لاو احليك يا الرجوم المسماه=اللي ليا شفتك تذكرت حايل
راع العيون الناعسه وين ممساه=قولي ل اجاء عنها يجيب الدلايل
ثم انشدي سلمى و راس المحناه=والعرق والوادي وحزم الخمايل
وجدي على شوف البيوت المبناه=اللي ذراها يحتمى كل طايل
ياليت يا قلب العناء لو تناساه=اللي تبا من دونه الوقت حايل
واللي خلط من هيبة الشعر حناه=اخط له بحروف شعري مثايل
مجاراة الشاعر العلم.سعيد بن غالب الحارثي
نهمة شجيع اراس من طول يمناه =والقرم في راسه قوي الصمايل
وفعل ودلاله صاغ جزل اتحلاه =وصفً على معناه من صدق قايل
ويانايف الناجي سعد من تمناه =وسعد الهنوف اللي لها الفكر مايل
ولالوم نايف صافي الود مشهاه = في بنت قـومً كاسبين الجمايل
وقلب المولع مايغـير لمنحاه = ويعطي على شوف الوفيه جزايل
وليا خلطة الود والشعرجيناه =قول الصحيح وعندي الشك زايل
مجاراة الشاعرالعذب.مساعد الجليدي
مما بقلبي قلت اسوي مجاراه=وابدع من القيفان جزل المثايل
القاف هيضني مشدّه ومبناه=يذكر جبالٍ شامخه حول حايل
نايف عساالله بااجزل الخير يجزاه=جدد جروحٍ بالضماير سمايل
مثله جرالي بالمودّه معاناه=خمسة عشر عامٍ عيوني تخايل
برقٍ ينوض بمزنته مانثر ماه=بين الرجا والياس شفت الهوايل
مع جادلٍ ماشفت بالبيض حلياه=مثل الكحيله من خيار الاصايل
عندي وكلّ ٍ له مع الناس مشهاه=شطرٍ سمعته من قصيد الاوايل
مجاراة الشاعر العذب.محمد العواد
.
سجّل معك عقب الجليدي مجاراه=الطرق هيضني لبدع المثايل
حرفك يابن ناجي انا كل ما اقراه=القى لغلا سكان حايل دلايل
ودامك على الواقع تعيش المعاناه=عاداتكم يا حرب بدع الجزايل
شعرك وشعر مساعد بـ قوّ معناه=أَشْعَل بميدان الغرام الفتايل
للي غرامه تل قلبي من أقصاه=بين القصيم وبين رفحاء وحايل
خشفٍ تميّز في ذكاه ومزاياه=كن الشعر بيني وبينه رسايل
الى متى في ظل حبّه وذكراه=تحدني عنّه سلوم القبايل
وانا على وصله وشوفه ولقياه=اشفق من الرمضى لوبل المخايل
مجاراة الشاعر العذب.ماهر الذيابي
.
الشوّق في مبدا قصيّدك على الآهـ =والشعر غرّد يا عريّب الســــــــلايل
ميّر التوّجد هزه الشـــوّق وضنــــاه=عقب البيوت أللــــي سواة الخمايل
صح الله لسانك على حلو معنــــاه=جزل ٍ ليا من جيّت جبت الجـــــزايل
العضو الأكثر نشاطاً هذا اليوم 
العرض العادي
