[poem=font=",6,blue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
البارحة ونيت والناس ممسين=وراعي الهوى مسكين مايمتسيله
يايام ياربعي على العسر واللين=ياللي مواقفكم مواقف نبيله
ناديت يام وصحت بالربع الأدنين=صقريت(ن)بالجد عز القبيله
مرو علي في شارع الريل ثنتين=أوصافهم بين الخلايق قليله
مرو علي بزحمة الناس ماشين=من شافهم ينسى من اللي يشيله
الأوله منهم مركوزت النهدين=بيضاء عيونها سود وجميله
ملبوسها من غاليات الفساتين=ومن الذهب شالت حمول ثقيله
تشبه مباسمها ورود وبساتين=وإلا الحرير اللي قليل مثيله
تمشي دلع وتنوع الفن نوعين=كود(ن)عليها دربها يستويله
والورك متعدي على حد شبرين=وإن هزته يهتز قلبي بديله
والثانيه سمرا عذاب المحبين=تسبح عقول بقامت(ن)مستطيله
في عينها حراب وسكاكين=وفي عينها اليسرى سيوف صقيله
سلمت قالت واحده فيهم أهلين=والثانية تظحك وروحي عليله
قلت أرفقو بالناس ياذا المزايين= ماتقبلون الضيف لو كان ليله
تلفتو يمي وقالو على وين=وراك تتبعنا وعينك طويله
وإن كان عندك للموده قوانين=وقلبك نظيف ومانواله بحيله
خلاص يالله قلن موترك فين=وعطنا تواصيفه وعطنا مديله
قلت أعذروني موتري قبل يومين=بعته ولا فكرت في عازتيله
لا شك ناخذ تكس ونروح ذالحين=وأيت مكان ترغبونه نجيله
قالو في أمان الله نلقاك بعدين=وحكاية التكسي علينا فشيله
دور تلاقي وحده طبعها شين=من كلمت الواشين ماهي ذليله
وجريت ونّه قدهم مقفين=وراعي الهوى دقات قلبه دليله[/poem]
القصيدة : للشاعر يامي
قام بإعدادها زميلي : سعيد الغامدي
العضو الأكثر نشاطاً هذا اليوم 
العرض الشجري
