|
كثروها وش تبي بنشر القصيد
كثروها وش تبي بنشر القصيد=دام ماتنشر وصوف الملهمه
هات لحظات بهايذوب الجليد=من حدود اللمس حتى السلهمه
وارسم اللحظات بأسلوب جديد=القصائد دون عذرى معتمه
مالك ومال السياسة ماتفيد=دايم دورب السياسة مظلمه
شف جماهيرك قليل ولاتزيد=وأنت عندك شعر فكرك يظلمه
البشر ملت من الفكر العنيد=اركب الموجة وعيش العولمه
التفت للمدح ويزيد الرصيد=عيشة الحاجة تراها مولمه
كثروها وكل يوم(ن) له نعيد=ماأبي شهرة ولاأبي مكرمه
يابشر ماني بهالواقع سعيد=صعب أنا أتقبله وإلا أفهمه
أمتي تنهان والظالم يزيد=ذنبها اسمه واسمه مسلمه
كيف ابنسى واوصف لهالناس جيد=أوشعر أو خد وإلا مبسمه
يابشر هالشعر هو نبض الوريد=غيرة بالقلب شعري ترجمه
المشاعر صعب تتقيد بقيد=لا بغيت أكتب تجيك مدرعمه
ودي اترك وأتجنب هالقصيد=بس كيف؟وأمتي لي ملهمه
لشاعرنا فلاح العايد
|
العضو الأكثر نشاطاً هذا اليوم 
العرض الشجري
