((ديوان الشاعر فالح الناهي))

بسم الله الرحمن الرحيم
السلام عليكم ورحمة الله وبركاته

من منا لايعرف ..... فالح الناهي ....
هو أحد شعراء بعدحيي المعدودين والبارزين
وهو شاعر جزل اللفظ و قوي المعنى
تجد في قصائده الكثير من الحكمة والدرايه

حصل على وسام الشاعر المميز
تقديرا له ولتواجده الجميل

في غربتي عيني على مطلع الشمس=لـي لابـةٍ مثلـه علـوّه وضّـيـه
لا غبت عنهم ينحمس خاطري حمس=وأرضى إذا جيت النفوس الرضيّـه
بعض الخلايق ذكرهم يجلب العمس=وبعض الخلايـق ذكرهـم شاذليّـه
وأنا هلي بنٍ مـع أرناقـه الخمـس=من لامني لاصـرت كلـي حميّـه
لي لابةٍ تاريخها يرفـض الطمـس=بكتب العجم لـو خانـت الأبجديّـه
تِسمع بعال الصوت لو تنطق همـس=صفحة فخر يصعب على الناس طيّه
أمجادها باليوم .. وأمجادها بأمـس=لها عـروقٍ عبـر الأزمـان حيّـه
ولي ديرةٍ يطرب لها الحكي والرمس=حايـل وحايـل تحـفـةٍ حاتمـيّـه
حايل لو إنه ينلمـس حبهـا لمـس=أبصـم وتظهـر بصمتـي حايليّـه
أنا من اللي عزهم يشبـه الشمـس=أحرار طي .. وعزوتـي شمريـه
والله ... مالي عقب ماطبّق الخمـس=إلا الوفـاء للشـمـري والحمـيـه

http://www.b3b7.com/vb/showthread.php?t=19516
قصيدة ( أحرار طي )
رابط للمنتديات مجهز بصورة عرض للتحميل

رابط للمنتديات
أحراارطي.mp3 - 1.2 Mb
Direct Link الرابط المباشر
http://arabsh.com/8kwdjio8ljvf.html

مابين ابو رمـــشٍ على الخــــــــــــد خــــــادر=وشهب الوجـيه اللي تقل تطلبك دين
يلعـب بي الهاجـــــــــــــس ولا زلـت صــابر=حتـى تصــــــــــير العـــين في خاطري غين
(شاعر).. ولكن عندي الفكــــر (شــاغر)=أســرح مـــــع الهوجــاس.. ولا أسئله وين
لكن ترى ماسهـــــــــــــــرت بيض المـحــاجر=إلا بفــــكـــر يشــــــــــــبه لجـــــــيـــش حـطين
الشـــــــعــر يصــــبح بعض الأحيان فاجر=ينســـــــج بعقلك من هجــوس المجانين
الشـــعر يدني بك لبعــض المخـــــــــــاطر=وأحـــــــيان يدني بك لعرش السلاطين
وانا لــــو إني مـــــا أحــــبــس الخــــــواطـــــر=يمــــــــــوج بي فكـــري على الزين والشين
انا ولــــــــــد آدم ... ولــي نـــد كـــافـــــــــــــــر=كــــيده بدمـــي جــــــــــــــــاري ٍ بالشـرايين
حــلــف لـيـغـوينــي لــــــــــــو إنــي مــكـــابـــــر=مـــــادامنـــي أجــــــوف ومخلوق من طين
إما أصـــــــــــير لـــرب الألـــبــاب شــــــــــاكر=وإلا أبلــــيـــس .. ببعض الأفــكـار يغوين
فياللــي تـمـنــى إنـك تصـــــــير.. شــــاعر=الشـــــــعــر ســيفٍ لــــه نصـــــــــــابٍ وحدين
إن كـــــــــــان مـاعـندك من الـعـقل زاجر=تراك تلــعــب فـي حــــدود السـكــاكـــــين
تاجـــــــــــــــر بلا مــــيزان مـــاهـــــــــــو بتاجر=والشاعــــــــر الناجـــح.. بعـــقله مـــــيازين
إمـــــــا تـبـــــــوح بـطــــــــيــــبــات الــــــــنـــــــوادر=وإلا ترا بالصـــــــــمــت عـــــــــبره وتـمــكــين
إما قصـــــــــــــيدٍ به تطـــيب الـمـــحــــــــــابر=وإلا إترك الحـــــــــــبر لهل العـلم والدين
إمـــــــا قصــــــــــــيدٍ يســتـــحـــق الـمـــــــــنابر=وإلا نخــــــــــليها لــــوعـــــــظ الـمــصــــــــلين
الفـــــــــرق مـــــــــاهو بالجــــمر والـمـــباخر=الفــــرق.. جـــود العــــــود يأهل الدياوين
خـــــــــل الـمـظــاهـــر وإلـتـفــت للمــــخابر=ومن جـــــــمّع الثنـتين زين علــــــــــــى زين
بالحــــــــق بادر .. وبالخـــــــــــــــطأ لا تـبادر=الصــــمـــت فـــــــــن و يتـقــــنونه قلــــــــيلين
الصــــــــــادر إحــــــــذر لا يفـــــوق الـمصادر=الله عـطـــــاك لـســــــــــان وعـيـنــين وإذنين
راقــب زمـــــــانك بين ماضــــــي وحــاضر=يعطــــيك درســـــــــه بين عــــــبره وتلقين
وأنا مـــــــــع الآيـــات .. والكــــــــــون ساهــــر=إبداع خـلـق .. وعـفــو رب .. وقــــــــــــوانين
الأرض يسـقـــــيها مــــــــــن الله مــــــــاطـــــر=يامـــــــــا تصــــــــير الارض مثل الـبـساتين
وإن غـــــــاب مــــاهــــا يصــــبح الكون غابر=تجــف الارض ويصــــــــبح الخلق وجلين
يبون غوث اللي على الغــــــوث قادر=مـــن لامـهــم.. لأسـتـســــــقوا الله ذليلين
يدعــــــــــــــون يامـــــنزل تـبارك وغـــــــــافــــر=أســـــــــق الـبــــلاد .. أســـق الـعــباد المقلين
جـــفاف الأرض .. لطـــالب الغـوث عاذر=والــــــذل لله رفـــــــــــعـــــــــــةٍ بالـمـــــــــــــوازين
مـــــــــــار الـــــبلا لاصار لك نصف هاجِر=هـــــــذا الجــــــــفاف اللـــي يذل العزيزين
مــابين أبو رمــــــــــش علــى الخـــــــد خادر=وشـهـب الـوجيه.. وجـــمـــلةٍ بين قـوسين
(جـفاف الارض ولا جـــفــــاف الـمشاعر=لو تسـتـغـيث لـخاطـرك صرت مسكين)

