والله وفيك الخيـر ياجـرح الأيـام
والله لامـوت وموقفـك مانسيتـه
خاويتني والعمر خمسة عشر عـام
وش عاد باقي فالوفـاء ماعطيتـه
ياكبـر معروفـك وياكبـرالأحـلام
وفّيـت معروفـك وانـا ماوفيتـه
مازخرف صدرور الورق غير الأقلام
ولاشّين السان الرجاء غيـر ليتـه
ليتك وهم وعاملـك مثـل الأوهـام
وليتك زعل وأموت انا ومامحيتـه
أنت العطا يوم العطاء عّـود أرقـام
في وقت لاوقته 00 ولا البيت بيته
والله ماني لانتهـى الوقـت لـوام
ولكن ضحكني حزني اللـي بكيتـه
معاهدك باللي ضمـن رزق الأيتـام
لاعطيك كل اللـي بعمـرك رجيتـه
حتى خفوق راحت ضلوعه أقسـام
أخذه أن كانـه فـي محلـه لقيتـه