يجهم له القناص وقت شروقه@@طيره زروم وليلته جيعاني

الـمـزن هـاض وشـاقـنـي بـبـروقـه=يـفـرح بـشـوفـه مجـدب الـبـدواني
كـن الكـهارب تـشـتـعل بـطـبـوقـه=مـنــوة خـفــوقـن يـتــبــع الـذيــدانـي
بـنــات حــر وطــايـلــن ســمـحــوقــه=بـه مـن تـواصـيـف الـجـمـل شـقــراني
مـن سـيـلـهـا كـن الـســمـاء مـشـقـوقـه=لـيـن امـتـلـت مـن سـيـلـهـا الـشـعـبـاني
ومـشـيـت ضـايق مـع لـيـان فـلـوقه=وسـط الخـضار ومـزهـر الـريـضاني
الـروض ريــف وظـــاهــرن رقــروقـه=ماغـيـر عـشـب وطـارف الرعـيـاني
في فـيـضـتـن شـاق الـنـظر زمـلـوقه=تـطـرد هـجـوس الـعـاشـق الولهاني
والـصـيـد بـالـريـضـان شفت فـروقه=لا طـار تسـمع صفـقـة الجـنحـاني
يـجـهـم لـه الـقـنـاص قـبـل شـروقه=طـيـره زروم ولـيـلــتـه جــيــعـاني
كـن الـشـعـايـل تـلـتـهـب بحـدوقـه=لاشـاح شـوفـه يـكـشــف الـوديـاني
ويـوم اتـعـب الـقـنـاص فــك سـبـوقه=طــار وتـعــلا وانـثــنــى شـفــقـاني
الـجـول قــدامــه صـعــيــب عــتــوقــه=وكـل(ن) يـلــوذ عــن الــردى بـالــثــانـي
حـاس الـحـبـاري لـيـن شـفـت شـلـوقه=وراعـيـه عـنـد اهـل الـقـنـص طـرباني
الـخـرب بـكـفــوفــه شـلــق مـعـلـوقـه=لاهـــد يـشــبـه هــدة الـعــتــبـانـي
يـسـلـى بــه الـلـي ذايـبــن مـن شـوقـه=لـيـلـه يـروح بـضـيـقــتـه سـهـرانـي
مـن خـفــرتـن حـبــه مـشــى بـعــروقه=رمـشــه يـشــادي قــايــد الـغــزلاني
لاحـت لـعـيـنـي دالـهـن فـي سـوقـه=ونـاطـحـتــهـا مـع دخــلـة الــدكـاني
تـنــورتـه مــن ردفــهـا مــفــتــوقـه=فـتــقـه سـبـايـب جـسـمـها الـمـلـيـاني
الـردف يـطـوي لـبـسـهـا مـن فوقه=وشـفـت الـبـيـاض بهـبرة السـيـقاني
كـل الـعـطـور بـجـمــسـهـا مـدفـوقـه=يـنـثـر وراهـا الـمـسـك والـريحـاني
قـامـت تـغــنـج بـالـحـلا مـن ذوقـه=لـه مـبـسـمـن مـثـل الـقـمـر لابـاني
فيها الـثـنايا تـلـتـعـج لـه لوقه=مثل الـبـرد يـردم عـلـى الجـدراني
والـلـه فـلا هـي بـالحـلا مـسـبـوقه=والـلـي يـكـذب يـزبـن الـمــيــداني
يـفـرق حـلاه بـطـبـعـها وخـلـوقـه=وجـسـمـن ورمـشـن لـلـعـرب فـتـانـي
وجـديـلــتـه بـمــتــونـهـا مـدلـوقـه=لـيـتـه يـشـوفـه شـاعـر الـربـضــانـي
قـالـت عـيـونك صوبـنـا مـشـنـوقـه=راجـع طـبــيـب الـديـرة الـنـفـسـانـي
قلت الـبـلا عـنـقـن يـزيـنـه طـوقـه=وان طحـت مـن رمـشـك تـراك الـجـانـي
قالت رضيت الـمـحـكـمـه وحـقـوقه=والـلــي يـقـول بـديــوي الـوقــدانـي
صارت مـداخـل حـجـتـي مـغـلـوقـه=ومـالـي سـوى صبـري مـع الـكـتـمـاني
كـل الـحـلا في وصفـهـا وعـمـوقـه=طـيـفــه يـشـب بـخـافـقــي نـيــرانـي
وبـالـهـرج يـسحـرنـي حـلا مـنـطـوقه=مـامـثـلـهـا هـرجـه وزيـن لـســانـي
كــن الـحـنـايـا بالـقـهـر مـصـفـوقـه=ومـحــدن يـروف بحـالـة الـغـسـلاني
فـرحـة ضمـيري عـقـبـهـا مـسـروقـه=يـشـهـد بـهـا الـقـاصـيـن قـبـل الـداني
ياغـصـن مـوزن يـنـثـنـي بعـذوقـه=وصـفـه يـجـيـده مـحـسـن الـهـزانـي
ادخـل عـلى الـلـه عن دروب الـبـوقـه=تـر صاحـبـك مـن خـلقـتـه ماخـاني
دامـك رمـيـتـي خـافـقـي فـي عـوقـه=وشـلـون تـتـرك طـايـحـن مـرضاني
وان رحـت وعـروق الحـشــى محـروقـه=فـأنـتـه بـقـانـون الـهـوى غـلطـاني
راحـت وروحـي بالـقـهـر مـطـقـوقـه=واقــف واطـالـع نـقـشـة الـفـسـتـاني