http://www.b3b7.com/vb/showthread.php?t=19776

ذكــــــي ولكنك نسيت تحسب حساب الأذكياء=لين أوحلت كل الدروب وصــرت في عيني غبي
جيت وتذاكـــــــيت بغـــــــــــــباء لله در الأبرياء=تجي لهـــــــــم ببروج عاج وجيتني زحف وحبي
وأنا أدري ان الحكـــــم ثابت بإتفـــــاق الادعــياء=لكـــــن متى لي تعترف ان (الظبع) ماهو (ظبي)
وهــــــذي نتيجة مــــن حــــياته بالتلاعب والرياء=يقول (حـــــــــامض) قبل مد كفـــوفه لعال عنبي
والفــتـنه أشقــت قبلنا ســــــــــيرة حـــياة الأنبياء =وأنا ماني معصـــــــــــــــوم ذنب ولاحكيم ولانبي
لكن خـــــــــذيت العــــــبره بزلة رجول الأشقياء =وعرفــــــت كيف ان السـعاده ماتجي نهب وسبي
ولــــــــــو ان قاعي تنتظر متى يجـــــي فيها حيا =والناس تســــأل ليش ؟ والا كيف.. والا وش يبي
والظلمــــــــه اللي سرتها حدتنـي أمشي في ضياء =وأنا أدري انه ماتجــــــــــي دايم على كيف طلبي
لكن هـــــــــويت ولاقويت وصارت أحلامي عيا =وكـــــــــــــن الحلوم الأوله قالت لي إقعـد وتهبي
ويافقــــــــــر حبي كـان عزك تحت نعل الأغنياء=خـــــلك فــقـــير ولاتهقــــويني على فــــتل شنبي
والحـــــــــــاجه اللي ذلها مـــــدت كفوف الأقويا =تنقـــــــص ولا آخـذها وأنا واقف على حيل ركبي
وبعض الفعـــــــــايل نفعـــله تقدير وإيجاب وحيا =وبعض الفعــــــــايل حاسمه تاخذ جهودي وتعبي
ومزمــاري أدري لو رقا ما أطرب أذان الأخوياء =لكن تعــــــالوا من (شمال) وأنا بأصير (الأكلبي)
فكانه عزاك ان (الخبول) أرضوا طموح الأسوياء=فانا عقـــول ( الأسوياء ) أرضت غروري وعتبي
ومن قبل ريم وقبل جـــــــــود وقبل سوزان وهيا=قلي وش اللي بأكســــــبه لامـــــــال ديني ونسبي
وأنا أدري ان الصمـــت يوقد من فضول الأغبياء=بس ان (عودي) جـــــــودته لاشب وقتي بحطبي

http://www.b3b7.com/vb/showthread.php?t=21372
قصيدة ( الاغبياء )
رابط للمنتديات مجهز بصورة عرض للتحميل

رابط للمنتديات
الأغبياء._فالح_الناهي.mp3 - 2.2 Mb
Direct Link الرابط المباشر
http://arabsh.com/n9d359bmfov8.html

