ياموطني ياموطن العز والجود=ياموطني فيك المشاعر نشيده
إن كان لك ياموطني قلب وحدود=حنا بقلبك حَدِّنَا في وريده
غلاك مايَنْقِصْ . حشا . دآآآيم يزود=فوق الخيال وفوق وصف القصيده
بَاطْهَرْ بقاع الارض ياعشق موجود=أرضك بها كل الصفات الحميده
الحب بقلوب البشر صار محدود=إلا انت حبك يِسْعِد الله عيده
مولود فينا وانت بالمجد مولود=أروحنا في حب روحك سعيده
سِمَاك لو هي كلها غيم ورعود=أصْفَا من خدود الفتاة الفريده!