
مرت سنين من عمرنا ما درينا
واليوم قدرك في خفوقي متعدي=
كل الشعور اللي رسمنا وحكينا
يا غاليه عاش الحُب وأنتا بحدي=
وعاشت حروف من بحرها أرتوينا
أنا أسير الليل خاويت سهدي=
لا ما غفت ذيك العيون .. وسلينا
أنا أشهد إن الحُب كله تحدي=
يحكم طبايعنا .. ويأسر يدينا
يا من حضن بالحُب جزري ومدي=
أنا وساري صوب بيتك سرينا
جيتك أناساري بهمسي و ودي=
والشوق ما زالت غيومه علينا
طيب تكرم وأبتسم لي .. وعدّي=
بعض العتاب .. وخلها تحتوينا
وأحضن يدي ما عاد هالوقت ضدي =
دام الهوى وافي .. ترانا وفينا
تحياتي لكم ياغلاي انتم سامحوني
بالقصور
الساري
العرض الشجري