قـــــــال أرحـــــــــنا في صـــــــــــــلاتك يابلال=دعـــــــــــــــــــوة الله حيلتي حــــــــــــين البلايا
ركعــــــــــتينٍ عقــــــــــــب ما مــــال الظلال=بعــــــــــد مــــــاجاني خـبر حَسن السجايا
يالله المعـــــــــــــبود يارب الجـــــــــــــــــــــــــــــــلال=عالـــــــــــــــــمٍ بالــــــــــــــدَين وحقــوق البرايا
ترحــــــــــــــــم اللي مايعـــــــــــــــــول ولايطال=بالعــــــــــــــــطا يعطي جــــزيلات العــطايا
ورث شيــــــــــخانٍ عطــــــــــــــــــــــاياهم جزال=مـــــــــــــــاتوفيهم تعــــــــــــــــــــــــــــابير الشفايا
النجـــــــــــــــوم اللي سمت فــــــــــوق الهلال=جـــــــــــاذبين المـجــــــــــــــد من روس العلايا
هم ظـــــــــــــلال اللي طلايبهم ظــــــــــــلال=وهـــــــــــــم منايا مــــــــــن بغا حــــــــــد المنايا
هـــــــــــم وقـــايعهـــــــم بملقــــــاهم جِـــــــلال=والمصـــــــــــــــايب عندهــــــــــــــم مثل الولايا
هم هـــــــــــــــــل الفـــــــــــزعه وناهين الدلال=هـــــــــــــــم هيالـــــــــــع هم صناديد السرايا
هـــــــــــم محـــــــــــــــــادير مثل روس الجبال=هم مســــــــــــــــــانيد مثل عــــــــــــــال البنايا
وانت ياشيخــــــــــــــي تقفّت الهــــــــــــــــــــزال=الثعــــــــــــــالب لــــــــــــو لها ســـــــرج وركايا
مخفــــــــــيين أشنابهم تحـــــــــــــت الشيال=صـــــــــــــــــــانعين لمكــــــــرهم ذيك الحكايا
الجـــــــــــــــــواب اللي تخــــــــــــــــــفّا بالسؤال=للنفـــــــــــــــوس اللي مـــــن احـــقاده ملايا
صــــــــــــــورتك ياشـــــــــيخ في وقت الزوال=تكـــــــــــــــسر الـــــــــــــبرواز وتذيب المــــــــــرايا
يوم قـــــــــلته مـــــــــــــــــــــــــــــاتذَل ولاتـــــــــنال=لـــــــــــــو بقا من (شمر ٍ ) طفل وحــــــذايا
الغــــــــــــــرير اللـــــــــي يبي وقـــــــــــت النْزال=جتله بغــــــــــــــــــــــــدر وتغــــــــــــــارير وخفايا
ولو يعــــــــــــــــرف الغــــــــدر تقدير الرجال=مايسوقـــــــــــــــــــونه كبــــيرين الخـــــطايا
مـــــــــــــــــــــــايساق لطـــــــــــيبٍ مُبرم حــــبال=مثل (ابو نواف) معـــــــــــــــــــــــدوم الحلايا
تشـــــــــــــــــــهد القـــــيفان وأشـــعار الرجال=والفواصـــــــــــل والخــــــــــــــواطر والصبايا
ويشـــــــــــــهد المسكــــــــــــــــــــــين لاقل الريال=وتشهــــــــــــد الأيتام في قــــــــــــــــــــل الرعايا
وتشهـــــــــــــــــــــــد الأقــــراب بأعمام وخوال=والرفـــــــــــــــــــــاقه والأخــــــــــــــــــــوّه والهدايا
وتبكـــــــــــــــــي جـــــــبالٍ شكت حد الشمال=والمــــــــــــدن تبكــــــــــــيه وصــــــــــــغار القرايا
ومــــــــــــــــــايلام الشعــــر لو يرثي (طلال)=ضيغمــــــــــــيٍ مـــــــــن ســـــناعيس الطنايا

http://www.b3b7.com/vb/showthread.php?t=19356

قــولــوا للأشـــواق يوم إنه (قلـيلة أدب)=وأنا بوســـــط الرجـــــــــال تجيبها يمي
وإن كـــان مــاتدري الأشواق حنا عرب=وأنا بدوي بالهــــــوى وآغـــار من دمي
وشلــون تظــهر بطــيفه تسـتـجر الهدب=وهـــــذاك خالي وأشــــوف مقابله عمي
لا والمصـيبه طــــواريها تجيب الطرب=وأنا معــي دلتـي وأخـــــــــاف من ذمي
ياويل الأشــــــــواق لاجاني ملام وعتب=مـن شــــايبٍ ما يسـامح لانقــــص جمي
أخــاف أبهـر دلالـي لــه.. وأجيب الرطب=وأمـــد فنجـــــالي وأقــــول لطيفها سمي
وش يرضي العود لاطيّر عيونه غصب=وهــو شــــايبٍ كـــــايدٍ بالسلــم ومطمي
ومن حـاسب الشوق يوم انه بقدري لعب=ومن صــــــارطيفه شقاي وكيفي وهمي
أشوفها الهـيل قبل يجـــيه صــــالي لهب=وأشــوفها تســـترق ذوقــــي علـى شمي
وأشـــوفها النار لا ثارت بذاك الحطـــب=وأذوقـها بشفـّت الفنـــجال فــــــــي فمي
قولوا للأشــــــــواق لو فيها بقايا أدب=لاصـــــــــرت وحدي تجيب الغاليه لمي

