‎سيرت لاطراف المدينه ومريت

سيرت لاطراف المدينه ومريت
منازل(ن) م يندرا من نزلها


ماعاد من سكان اهلها ولا بيت
صبغت مبانيها وكثرت احللها


تغيرت من عقب ماغبت وابطيت
لاذي شوارعها ولا اولى باهلها


ان احسب ان علمي بها تو واخطيت
وش يردع ايام العمر دون اجلها


سنين من عمري قضت ماتوعيت
لمحة بصر دافع البلا ما اعجلها


قرب المشيب وشاب راسي وسجيت
ان السنين تدور والناس تلها


لو ادري ان ذا بيحصل ما تعنيت
انقض اجروحي واداوي عللها


كم مرة لاهزني الشوق ماامسيت
لين اتمثناها واباري فللها


لعيون من ساقت علي وتقهويت
فنجال وله وساقته كف ولها


منوة خفوق (ن) مزعته التناهيت
الى انتوله الشوق ولا انتولها


حفظتها من حكي العرب والشماميت
ومن كلمة يفرح بها اللي نقلها


لو ما قبلها القلب ما كان حبيت
ولولا نزاهة عرضها ما قبلها


هي داريه ويش السبب يوم قفيت
وذا عوقها والا وش اللي قتلها


تقطعت سبل المواصل وضحيت
وازعلتها وانا اتجنب زعلها


بغيت ادور لي بدلها وعييت
لا اخطي على روحي وادور بدلها


اخترت من جملة قصيدي شطر بيت
ما جارت الفرقا على غير اهلها


واخترت من بد الحروف وتنقيت
خمسة حروف نصفها الميم والها


تطري علي لاضاق صدري وسجيت
ان السنين تدور والناس تلها

لِ حمدآن آلمري

الموضوع الأصلي: ‎سيرت لاطراف المدينه ومريت || الكاتب: Radoi || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات