|
ابطيت / ماحتجتك .. وحبيت ازعلّك
مايجهلك .. إني محـال .. آتجــاهلك
حتى ولو ( نفسك ) عليّ .. اتحــكـي لك
صعب آتخيل .. كيف مر بتخيلك ؟؟
إن ( الشموخ ) يغرني .. ما ْنحني لك
كنّك نسيت اني .. عليّه موكـّلك
وإني عن الدنيا واهلها .. كفيـلك ..!!
وإني أنا خلفك ونصفك اللي يكملك
تشيلني لاطحت ، وان طحت اشيلك
دايم تعدّلني .. وإذا ملت اعدّلك
ومن زود عدلك ،، ماتحريت ميـلك
اشوف بك نفسي ولا اقدر اجاملك
لا تاه عقلك .. خـل .. قلبك دليـلك
لازم تحملني مثل .. ماتحمــلك
اسمع كلامي للنهايه .. دخـيلك
تعاملي .. بالصدق ناتج ، تعاملك
انفض عن الظلم وظلامه شليلك
لايختلف تاليك .. عن منهج اولك
وان مااستوت غصبتها .. تستويـلك
لاياخذك تفكير ثاني ويشغلك
مالك بديل ٍ لي ، ولالي .. بــديلك
ابطيت / ماحتجتك ... وحبيييت ازعلّك
عشان احس بحاجتي لك .. واجي لك
|
|
العضو الأكثر نشاطاً هذا اليوم 
العرض العادي
