رياح

السلام عليكم ورحمة الله وبركاته


ياشيخ فيه قريبه لي حلمت
انها جالسه هي وخالاتها وعماتها وامها واخواتها وواحد من عمانها في سطح منزلهم
وجالسين يسولفون وفجأه جات رياح شديده لدرجة حست انها بتطير وتمسكوعشان مايطيرون
وراحت هي تنزل الاغراض من فرش وشاي وادوات الجلسه ونزلت للبيت ورجعت تكمل
ولقيت الرياح هدت وقالو خلاص دامها هجدت الرياح نكمل جلسه وجلسو وفجأه رجعت الرياح من جديد
ونفس الشي كانت مره شديده لدرجة خافو انهم يطيرون من شدتها
ونزلو وتركو السطح وخلاص راحو البقيه كيف ماتدري المهم هي وامها واخواتها وخالاتها الي بقو

ودخلو الشقه والبنت شافت وحده من خالاتها باقي بالدرج وقالتلها خالتها اقص شعري وشعرها كان مره طويل ومره اسود
الين الركبه تقريبا طوله وقالت البنت قصيه وقصته وتناثر في الدرج كله والقص لين تحت الاكتاف تقريبا
والبنت واقفه تطالع بخالتها وهي تقص شعرها وفجأه جات رياح قويه ولونها اسود والبنت في نفسها ان خالتها السبب عشان شعرها
يعني ان سبب سواد الرياح هو شعر خالتها وخافت البنت ودخلت الشقه تعلم خالاتها وامها واخواتها الي بالشقه
وقالو خالاتها ليه سوت كذا ليه قصته وجلسو يخاصمون ودخلت خالتها وجلسو يهزئونها وصحيت من الحلم

وهي تبي تعرف تفسيره الى تكرمت

للمعلومه الرياح الي بالسطح كان فيها غبار بس موكثير والرياح الي بالدرج لونها اسود مره
والخاله الي قصت شعرها هي بالاساس شعرها قصير لين الكتف او اقل

شكري وتقديري لك

عليك السلام اختي


الله يعين قريبتك على الحريم اللي حولها لان هناك من تغار منها بشدة ولا تتمنى لها الخير وهناك امراة سوف تدخل بيتهم او هي من قريباتها ستتسبب بمشاكل كثيرة في العائلة واكثر من يتاثر بتلك المشاكل قريبتك هذه . والله اعلم

حاتم حائل