http://www.b3b7.com/vb/showthread.php?t=21040

يالله تجيب الخير ياسايق الخير=ياسايق ٍ غر المزون المباكير
أنت الذي وحدك تثير السحايب=يافايق القدره عليك التدابير
ياعالم ٍ خبث النفوس ونقاها=يامنزل الفرقان بشرى وتحذير
عزيز.. جبارٍ.. حكيم ٍ ..مهيمن=رحمان له بالكون حكمه وتقدير
رحيم .. لكنه شديد ببطشه=غفور للي يلحق الذنب تكفير
يامضفي سترك على أهل الخطايا=بعفوك .. وجودك يامليك المقادير
يالله بنو ٍ يروي القاع صيب=غيثٍ مغيثٍ للديار المقافير
سح ٍ .. غدق .. ديموم ..ديم ٍ ونافع=عقب المحل يازين شوف التباشير
يالله يالرزّاق .. ياوافر العطا=لا تواخذ عبادك بذنب المعاثير
صاب المحل ودياننا والمفالي=ولا فيه غيرك يجبر الحال تجبير
يالله كما جاوبت لأصحاب موسى=وغفرت ذنب العبد من دون تشهير
بذنوبنا لا تحرم الخلق يارب=نستغرفك عن كل ذنب ٍ وتقصير
خلقك برجوى الغوث يامنزل الغوث=يرجون مدك بين سجده وتكبير
بهايمٍ رتّع وشيبان ركّع=وأطفال رضّع والعيون المساهير
دعوات من يخشون سطوة عذابك=ويرجون جناتك وشوف التباشير

http://www.b3b7.com/vb/showthread.php?t=25633

تـــبارك إلــــــــــــــــهٍ مــــيّز الــــــــــناس بالأقــــوال=على كــــــــــثرهم بالحكي ماهم مخاشيري
بهم من لا حكـى يعجبك طيبه وطيب الفال=وبهــــــــم علــــــــــةٍ يـقـفـــل وســـــــاع الـمـعــابيري
وتـعـــالـــــــــى إلــــــهٍ فــــــــّرق الناس بالأشكال=علـــى كــــــــثرهــــم فـيـــهم فروق التصاويري
بهـــــــم مـــن يـســـــــر العـــــــــين نورٍ و زين قبال=وبـهــــم عــــــــابسٍ كـــنه عــــجـــاج المعاصيري
صحــــــيح الشــكـــل ماهــو بشيٍ بلا الأفعال=وصــحــيح إن للفعل بالشكل بصمة وتأثيري
فكـــــم نـــور وجـــــــــهٍ شـع من طيب الأعمال=وكـــم وجــــــــهٍ أظلــم مـن ذنوب ومحــــاذيري
دروسٍ خـــذيـناها مـــــــــن دورة الاجــــــــــــــــيال=ومــــــن حامـلــــــــين الـمـسك ونفّاخة الكيري
ومن قــســوة الإدبار ومــن خـــدعـــــــــة الإقبال=ومــن لازم أبـعـــد عــنه .. ومـنــهـــم مــذاخــــــيري
وعــن صــــاحـــبٍ صـــــادق ولـــو مـــامـعاه ريال=وعـن خـيـبـت الأصـــــــحاب لـــو هم مشاهيري
أشـــيل الـدلـــو وأشــرب قبل يصطفق بالجال=علــــشان مـــايـــنـقــص وتضــمـــــــى مصاديري
وقـلـبـــي مــثـل طــــــــيرٍ عـجـــــز عّـنه الحــــــبال=يـبــوج الـفـضــــــاء وعـــــيون فكـــره مسابيري
يـنــّزل علـــى الــــــنابـي إلا مـنـه نـوى الـمـنــزال=وحـــــش مــا نزل حتـى لكــف الصـــــقـاقيري
ولكــن جــمـال الـغـــيـد شـــيٍ مـــن الأهـــــوال=وهــــــــــو فـتـنـةٍ قــبل الضــــــــــــــــــنا والدنانيري
صــــــحــــــيح الحـــــــلا يـنـــعـم ببالٍ ويشده بال=وانا لا طـــرقــت الـعــين لـومــــــي لتـقـصـــــيري
ألـــــــوم الـعــيون اللــي جـــــذبـــها بعـــيد وصال=علـــى صــــــدفةٍ مــــــّـرت بـبـعــض الـمشاويري
حـســــينٍ علـى حـــده لعـكش الرموش ظلال=على حــــــورٍ تـســــــم الـرجـــــاجـــــــيل وتغـــيري
نظـــــــــــرني غصـــب عـنــّه .. وسلــهم ورد الشال=تلـفـلـف حـشـــــــيم الطــــــــــبع وذف الـتدابـيري
خـــــــــذا حــاجـته وأقفــــى وأنا حالتي به حال=ولا أدري نـهـــــــبــنـــــي بـــس والا نـهـب غـــيري
ذهـلـنــي وخـــلانـــي عـقـــب شــــــوفـــته تـمـثال=نـهـبـنـــي وهــــو مــاشـــــــــاف شـــري ولا خيري
فلــولا الحـــــــــيا والخـــــوف مــــن والــي متعال=لأهــــــد الــوحــــش يـمــه وانا عـــارف طـــــيري
يجــيــبـه لـــو دونه مـن الـمــقــفـــــرات أمــــــيال=فأنا عــــارف حـيــلــي وكــــيدي وتـصـــخيري
ولكــن طــويـت العــزم والشـــــوق والـمـــــــوال=وفــرشـــت الصـــــبر والحـلــــم وزين التـعابيري
أسلـــي بشـــعــري قلــب رجــــــــــــــــــلٍ بعزه مال=مـثـل مـــيــــــــــلة عـقــالـــي بـعــــزي وتـقــــــديري
مـادام الولــــــــع جـمــــرٍ وبـعـض القـلـــوب دلال=قـصــــيدي بصــــــدري مـثــل فـــوح الـمباهيري
الا ياهـنــوف مـابـعــــــــــد شــالــت الجــــــــــــوال=ســرقـــت الـنـظــر مـنـك وبانـت مخـاســــــــيري
وأنا أعـــــرف مثـيـلك بالســــــــفالات مـاينطال=وأنا أدري بـعـــد لازم أحــــــافـظ علــى ســـيري
تركـتـيـنـي لـنـظـــم القــــــوافي وحـــالـــي حال=ألـوم الطـمــع والشــــــــــــوق وقـلـبــي وتقصيري
أنا مــــــانـهـبـنــي قـــبل شــوفك غير سوق المال=هذاك أقفـــى بمالي وأنتي أقفيتي بتفكيري

