من يوم راح الغلا واقفت مراسيلة
والروح تشكي غثاة وزود لولاسة
محدن من الناس تطربني تعاليلة
غير اللذي يطرد الهوجاس مجلاسة
الناس ترقد وجفني ساهر ليلة
مايهتني مثلي كل الناس بنعاسة
تطري على البال لافلت مجاديلة
وصارت قبالي وعطرة فاح نسناسة
طاحت عباتة وطاحت عقبها الشيلة
وبياض جلدة يشادي بيض قرطاسة
اطرب مع الزين لاساقت تماثيلة
والقلب يسلى وتطفي نار هوجاسة
والزين يامن عيون الناس والعيلة
دامة يداري هروج الحس من ناسة
تبي الوعد حاجة الطلاب توصيلة
والصبح طفلة مع شنطة وكراسة
وراحت غيوم المطر واقفت هماليلة
والزين غايب وحالي منة محتاسة
دايم تواعدني وترفعلي مواويلة
وقبل المواجة يجي صدة وعوكاسة
هي تزعل اني سبب جرحو وتذليلة
وانا اللذي ذقت وسط الجوف مقباسة
نوب تقول الهوا ضاقت مداخيلة
ولا السبايب عيون الناس وانجاسة
وان زاد شوقي بدت تكتم تهاويلة
وارجع واداري شعور الزين واحساسة
لو زاد كيلي يجيني ناقص كيلة
واقياس شوقي يجي من دون مقياسة
اطرد زمول الخلا واتلي مخاييلة
ابي السعادة وذقت السهر واتعاسة
جيت الدكاتر وجسمي طايح حيلة
والقلب صابة من المجمول وسواسة
وعقب الفحوصات مع ناتج تحاليلة
قال الخطر بالضماير تصفق اجراسة
من صاحبك بالمحبة صعب تبديلة
عامين يشكي خفوق الصدر من باسة
صارت ملفات قلبة صعب تحميلة
وغرايس القلب تشكي جور غراسة
وعلاج قلبة مع اللي نافلن جيلة
اللي عيونة تشادي عين قرناسة
طيراً خذا طيب في جملة تفاصيلة
عريض منكب زرور ويابس راسة
عين تقادح مثل جمرة معاميلة
وخطاف كفة يريد الموت بامواسة
الشاعر / فواز الغسلان البقعاوي
العضو الأكثر نشاطاً هذا اليوم 
العرض الشجري
