للطيب ناس وللعذارى فحولي

هذه القصيدة من أجمل ماقرأت في الرفقة احببت ايرادها كامله
وهي للشاعر لافي بن حمود الحربي..



يامكثرين الهرج لاسمع ولااجيب
تريحوا من فضلكم واسمحوا لي

تريحوا لاتلحقون المشاهيب
على الردى ماني شفوقن عجولي

بالعقل والصبر ادب النفس تأديب
ولا لها مدة تصول وتجولي

خلجن ترازم في سياج المحاديب
مافيهن اللي بالعقال معقولي

أشد واطيب زور من شمخ النيب
اليا ضاع مفعول الحيل والحلولي

أنا لياماقلت للقول ترتيب
حتى يجي كي (ن) على فك قولي

ليا ارسلت لافكار القريحه مناديب
ترايعن من عقب ماهن جفولي

لكن مالي من وراها مكاسيب
ولوان عشاق القشر صفقوا لي

مايستفيد الا العدو والاجانيب
ولاني مطيع مقرقعين الطبولي

خليتها تعطي فجوجن مجاديب
جرباً تجود في رسنها مهبولي

والله لاجنب دام لي درب تجنيب
من شرهة حشام الرفاقه خجولي

لو انها بين النحر والتلابيب
من الحيا وجهي ماهوب مغسولي

طبعن لنا نشب عليه ونشيب
و طبيعتن لعلها ما تزو لي

على الجماعه للجماعه مواجيب
إلى جهلواقدر الرفيق الهتولي

ماني على ربعي قريب محاضيب
ادناه مايخليني اسرج ذلولي

إن جات من طيب شقاها على الطيب
لو انها أعوج من رقبة الذلولي

وان جات من مسكين منطق واساليب
حطيتها بين الثرى والنعولي

لاحركت شعرة ولاطلعت شيب
ولاضيقت صدري ولاطق جولي

وان كان في صبري على ميلهم عيب
العيب تفتيش الصرر والحثولي

لاقمت تذكر في رفيقك عذاريب
وتبين عيوبه لذولا وذولي

صبرك على ربعك علاج وتطابيب
يقصر حبال السالفه لاتطولي

حتى مايلقى في طرفها مقاضيب
كراه خير وللمشاكل ميولي

وليا بليت بتايهن شره وصعيب
يقول أنا العراف وانت الجهولي

قل الله الله ياحصان الأطاليب
يالفاهم العالم عطيب الفعولي

هذا الكلام اللي مافي صحته ريب
لانيب لاحولك ولاانته بحولي

حصان وابن حصان طيب مجاذيب
وبالمعرفة رجلن محلي ودولي

خله يروح ويخطي الدرب ويصيب
ويقول مابالناس عرضي وطولي

والفرق ماهو باللحى والاشانيب
الفرق بين الناس فرق الفعولي

كم واحدن تحسن به الظن ويخيب
السن يضحك والفواد معلولي

واللي غدت به كلمتن مالها غيب
ماهو من اطيب ربعي اللي غدوا لي

يالله عساها صيحتن في قفا ذيب
وقلع النيا بيني وبينه يحولي

الرجل مايغصب على الطيب تغصيب
لاصارماهو دل ضمن الدلولي

من عادة اللي طيبه يحضر ويغيب
لاطالت الرفقه زهوقن ملولي

وليابلنك غبر الايام بصحيب
في مستوى طيبه صعود النزولي

فاعرف ترى الدنيادروس وتجاريب
والكامل الله والنقا للرسولي

لاتصير مشذاب يقص العراقيب
خله وراعي الاوله وش يقولي

أخذت حكمه من كلام اللواعيب
للطيب ناس وللعذارى فحولي ...

ملاكي الحنون

شكرا لك علي نقلك

صح لسانه الشاعر
لافي بن حمود الحربي
والرفقه ليست بالبساطه وناكرها ناكر جميل

بوركت على اختيارك واعجابك

يسلمك ربي ياملاكي
بارك اله فيك على الاختيار الذوق

ملاكي الحنون

مشكوره عيوني ع نقل هالقصيده الرائعه

حمامة السلام

ملاكي الحنون

يثلج صدري هذا النص الجميل

لله در هذا الشااااعر

كم هو حكيم

ماقول الى صح الله لسااااانه وللسااااااااانك


واذا فيه كلااااااام ااااخر اقوله

ان المنتدى يفخر بي امثالك

ممن يملكون الاحساس المرهف

ويملكون الذااااائقه الشعريه بحق وحقيقه

بنتظااااار ابدااااعاتك وجديدك المشرق

لك مني التحايااااااااااااااااااااا

ودمتي ودااااام عطاااااااءك


خيك

سرحان

ملاكي الحنون

تسلمين يالغاليه على نقل هالقصيده الطيبه
صح الله لسانك و لسان الشاعر لافي بن حمود الحربي

وردة العين