http://www.b3b7.com/vb/showthread.php?t=27653

السوق .. أنا طالبك جنب عن الســـــوق=ماحـــــــــب ســـــوقٍ فـــيه تلـعـــات الأعـــــــناق
إن كــان لك حاجه ترا السوق ملحوق=ياكــــــــثر لا قالـــوا محـــــــــلات الأســــواق
وش لي بســــــــــوق فـــيه أبوخصــر مدقوق=نواعـــــــــــم الأصـــــــــــوات خــدرات الأحداق
الـمـــــوت .. لازاحــمـت أبو نهــــــــــد منتوق=مـــــا بيني وبـيـنـه ســـــــــوى خــــــــــــــــامٍ رقاق
وأشـــــــــــــــــم ريـح الـعـطـــر ويحـرك الشوق=ريــــحٍ تخـلــي قـلــــوب الأطــفـــال عـشـــــــاق
يـقـــرب وقـلـبــي يـرتـفــــع شــــــــوق وخفوق=بـكـفٍ وخــــــــــــــدٍ يشــــبه لـشـمس الإشراق
إلــــيــا نـظـــــــــــــرني نـظـــــــــرةٍ نصـفـها بوق=وصـــــد بخجل كنه نوى القلب بإحراق
وأقـفـى وهــــو ياطـــا على الأرض برفـــوق=يهـــز ردفــــــــــــه ناب الأرداف بإرهـــــــــاق
ورى الـعــــباة مــفـصــّــــل الوســــع والضوق=بالصــــــــدر والـردفـــــــين مـلـبـــوسـها ضـاق
تـسـتــعــــرض بجسمٍ من الحسن مخلوق=وأنا بـقـلـبـي شـــــي مـــــــــــــــا عـــــــــاد ينطاق
كــنه يجـــــــــــر القلــب معــلــوق مـعـلـــوق=وعقلي هـــــو اللي مـــوثـــقٍ شــوقـــي إوثاق
لـــولا الحـــــــيا لأقبل على الغرو مطفوق=وأطـفـــي لهـيـب الشــــــــــوق نظرات وعناق
قلـبـي طفــــل لاحـــــــب مـا يـعــــرف الذوق=يجــي وأجــــــــي وإيـاه مــغــــــــــرم ومـنـــسـاق
قلبـــي إلــــــــــيا مـــنه تـــــــــولـــــــــع بـمـعشوق=مالـــــــــي دواء مـــنّه ســــــــــوى مـزج الأرياق
هـــــــــــذا بلاي .. وكــان قلبك له سبوق=قلـبـي وحـــــــــش على مـشــــــــــاهيه خـفـاق
إقلــوبـنا يا صــــاحـبــي بـيـنـهـا فـــــــــــــــــروق=وأنظـــــــــــــــارنا لـــهـــــــا إخــتــيــــارات وأذواق
أحـــــــــــدٍ عــــــــيون الغـــــيد تترك به حروق=وأحـــــــــــــــدٍ تمــّــره مــــثـل تقــــلــيب الأوراق
يا صــــاحـبــي مــنت بعلى السوق مزنوق=حـــــــــاجــــــاتـنا نلــــــــــقاه في غــــير الأسواق
مــــــــؤشـــــــــر الـراحــــــــه معـــي مرتفع فوق=جـــنــب مــــــــــادام الشـــــــوق غافـي ولا فاق
ياصـاحـبي شـــر الأمــاكــن هـــــو السوق=وشـــــــــر الرفـــــــــاقه صــــاحبٍ سيئ أخلاق

