يارب انا عبدك رفعت ايدي خشيـه فالقنـوت
اغفر ذنوبي والذنوب كثـار ودروبـي دشـم
اعوذ بك من هرجة اللي لاهرج من غير صوت
طبيعةٍ مايتوب راعيهـا يلـو يرشـم رشـم
يالورع ياللي جامع كنوز الصحاري واليخـوت
ياردي ماعمر الردى عز الرجاجيـل وحشـم
ماتنفعك خلطات ابن سينا ومـي العنـزروت
لو تهشم بمخطر مكاويّـك معاليقـك هشـم
وش عاد لو كثرت مصاريّك ووسعت البيـوت
يموت جيعانك يناظـر فيـك يامـال البشـم
ليا صار مالك فرسة الجربا ولا طيب محـروت
وش لك بغصب الطايله وانت فبطينك منهشـم
يومك تفت الليل بالـدولار وسـط الماريـوت
حنا نفك المعضله لا جات مـن حبـة خشـم
مهبـلٍ والمـوت فرصـه مانخليهـا تـفـوف
ليا طوحت بالصوت من يزهى مبيسمها الوشـم
طولاتنا مترسخه ياخويـط بيـت العنكبـوت
يشمها الذيب يعوي ثـم يعـوي ثـمٍ يشـم
تهبا.. واقصر فحجتك ياشيخ في لعب البلوت
وان قال قص ازمره روّح مانقص على غشـم
وخل البشوت ام الجيوب الواسعه لاهل البشوت
وموّل بنايك واترك صدور المجالـس واحتشـم
النعم كايـد والسقيطـه ماترفعّـه الكـروت
كان العشم والا عسى يالذيخ ماكـان العشـم
يقوله اللي لا سرى جوه علـى ليـل البيـوت
كنه يبي يقطـم علـى دربـه ثلاثميـة خشـم
عقاب الربع
العضو الأكثر نشاطاً هذا اليوم 
العرض الشجري
