|
قصة الفتاة التي صارت عبده عند عبدها ][
(( قصه محزنه لفتاة دارت عليها الايام واصبحت عبده عند عبدها ))
يذكرون ان فيه بنت شيوخ معروفين ،، اختلفوا الرواه في اسم قبيلتها
مالكم بالطويله،،
البنيه هذي معها عبد شبه ملازم لها ويقوم بخدمتها ،، الرود ان هالبنيه دارت الايام عليها وحصل انه اغار قوم على اهلها ونحاشت مع عبدها ،،
ومنهم من قال انها كانت راحله مع عبدها لحدى الديار ،، وجاهم الخبر وهم بالطريق ان ابوها انقتل...
العبد تجبر على عمته يوم عرف مصيبتها ،، وقام يذلها ويهينها ويسيء معاملتها ويخليها تخدمه مثل ما كان يخدمها ،،
وفي ليله من الليالي:
سهرت البنت وجاها العبد وأمرها انها تنام
ردت عليه وانشدت هالابيات :
هنيكم يا أهل القلوب المريحة *** وما الوم عيني لو جرى دمعها دم
ابكي هلي أهل الدلال المليحة *** واخواني اللي كل ما قلطوا تم
يالعبد هذي من حكايات الفضيحة *** خل السهر لي وانت يالعبد قم نم
من أول ً نامر تجيب الذبيحة *** واليوم يا عبد الخطا صرت لي عم
ويذكرون انه في الصباح راح يقومها من النوم ولقاها متوفيه ،،
ومنهم من قال انه ربط جديلتها بيده ونام،، واول ما نام قطعت الجديله ونحاشت وفكها الله منه ،،
منقول
اختكم
شمعه
|
العضو الأكثر نشاطاً هذا اليوم 
العرض الشجري
