قال الذي لاشار يصدق شوره

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,7,black" type=2 line=0 align=center use=ex num="0,black""]

قــال الــذي لاشــار يـصـدق شــوره=وجـرب سعادة عـيـشـتـه واكداره
روحـه عـلـى طـرد الهـوى مـفـطوره=وجرح العـذارى واضحن بأشعاره
واهــل الـهـوى جـولاتـهـم مـاثــوره=اللي سـمـعــنـا بـالـقـديـم اخـبـاره
واكـثـرهــم الـلـي جـثـتـه مـقـبـوره=مـن جـور نجـمـات الهوى واقـماره
امـا تـولــع واحـــتــرق مـاطـــوره=واظــلـم زمـانـه وانـقــطـع تـيـاره
والا غــدى يـمــشـي عـلـى بـاكـوره=ضاع الـشـبـاب ولــذتـه وازهـاره
واللي مـع الـسـكـه صـدم مـاصـوره=وش عـاد لـو هـو يـلـبـس النظـاره
والا هــبـيــل وقـصـتــه مـشـهــوره=دلا يـطــارد عــشــقــتــه بـديــاره
يـمـشـي وراه وعـيـشــتــه شـابـوره=فرخن ضعـيفـن طـايـحـن مـنـقـاره
مـثـل الخـفـاجـي وامــه الـمـحـروره=عـاف الامـاره والـخــدم وانـصاره
كـلــه ســبــايــب لابــس الـتــنــوره=الـلــي تـطـق القـلب في مـسـمـاره
ونار الـعـذارى مـن قـديــم عـصـوره=اكـثــرهــن اللي بـالـهـوى غــداره
ترسـل عـلـيـك الـنـار مـن طــابـوره=بـرمـوش عـيـنــن بالـهـوى جـبـاره
وان شافـتــك مـعـهـا تـقـل عـصفوره=وشافـت خـفـوقـك طـاح بالـسـنـاره
قـامـت تـعـانــد روحـك الـمـشطـوره=تاعـد وتـرجـع لـك تـسـوق اعـذاره
ياحــبـهـا لـلــدمــعــة الـمـنــثــوره=ورفـض العـشـيـر اللي بغـى مـسياره
وهـذي سـبـايـب روحـي الـمـجـدوره=واسـبـاب نـيـران الحـشـى وامـراره
ريـمـن وقـلـبــي طـاح فـي ديـجـوره=وتعـزف على جـرح الحـشى مـزماره
كـن الـعـيــون بـسـهـرهــا مـامـوره=مـن كـثـر مايـلـفـح هـبـوب اعصاره
تـلـعـب مـعـي ويـسـانـده جـمـهــوره=ومعـها الحـكم واللي يـشـيـل الشاره
حـتــى الـحـكـم بـانـت مــعـالـم زوره=دايــم يـهـــددنــي بـرفــع انـــذاره
من عقب مـاهـي فـرقـتــن مـغـمــوره=واكـثـر نـتـايـجـهــا تـلـوح اصفـاره
كل الـفـرق صارت تـهـاب حـضـوره=وتطـمـع تـخـوض الـفـايـنـل وادواره
رمـش المهاة بـفـيـضـتــن مــمـطـوره=تـرعــى فــيــاضــن زاهــي نـواره
تـلـقــاه بـفــيــاض الـخــلا مــذيـوره=ومحـدن يـنـام وهـو يـشـوف جحـاره
تـخـاف مـن سـبــع الـخــلا ونـمــوره=او بـنــدقــن مــع راعــي السـيـاره
حـوريــتــن تـجـمــع وصايـف حـوره=والعـيـن مـع كـل الـبـشر مـاصاره
صارت مـن وصـوف الحـلا مـغـروره=وحـطـت خـفـوقـي عـنـدهـا قـيـثــاره
ان قـلـت ابي شـوفـك غـدت مـذعـوره=وان غاب زوله طحـت فـي مـنـشاره
وانـثـر مـن اشـعـار الـغـرام سـطـوره=مـن ضـامـرن كـلـن عـرف مـقـداره
مـاهـي حـروفـن نـصـفـهـا مـكـسـوره=او يـجـبـرن قـافـه واجـيـب قـصاره
ولا هـي مـن حروف العرب مـبـتـوره=او يـشـري الـقـيـفـان مـن سـمـساره
لاثـار فــي جــوفــي لـهــب دافــوره=كـن الـغــوانـي فـيــه طــقــت طـاره
دشـيـت مـوجـه مـاخـشـيــت بـحـوره=عـنــدي مـخـازنـهـا وانـا بـيــطــاره
كـنــه بـصـفـحـة ضامـري مـحـفــوره=بـدع جــديــد ولا غــشــاه غــبــاره
او تـقــل تـنـبــع بـالـحــشـى نـافـوره=وتـنـثـر على جـاش الخفوق امطـاره
ان عـاضـبـت تـمـشـي معـي مصخوره=او عـانـدت غـيـري تـجـي مخـتـاره
تـلـفــي لـروحــي والـسـبـايــب نـوره=ام الـخــدود الـلــي تـقــل جــمــاره
مـن جـورها قـلـبـي طـلـع عـن طــوره=والله يـعـيـن الـقـلـب فـي مـشـواره
رمــشــه خــذى قـلـبــي بـلا فــاتـوره=والسوق يـشكي مـن جـحـيـم اسعاره
لـيــتــه تـراعـي روحـي الـمـسحــوره=وتـفـهـم نـتـايـج هجـرهـا واخـطـاره
يـمــكـن تـروف بحـالـتـي عـن جــوره=وتـرحـم خـفــوقـي عـن لهايـب ناره
اصحـي اذا جـانـي عـبــيــر عـطــوره=والـريـح مــع زيـن الـنـسـايـم ساره
وان مـا مـنــع جـور الـهـوى وشـروره=وحـط الـقـنـاع الـيـا طـلـع مـن داره
والـلـه فــلا هــي بـالـهــوى مـعــذوره=ولا يـنـفــعــه قــرشــه ولا ديـنــاره
ان قــدت بـصـفــوف الـعــذارى ثـوره=وجـريـت لـبــيـوت الحـبـايـب غـاره
والـراجــمــه دارت عــلــيــهــم دوره=وكـلــن نـقــل طــفــلـه وخـلا جــاره
واقـصـف شــوارع حـارتـه وقـصـوره=والـنـاس مـن قـصفـي تـذوق اضراره
وخـذيـت لـه عـقـب الـقــذايـف صوره=تـظـهــر قــواعــد دارهـا الـمـنـهـاره
تـلـقــى صـحـونـه بـالـخـلا مـنــثــوره=مـن رجـف نـارن تــنــثــره طـيــاره
وبـان الـلــهـيــب بـدارهـا الـمـدمــوره=وهـم مـثــل غـرقـى مـصر بالـعـبـاره
وان شـفـت الاطـرق مـرسـلـيـنـه زوره=مـن شـان قـصـفـي مايـشـيـل اسواره
قـصـفـت الاطـرق فـي لـهـب شرشـوره=لـمــا يـلــوذ عــن الـلـهـب بـجــداره
والا الـســلام مــقــابـل الــغـــنـــدوره=واقـعـد مـع الـغـالـي بـوسـط الحـاره[/poem]

الموضوع الأصلي: قال الذي لاشار يصدق شوره || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات