|
ماهقيت ان السعادة خيال في خيال
دايم ازعل عليها بس قلبي رحوم
وهي تموت بعذابي من تحت لي تحت
مثل وجه العلاقه في ثياب الخصوم
ان تطيبت طابت وان جرحت اجرحت
...........................................
من يوم فرقانا الى يومنا اليوم
مافات يوم الا وهي مشغلتني
إليا غفيت اشوفها في حلا النوم
واليا صحيت بكل الافكار جتني
عشقتها من قلب ميس ومحروم
وتركتها يوم انها عاندتني
.....................................
لو تزيد الشوق جمرة تحولني رماد
لو يزيد العشق شعرة بوصل للجنون
................................................
وإذا عندك بعادي عيد ترى عندي جفاك أعياد
وعسى طول الجفا مني يليّن قلبك الجامد
أبضحك وأظهر البسمة ولو إن الجروح جداد
وترى قلب الحريقة ضو ولو وجه الحطب رامد
بكون أكبر من الغلطة وبعلن للهوا ميلاد
إذا كان الخطا منك مجرّد ثورة الخامد
.................................................. .
أنا جيت اعشقك نبض ومشاعر ما اعشقك تمثال
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
.................................................. ...
رحت أدور دفوة الشمس ضيعت الضلال
جيت اطفي شعلة النار والقلب انكوى
ماهقيت ان السعادة خيال في خيال
تروى قلوب الحبايب وقلبي ما روى
................................................
حسبت الليل بغيابك يمرن الليال دهور
وكني شايل بقلبي ليال الوقت وشهوره
تصبرت وتقدرت وبنيت من الخيال قصور
إلين ان الجفا شد الركايب وانتهى دوره
................................................
روحي وهالمرّه خلاص لاتردين
هذا الفراق وروحةٍ دون رده
الكذب خيبه ماعرفتي تحبين
ما أنتي من يستحق المودّه
ماتعرفين الحب والعطف واللّين
ولا عاد في قلبي على الحب شدّه
.............................................
كان قصدك ( سر حبك ) .. اوعدك لأصبح بخيـل
واحمل اسرارك معي للمـوت قـدر المستطـاع
بس قلها ... قل ما احبك ... وابشر بصبر ٍ جميـل
لاتحسب أني مثـل مـن طبعهـم لـوي الـذراع !
.................................................. ...
بـدل دموعـك حاولـي بينـك وبـيـن
قلـب ٍ عسـاه اليـوم ينسـى الحبـايـب
مااقول انسـي .. حاولـي كـود تنسيـن
خـلاص راحـت غايتـك بالغصـايـب
الحـب قصـه والبطـولـه لشخصـيـن
وختامهـا كـل ٍ مـن الـحـب تـايـب
ماهوب مثـل اللـي نظنـه مـن سنيـن
مانـدري انـه يـودع الـراس شـايـب
..........................................
بيني وبينك ترى اللي صدق ضيعني
ان انت في اخر لقا شارح لي ظروفك
مدري وش اقول لكن تدري اسمعنـي
خابرك وافي و أبيـك تتـم معروفـك
ان كنـت نـاوي تسافـر لاتودّعـنـي
بس انتبـه لا تسافـر قبـل ما اشوفـك
.................................................. .
وحشني صوتك يا وطن .. وأمسيت اغنّي : ليه؟..ليه؟
ليه الكلام اللي نقـول يمـوت فـي سكـة صـداه؟!
ليـه الدوايـر تنتهـي مـع دربهـا اللـي تبتديـه؟!
ليه الشوارع ساكتـه والنـاس كـلٍ فـي هـواه؟!
ليـه اليديـن تصـدّ عـن شـيٍٍ تبيـه وتشتهيـه؟!..
يـوم العيـون تسابـق الجايـع علـى لقمـة عشـاه!
.................................................. .
ولمحت زوله من أقصى الـدرب لافينـي
مدري وش اقول لكن حـي هـا اللافـي
تعال.. شف غيبتك كيـف أثـرت فينـي
تعال.. شفني وأنا أغرق عقـب مجدافـي
تعال.. خذنـي ورحبـي مـن عناوينـي
تعبت أعدي على جمـرك وأنـا حافـي
تعال واقطف بصوتـك زهـرة سنينـي
كـل المواعيـد عقبـك شمعهـا طافـي
تعـال وازرع خصـل شعـرك بكفينـي
بضمهـا ليـن أحـس بليلـك الظـافـي
تعال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي
اتمني تعجبكم
|
العضو الأكثر نشاطاً هذا اليوم 
العرض الشجري
