ظل العصر

لامال ظل العصر للقلب عاده
ياعادة الورقاء على غصن الاوراق

استعرَض الهاجس وحمَّل أعداده
وعطاء ملفات السهر حفض وارفاق

وامسيت خفَّاقي والافكار ماده
مافيه لا مخرج طواري ولا انفاق

امنت باللي مايرَد اعتماده
مجري السفينه يوم طوفان واغراق

محي الهميد اللي سوات الرماده
جلاب قوت اللي تحت سود الاعماق

بيديه نقص العمر وان شاء أزاده
وادها منه لاالتفت الساق بالساق

سبَّح له الاحياء وسبَّح جماده
ربٍ على عرشه على سبع الاطباق

ابادته تفرق على كل اباده
ترفع له كفوفٍ الدعاء حُمْر الاحداق

ماخاب ظن اللي صدق واعتقاده
جميع مخلوقٍ علىٰ رزق خلاق

الله هوى المحيي ورازق عباده
الناس ماتحيي ولا ترزق ارزاق

الشاعر/متعب فارس بن طواله

يسلّم منطوقك شاعرنا على دي الابيات
الله يسعدك وينولك مُرآدك يّ أنيق ،

سلم بوحك ابو فارس
والف صح لساانك
قصيده رائعه في تعظيم
لله سبحانه ورجاءه

متعب ابن طواله


لله درك شاعري

ابيات في قمة الجزاله

صح لسانك واعتلا شانك ولاهنت


تحيتي

صح لسانك شاعرنا المبدع
كلمات جميلة .. ومعنى راقي
تقبل مروري واحترامي

صح لسآآنك مدد
للأبيآت الجزله والمعآني الرآئعه
سلمت يمنآك ولآهنت يآقدير ,,,

اخواني خواتي
اشكركم جزيل الشكر على تواجدكم المشجع
ممنون لكم ولكل من مر من هناء
اسعدنا تواجدكم اصدقائي
الاعزاء

صح
لسانك
على القصيده
الرائعه

اقتباس الله هوى المحيي ورازق عباده الناس ماتحيي ولا ترزق ارزاق

ونعم بالله
وصح لسانك ملايييين لهذه النفحات الإيمانية الرائعة
التي تخللتها الأبيات