http://www.b3b7.com/vb/showthread.php?t=28876

جـل ربـي كيـف يفـــــــــــــرق بالوجـــــيه وبالـمــــحــَّـــيا=مثل ما يفـــرق صباح العــــيد عن صـــــبح التعازي
صـــــــورةٍ تبعــــــــــــــد هـــــناك وصـورةٍ تبقـــــى هنيَّا=ذاك تشـــــــــــبيهٍ بليغ وذاك تشــــــــــــــبيهٍ مجـــــــــازي
بعضـــــهم يبقى .. مادام الشمس لــــه ظلمه وضيَّا=وبعضهم يقفي مثل ماأقفى مــــــن التاريخ نازي
هي فروق حطها اللي رافعن نجــــــــــــــــــــــــــــم الثريَّا=بالنفوس وكل نفس ٍله تماديح ومخــــــــــــــــــــازي
ومثل ماقــــــــدر الحـــــــــــــــرار يفــوق مقدار الحـــديَّا=فاقــة وجيهٍ وجـــــيه.. وفي غـــــــــلاي .. وبإنحيازي
وألا أنا جــــافـي زمـــــــــــــــان وديرتي مــــــوت الجفيَّا=لوقطعت البيد صامــــــــد ماغفيت اللــــــــــيل لازي
الجـــــــــــدا لاضــــــــاق صدري أبســــــــــط لربي يديَّا=أمسك خطـام التمني وأعقل ركـــــاب الـمغازي
مغترب والـمغــــترب قلبه على جمـــــــــــــــــــرٍ وكــــــيَّا=شوقـــــــــــــــــــــــه يتله وطول الدرب وبعــــاد الـمنازي
كيف والقـــلب الـمعــــــــــذب ضامــــــــــرٍ ٍعـــــرقه بليَّا=من فـــــــراق اللي غلثت وشـــــــوفــــــــــته دم البرازي
صاحـــــــــــــــبٍ حــــرّك بقلبي كــــــل ثورات الحــميَّا=النظــر.. والحـب مُلكه.. وإن نخـاني جيت غازي
رقت له غصـــــــــــــــــبٍ عليه وراق لي غصبٍ علــــــــيَّا=والهوى على القلوب الطــيـــبه صــــــــار إنتهازي
آه يا أغلــــــــــــــى حبيبٍ مــــــــت فــــــــــــــــــــيه ولاتهـــــيَّا=عمـــــري وعمـــــــره مثل خطـــين والـــــرابط توازي

http://www.b3b7.com/vb/showthread.php?t=35671

تحركي يالأحذيه .. دام المدافع في سبات=يا أمة الـتـنـديد .. مالك غير رمي الأحذيه
إرم الحذاء يامنتظر >> ذل الرؤوس الطاغيات=يمكن تقوم الأحذيه فينا مقام الألويه
يامنتظر.. يامنتصر.. ثكلت نفوس الأمهات=يا أشجع الشجعان ! يوم العز أصبح أحجيه
مع إنك تعيش الممات الحين من قبل الممات=عميلهم لازم يسوي بك سوايا مرضيه
أنتا تحاول ذل من ذل الرؤوس الشامخات=لا تهدي الذله لناس للمذله مهديه
ياسخرية هالعصر حنا وش بقى من ترهات=غير إننا في عز دام حدودنا للأغطيه
هذي دهور غيرت كل الملامح والسمات=وحنا بعد ياصبرنا نحيا بزيف الأمنيه
أرم الحذاء يامنتظر خل الصحافه للهواة=ياهاوي الثار الكبير صحافتك مو مجديه
عشرين دوله .. تمتلك ميتين قناة وقناة=أشدهم من جت تحرر قدسنا في أغنيه
الكيل يعني ماطفح ودجله بكت موت الفرات=الدرس يعني ماوصل في يوم ذبح الأضحيه
يالكـلب بوش يحق لك تلعب بعرض المحصناة=دامك تنسينا ضحايانا بكلمة تعزيه
أصابنا داء التبلد والتداعي والشتات=وصرنا لأبجح من وطى بالأرض صيده مغريه
هم خوفونا بالقتل .. إيلين حبينا الحياة=صرنا نبي نحيا ولو نحيا حياة مزريه
صرنا نبيهم يتركونا نمشي بسلم ونبات =هم الكفوف الجاذبه >> وإحنا الكفوف المرخيه
تحكموا بأوضعانا بين التشرد والغناة=بأسواقنا .. بأفكارنا .. حتى بسعر الأغذيه
شعوب على الثروات ترقد عيشته على الفتات=أرزاقهم صارت غنايم للبطون المربيه
يابوش نحن أمة نصبر على الذل بثبات=وتهدنا حمى التخاذل والذنوب المعديه
لو إننا على هدى الهادي نعيفك المبات=نسري مثل (خالد وطارق) والأسود المرديه
لكن سرينا عكسهم على دروب المهلكات=وكن المذله علة بأوصالنا مستشريه
واليوم رحت وروحت معك السنين الماضيات=ماكنها تحسب علينا من السنين المخزيه
رح يانهاية كل طاغي .. يانهايات العصاة=وحنا لبوش المقبل نجهز (كنادر) وأخبيه
خلاص أخذنا ثارنا حذاء >> وحذاء فوقك وفات=وأمـتــنـا ترقد من علوجك تحت وطي الأحذيه

http://www.b3b7.com/vb/showthread.php?t=37048

غــصـــن القـصيد الذي من طلتك وارق = يـحـيـــي شعـــــــــــوري وأقول العفو يالورقا
أغليك ياللي غـــــــــــلاك عن الغلا فارق = ياللي إذا جـيـتـنــي أســتاحـــــش الفــــــــرقا
أضماك وأضماك لين آصــــير بك غارق = كثرتك قــلــه .. و قـلك يغري الغرقا
ملحك عـــــذوبه وأنا مــــــن لهفتي شارق = أســـــــــري معاك الغروب ومقصدي شرقا
هذا غلاكـــــــــــــــــــــــم وهذا شوقي الـمارق = وشلون ما أرقـــــــــــــــى لكم ياكايد المرقى
ياغادتي وأنصـحـيـلــــــــي طرفك السارق =حـــــــــــرام مثلي عــــزيز و ينوخــــــــذ سرقا
رمش يضـــــــــــــــــــم الظلام ولـمــعــة البارق= رمــح الشجاع .. ومخـالب صايد البرقا
وياخــــــــــــــــــــدها وانت لقلوب الوله طارق =أرفق على خــــافـقــي وارفـــق على الطرقا
صبح ٍ تحــــت رمـــــش ليــل بالغــنــــج زارق = يــــمـــــطــــــر حـــنـــانـــــه ولو أن السماء زرقا
وياتــوتــهــا العـــــــذب عالج شوقي الحارق = من شــهـــــــــدك اللي يضمد لهفة الحرقا
حبك سحـــــــــاب الربيع .. وزهرة الوارق = ياملهمة خاطـــــــــــــري .. والعفو يالورقا

http://www.b3b7.com/vb/showthread.php?t=38662

ياشمـس الأحباب.. حضـــن الليل مـايدفـي = طـــــال الســــــــهر وأحتفل جفني بمــــــــــيلاده
رجـــــــــــــــلٍ شــــقا أســـمعيه يقول لك يكفي = يكـــــفيه غــربه .. ويكـــــفي مـــــــاضي جــهاده
لـو كـــــل مقفـــي بقى طـــول الزمن مقفي = ماكــــان بالناس متــــــحـــــــــــري وعـــــــــــــدّاده
نـــوّارة القلب جـــــابت مــــــــــــــــــــوتي وحـــتفي = ذبلــــــــت وانا مالـــــــي بفـــــــــــــــرقـــاه وعــــــــناده
تشــــــــــرب قــــــــــراح الضـــمير وتظهر المخفي = وتنام في جفن عيني لأقبل سهاده
عكــــــــرت ميـــي وعـــــــــيا الـمــــــي لايصـــــــــفي = ونوارتــــي للضـــــــــــــــما ماهـــــــــــــــــي بمــــعتاده
صــــــــــــــرت أنتظـــر رجعت اللي سبّته منفي = والا تعــــــــــيش بحـــــــــــــــــــلاه وترجـــــــــع بلاده
مــــــــــــافيه شـــــــــيٍ تســـــــــبب بالـــنوى معفـــي = ومــــــــايقــــتل الحــــب غـــــــــير نفــوس حساده
مـــــــــن يبعـــد الورد الأبيض عن غلا قطفي = الا يديــــنٍ لقــــــــتل الـــــــــــــــــــــــــورد مــــــــنــقاده
لا والله الا أبقـــــــصد والعجـــــــــب وصفـــــــــي = وأقـــــــــــــــــــول للــــــــي يـــــــمد الــــــنور بــــــــزناده
ياسراج كانك من انفاس الغضب مطفي = مـــــاجبت للعــــــــين غير فراش ووساده
صحـــــــيح مــــــــــــاغــــــــــير ربي قــــــــــادرٍ يشفي = وصحـــــــــيح مــــــــــاغــير خلقه تجـــــرح عباده
ياشمـــــس الأحباب .. يكفي بالعرى رجفي = طـــــــال العـــنا وأحـــــتــفل جفنـــي بمــــــيلاده

