اقامة الحد ..!

السلام عليكم ورحمة الله وبركاته

حلمت امس اني اختبر اختبار لاحد موادي الانجليزيه ومدرسة الماده تصير خالتي (مها ) بالمنام . وحنا في قاعة الامتحان وانا احل دخلو علينال ناس سببو لي ازعاج وماقدرت احل , ولما راحو مابقى شي ويخلص الوقت وانا جالسه بمكاني اتوسل لخالتي تمدد الوقت لان ماباقي الا ثلث ساعه . بعدها صارت تشرف علينا عمتي (نوف) كنت اتوسل لها واقول لها انتي السبب ليش تخلين الناس يدخلون علينا .. مددي الوقت , بالاول كانت رافضه بعدها مددت الوقت نص ساعه وانا من الربكه ماعرفت بعض الاسئله وكان حلي سيء اول مره احل كذا ...

ولما طلعت من القاعه وانا امشي لقيت زميلاتي2 (هند , افراح ) فارقتهم من 3 سنوات من غير سبب ...جلست معاهم ,, هند فرحة فيني وسالتني عن الاختبار قلت لها زفت . اما افراح بعدت شوي وكأنها غيرانه على هند بس هند استمرت بالكلام معي وبعدها قربت لنا افراح وتكلمت معي ...........لما خلصنا قمت قلت مع السلامه ورحت بطلع مريت الغرفه اللي فيها عباتي كان فيها صديقتي (شروق ) قالت لي مبروك الخطبه . قلت اي خطبه !! (( انا بالواقع مخطوبه بس بالكلام ماصار شي .. )) فــ مافهمت وش تقصد الخطبه هذي او غيرها .. قالت لي بعدين تعرفين

بعدها رجعت للبيت واهيئ نفسيتي للاختبارات الجايه بعوض عن امتحاني السيء وتحمست للمذاكره ... فجأه جوني اهلي شاكين فيني اني ناقله كلام ومفرقه بين نااس ..وانا مظلومه ومدري وش يتكلمون عنه
بس كان فيه ححد لازم يقيمونه علي وكان هاشي واجب ديني ... وهو القتل بحيث يقطع جلدي منن اعلى الظهر على العامود الفقري بالموس او السكين وانزف حتى افارق الحياه
وكان اللي يقيم الحد علي هو ابوي .. بس ماكان كارهني وامي نفس الشي بس لانه واجب ديني اقاموه ...فشق ابوي اعلى ظهري بالموس ونزفت كثيررر بس الالم بسيط وملابسي ما اتسخت ابداا
بحظور امي وهي وراي تتالم عشاني وانا ابكي خفيف لاني مضلومه وحسيت بقهرر عشان دراستي بس ماكنت خايفه من الموت ابداا ..... ابوي كان وراء ظهري يقيم الحد ولما خلص وراح صارت زي المعجزه ولا توفيت
فقامت امي تحط لي ع الجرح عود قرنفل عشان يتوقف الدم وفعلا توقف ... بس انا كنت مهمومه وافكر بالدم اللي خسرته كيف اقدر اعوضه ! ... ومقهوره لان نفسيتي كانت متهيئه للامتحانات كيف بقدر ارجعها مثل ماكانت وكنت شايله هم الاختبارات بالححيل ....


انتهى الحلم ماتأويله جزاك الله الجنه ... مع العلم اني بنت في اخر سنه جامعيه واكثر من مره احلم اني اخفق بالاختبارات ....وانا في الواقع ماقد اخفقت ...

عليك السلام أختي

عفوا لا هنتي ارجوا اختصار الرؤيا وذكر المهم أختي ...

حاتم حائل