ناس تفكر همهم يسعدونك
وناس تفكركيف تقدر تبكيك
لاتشتري من حاولوا يخسرونك
ولاتخسراللي فكربيوم يشريك
مافيه أجمل من صديق يصونك
ولا فيه أقسى من قريب يعاديك
أكبرقهر لاصار ناس يبونك
وأنت تبيهم بس حظك لعب فيك
حب يغيب وصاحبه ماغاب
وحب يدوم وصاحبه في غيابه
وحب يذوب خافق مابعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي مايضرك عتابه
وحب بلا معنى وحب بلا اسباب
يبدا غريب وينتهي في غرابه!
يامبعد عن شوفة العين لا باس
أبنتظر لوفرقتنا الليالي
لولا الأمل ما به حياة مع الياس
أبتحمل لرضاك فوق إحتمالي
أنت الوحيد الي ذكرتك من الناس
ولى ذكرتك كل شي طرالي
ليتك تناجي بلحشا صدق الحساس
وتشوف وش سو غرامك بحالي
لمت نفسي ولامني وقتي معاك
اشتكي من هم وبكي من الم
ياخطاي إللي توافق مع خطاك
لاسلم حبي ولاحبك سلم
انت اعز الناس ماتجهل غلاك
معتقد هالحب ياتي من عدم
كل مامرو علي هذا وذاك
كلهم لاشي وانت اللي أهم
نعرف سلوم القوم واللي نخاويه
الذيب نفخر به وغيره نرده
مثلك حرام بالخلايق نساويه
ندك تراه السيف ولا انت نده
من يوم نور الوقت لاحت مضاويه
ماشفت مثلك وقت لين وشده
كلها ايام وعيوني تشوفه
واحترق شمعه وانور له سماه
خل يذوب القلب في دافي كفوفه
والا عطر الليل يحضنا دفاه
ان همس لي ضعت انا بأول حروفه
وان نظرلي جيت كلي من غلاه
بعض الغلا ياخذ له ايام ويروح
وبعض الغلا ياخذ له سنين ماراح
وبعض الغلا متمكن داخل الروح
ماينمحي لوجاه نزاع الارواح
وانتم غلاكم مايبي شرح ووضوح
غلا حقيقي دون تمثيل
قلبي غدا له عام تطري طواريه
راحت بي الأفكار واتبع أثرها
كم ليلة أمشي مع الليل ساريه
رجلي على الممشى قويا صبرها
أنا خوي الليل والذيب أخاويه
لا ماحسبت دروبها مع خطرها
الشوق ياخذني لحضرة جنابك
والدمع طاح ولالقى له مناديل
خذني معك لو صفحة في كتابك
أو ضمني وسط العيون المظاليل
تدري وش اللي هزني في غيابك
إنك بعيد وما تجيني المراسيل
لو تلمس احساسي جفا ما رجيتك
معطيك قلب بالمحبه عطاني
يفز قلبي كل مامر بيتك
واذكر زمان فات مر ونساني
تبقى القلوب كبار مهما تكدر
ويبقى غلاك بداخلي ما جفاني
عطني ولو مره مثل ما عطيتك
يمكن تعاني مثل ما أنا أعااااني
ابيع مايغلى على الكون واشريك
واسوق لاجتني علومك بشاير
وازعل جميع الناس بالحيل وارضيك
واصبر ولو دارت علي الدواير
واخذ من ايامي لك ايام واعطيك
وان راح عمري لك فلا هو خساير
إن كنت تبغى واحد لك يماشيك
لقيت منهو راكب لك حصانه
وكانك تبي قلب يصونك ويحميك
أبشر بقلب مايعرف الخيانه
وكانك تبي شخص يحبك ويغليك
ابشر بشخص منتظر في مكانه
وكانك تبي عين تهلك وتبكيك
هذي دموعي كلها لك رهانه
غلاك الاول ماتغير لهلحين
مازلت غالي يابعد كل غالي
مهما تروح ايام وشهور وسنين
يبقى رصيدك بالحشا دوم عالى
لا ما تغيرنا على العهد باقين
باقين مهما باعدتنا الليالي
إن تجلجل في قلبي حب
جال في قلبي قصيده
أنت فيها بيت شعري
وأنت نظراتي البعيده
وأنت أهلي وأنت ربعي
وأنت أحلامي السعيده
وأنت نبضة في حياتي
صوب دنياي الجديدة
أنت نبراتي وصوتي
وأنت عنوان القصيدة
قالوا حبيبك يقرا الشعر، قلت أيه
يقراه بعيوني قبل تسمعونه
لولاه حتى طاري الشعر مابيه
لكن كتبته لاجل خاطر عيونه
أكتب لغيره والقصايد تجي فيه
كن القصايد حالفه ماتخونه
العضو الأكثر نشاطاً هذا اليوم 
العرض الشجري