http://www.b3b7.com/vb/showthread.php?t=40096

دامــــك ثرى لا تعشــــــــــــــــــقين الــــثريا= ودامك سجايا البخل لاتعشـــقي طي
قلبي عن أمـــــــــــــــثالك ترفــــــــّــــع وعــيا= يصـــــــد عن مثلك مــادام الوفـــــــا حي
ماحـــــــــــــــب شيٍ ماتطـــــــــــــــــــــــــوله يديا= مبداي هـــــــــــــذا لــــــــيت تتبع مـــــــــبادي
لله در اللـــــــــــــــــــــــــي بقلبــــــــي هــــــــــــــنـــيا= لأســـــرج سراب القيض جاني مثل فـي
ولاغِــــــــم قلبــي مــــــــن هـــــــــــروج القفيا= مالـــــــت عناقــــــــــيده علـى خاطري غي
كنــــي بجـــــنبه في زحـــــــــــــــــــــــام العليا= ولاغـــــــــــاب كنـــي بالصـحاري بلا مي
جـــــــــل الـــذي جمـّــع جمـــــــــــــــال المحيا= بالطــــيب وانفاس الكــــــــــــرامه بلا سي
هـــــــــــــــــــــذاك والله مقفـــــــــيٍ لــــــــــه بليا= يكفينــــــــي انه عــــن ســـــــوى رفقتي عي
ويكفيني بدمـــــــــــــــــــه عـــــــــــروق الحميا= نخوى الرجــال العيس كم ساقها لي
وشلون آفاخر فـي هـــــــــــــــــــــــداد الحديا= وانا اشقـــــــــــر الجنــحان ينزع من يدي
عــــــــــــــمر الثرى ماصــــــــــــار قرب الثريا= وعمر البـــــــخل ماراود النفس عن طي

http://www.b3b7.com/vb/showthread.php?t=40981

قصيدة ( التجارة)
رابط للمنتديات مجهز بصورة عرض للتحميل

رابط للمنتديات
التجارة.فالح_الناهي.mp3 - 1.6 Mb
Direct Link الرابط المباشر
http://arabsh.com/lizt7ifhpvpj.html
______________________________________
قصيدة ( الشعر)
رابط للمنتديات مجهز بصورة عرض للتحميل

رابط للمنتديات
الشعر.فالح_الناهي.mp3 - 2.9 Mb
Direct Link الرابط المباشر
http://arabsh.com/fh3pcb6fjq6k.html
______________________________________
قصيدة ( المخدرات )
رابط للمنتديات مجهز بصورة عرض للتحميل

رابط للمنتديات
المخدرات.فالح_الناهي.mp3 - 1.5 Mb
Direct Link الرابط المباشر
http://arabsh.com/xpmevznernrd.html
______________________________________
قصيدة (الموهبه)
رابط للمنتديات مجهز بصورة عرض للتحميل

رابط للمنتديات
الموهبه.فالح_الناهي.mp3 - 3.2 Mb
Direct Link الرابط المباشر
http://arabsh.com/q3kjq1voexu6.html
______________________________________
قصيدة ( الوقت فتنه )
رابط للمنتديات مجهز بصورة عرض للتحميل

رابط للمنتديات
الوقت_فتنه.فالح_الناهي.mp3 - 2.4 Mb
Direct Link الرابط المباشر
http://arabsh.com/as4k524lhw9j.html
______________________________________
قصيدة ( جمال الغيد )
رابط للمنتديات مجهز بصورة عرض للتحميل

رابط للمنتديات
جمال_الغيد.فالح_الناهي.mp3 - 2.9 Mb
Direct Link الرابط المباشر
http://arabsh.com/0icuf5ku2ay7.html
______________________________________
قصيدة ( سوالف الناس)
رابط للمنتديات مجهز بصورة عرض للتحميل

رابط للمنتديات
سوالف_الناس.فالح_الناهي.mp3 - 1.1 Mb
Direct Link الرابط المباشر
http://arabsh.com/xfqh5k2o4nc4.html
______________________________________
قصيدة (عروبتنا )
رابط للمنتديات مجهز بصورة عرض للتحميل

رابط للمنتديات
عروبتنا.فالح_الناهي.mp3 - 4.0 Mb
Direct Link الرابط المباشر
http://arabsh.com/bve9vk1s6u27.html