[ALIGN=CENTER][TABLETEXT="width:100%;background-color:firebrick;"][CELL="filter:;"]
[ALIGN=center]
حتى الأمل منفى
وجروحنا عمر..
مااظنها تشفى... !
يعني الأماني جمر
لاجا الشتا.. يطفى !
( ليت المنافي تجمع ثنين صدفه ! )
دام الوجع شوك نمى بالمحاجر
ويشفى خفوقٍ كلما زاد نزفه
أحس كن الروح مني تهاجر.. !
أصبر ولا من التعب رف طرفه
اضم صمتي في ضلوعي خناجر.. !
وانتـظار ..!
وأنتظر
واحتضار
واحتضر.. !
وأش عاد باقي ياصبر.. !؟
قلي تعبت من المرار
وأشهو الفرح ..!
واشهو الأمل
وأشهو الفجر.. !
واشهو الشعر والاغنيات.. !
ودي أسألك ياهالصبر
دام إنها أحلامي شتات
ليه أشربك وأسكت قهر .. !
يعني تبي قلبي يقول
إن كلها أحزانه قدر .. !
قدر ..
قدر ..!
ويهزني صوت الوجع وأنثر أعذاري
للي نشدني ليــه مـانامت عيوني.... !
مايدري إن الحزن من جملة أقداري
وإنه رفيق القلب ومخاوي لحوني .... !
اقول في نفسي وأنا اصد واداري
دمع القهر لابان مابانت طعوني .... !
احاول انقش في يد الحلم تذكاري
لجل إن مضى هالعمرمايندثر لوني .... !
ياتي خريف الصمت ويعري اشجاري
ويمد لونه بين هالموق وجفوني .... !
وأدري إن شتاي أطول من أيام مشواري
وإني باذوق الموت منه على هوني .... !
وإني لو أكسر غربة الروح باشعاري
مااقدر على من في دجى الضيق خلوني.... !
قلبي يظل لخاطر احلامه الشاري
لوكل حلمٍ راح والكل باعوني.... !
يعني يجف العمر ماجفت امطاري
غيمة غلاي تظلل الحلم بعيوني .... !
,,,,,
ورد لطهر قلوبكم أحبتي
,,
[/ALIGN]
[/CELL][/TABLETEXT][/ALIGN]