]] أفـوآه الشـوآرع [[

ما وصلت .. أذكر اني كنت أمشّط هـ الطريق .. و اتوسّل خطوتي .. خايف السكّة تضيق .. ولا ألاقي .. إلا صوتي ! أجهش الموقف بكائي .. بالدعاء ! و احدودب الصبر .. و صرت سيّد هـ الرصيف ! أجمع أصحابي فـ صدري .. وجه وجه ! وآتأمّل هدير الماء .. أعشاب في جلدي تنامى .. من قلوبٍ آمنت بي .. الـ فسوق النظره الصفرا .. في عيون العابرين ! أخذت من ظلّي الشحوب .. وقلت أنسى .. و استمرّيت افـ دعائي .. قلت : أطاول هـ الطريق و خطوتي .. مُدهش الحزن الفجائي .. يِخْرِس أفواه الشوارع ..! ودي أعلن إنتمائي .. بس هذا الحزن .. فارع ! كانت أرصفتي تنادي : و ين سيّد هـ المكان ..؟ حتى أرميني عليه ..! كنت تايه ... بين ماء و إنتماء مدري ويني ! يا صوتي الواقف تموت .. ما بيني و ظلّي .. يشيب في حلقي السكوت .. غيرك .. أنا من لي ؟ يا عابر فيني هناك .. قلّي إذا وجهك نساك .. و حلمك توسّد إصبعك .. و جمعت بعضك من أساك .. من هو اللي يسوى أدمعك ..؟ ما بقى حولي سوى ...... بعض أشجارٍ و ظلّ حزنٍ افـ صدري ذوى ...... و ليل من جفني يطل نفضت من الغبار عيون .. وقلت آهندم شحوبي .. مدام إن الطريق الناس .. و ارصفتي الكراس .. يصير أجمعك يا حظّي .. و أنسى نفسي و الطريق .. و ارمي أعبائي على هذا الرصيف .. و ترحل النظرة هناك .. ذيك المحطة ... بااااردة تستوعب همومك فقط .. إسرق ثواني .. شاردة و اكتب حروف .. بلا نقط خلّك مثل هذا الرصيف .. بسيط .. لكنه مُخيف ! و قل للطريق إنسى .. أكذب أنا .. ما لي شبيه إلا العنا ..! و اللي بقى ب ظلّي .. يا ظلّي الوافي الكذوب .. من علّم عيونك تذوب .. من شكّل الوانك غرب .. و راح ينثرها عليك ..؟ حتى عيونك ما تبيك !! يا [ بابي المجفي ] .. للموعد المنسي .. صار العمر أشباح .. شفني أناديني .. من ظلّها الكاذب .. إلين حنجرتي ..! اجمعك ..! كيف اجمعك ..؟ و انا من ليلة فراقك .. إلين الحين عجزت اني اجمّعني ..! و انا من لحظة غيابك .. ادوّر من يجمّعني .. تعبت الملم .. شتاتي ! و اوآجهني بـ / كذباتي .. و استوعب غيبك .. و ماللألم آخر .. تعبت اجمّع جروحك .. من الآلام !! من شكّك .. وخوفك من الأوهام ..!! تعبت ابعثرني .. ألم تعبت اجمّعني .. شتات و لآخر جروحي ماللزمن آخر .. لــ المبدع / أحمد المطوّع لـ أروآحكم