من هو الراوي ابن غسلان

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]

قـال الــذي قـــافـه يـفــوح عــطــور=كالورد وسط الخـايع المـمـطـور
من شاعـرن لاهـاض صب حـروفه=تشبه وصوف الجـوهـر المنثـور
فـواز بــن غــســـلان والا الــراوي=اسـمن بشاشات العـرب مخـبـور
وابـداه فــي ذكـــر الـكــريـم الواحـد=كـلـيــم مـوسى فـي جـبال الطور
عالم دبـيــب الـنـمـل تحــت صخوره=ورازق كـسـير الـناب والمنقـور
الـلـي رزقــنـي مـن فـضـايـل جـوده=وانـعـم عـلــي بـرزقـه الـمـيسور
واسـقــان مـن جـزل القوافي صافي=ماهي حروف شويعـر وشعرور
الـشعـر يـنـبـع مـن خـفــايـا روحـي=قـافـن جـمـع ورد الفرح وزهور
واعـطـان عـقـلـن حـافـظـن ماينسى=ونطـقـن بلـيـغــن يشـبه الساطور
يشرح عـن الـغـسلان شرحـن وافي=شرحـن يخـلــي جــارنا مـسرور
قرنـيــن فـي حـايـل بعـرضـن طـاهر=في مـنـزلـن باهـل النقى معـمور
ان جــت سـوالـيـف الخـسـاسه غـبنا=وحـنـا بوقـفــات الـرجال حضور
وقــت الرخـى تلـقــى وقــار وحشمه=وعـنـد القـسى نبذل من المقدور
فــقـــيــرنـا يـكــتــم مـلامــح فــقـــره=وراع الـثــراء مـنـا مهو مغرور
فـيـنــا مـلاذ الـلـي شـكـى من ضيمه=ونطـلــق حـبـال الـطايح الماسور
جـدي عـلـي يسكـن طـوارف غـسله=شـمـال شـقراء لامـشـيـت حـدور
انجــاه ربــي مـن جــنــود الــبــاشــا=الـلــي ذبـح نـاســن تـقــول بدور
اللي عـلـى نـهــج الـسـلـف والـسـنه=كم راس شيخن وسطـهـم مغدور
في قـرنـه الـثــانـي عـشـر فـي ثلـثـه=هـاجــم هـل الـتـوحـيد كالمسعور
وحـمـود ابـوه الـلـي غـرس بكـفـوفه=غـرايـسـن خـيــره على المفـقور
له في تمـيـم الـمـجـد عـرقــن نابض=ولـه بالـعــنــاقـر ماقـــفــن ماثـور
اهـل الـمـواقـــف ناصــريـن الـســنـه=شادوا عـلـى بحر الـكـرام جسور
وخــلا ديـاره عــقــب ضـيـعــة مالـه=يـتــيــم عــقــب الـوالــد المجـدور
باسباب ثـلـجــن فـي فـروع نخـيــلـه=خـلا نخــل غـسـلـه تقــل منخــور
واصبح غـنـي الـنـاس فـقــره ظـاهر=والحـبـل المعـيـشـه بالـبـلد مبتور
بالالــف والـقـرنـيــن بـنـصـف الثالث=وثمان بحـسـابـه وخـمـس شهور
عـقــب الـقـتـال اللي جرى في بقعاء=مع بـيـرقــن لاهـل الـبـلد منصور
واخــتــار حــايـل مســكــنــه وديـاره=في حـكـم عـبـدالله صلـيـب الشور
عــز الـلـه انـه صــايـبــن فــي رايـه=وسـط الجــبـال الـلـي براسـه قـور
دار الـصخــى والـجــود دار الــعـــزه=له في كـرم حـاتـم هــوى وجـذور
دارن يعــيــش الـمجـد بـيــن جــبــاله=تجـبــر عـظــام الـطـايح المكسور
بـيـن الـضـيـاغـم والضـيـاغـم مكسب=عــز الجــوار وشـمـعـة الـديجـور
وبالـغــرس عـنــد اولاد جـعفـر شغله=ومن يشتغـل في عـيـشـته ماجور
واهـل الجـبــل نـادوه راعـي غـسـلـه=وغسلان من غسله غدى مشهور
وفي لـيـلـتـن ظـلـماء سمع له صيحه=والـشـيخ غـازي والزمان خــيـور
وفـزع سلـيــل الـمـجــد مـثــل سـباعه=صوب الصيـاح ونخـوة المقـهـور
الـبــاب مقــفــل والـنـســاء بصـيــاحه=ومن الشـهـامه طـب فـوق الـسور
ولـقــاه مـن الاتـراك واهــل الـبـــوقـه=يـبــي الحـريـم بغـيــبــة الجـمـهور
وتـقــابـلــوا والــغـــيـــظ تـقـــدح نـاره=نمــرن وقع في شر عشر بـنـمـور
لحــظـات والـتــركـي صــريع فـعــولـه=مذبوح وسـط الـحــوش ذبح الثور
وشـالـوه تـال الـلــيــل شـيــلـة جـيــفـه=وحـطــوه فـي بـيــر العـرب مقبور
من كــف شـهــمــن بالـعـــلا مـنـــزالـه=مـاهــاب رتـبـــة قــايــد الــطـــابور
لـو كـان غـيـــره كـان يـرجــف قـلــبـه=وينحــاش مـن كـل الـبــلـد مذعـور
لـكـن سـلـيــل الـســاس شـهـمــن وافي=خـاطـر لـسـتـر الجــادل الـغـنــدور
ولا ضاع عـنــد اهـل الـنـقــى معـروفه=طـيـبـن بذهن اهل الصخى محفور
وانجــب حـمــد وحـمــود بـيــن جـبـاله=وحمد درس كـتــب الـسلـف والنور
حـفــظ الحــديــث وداج كــل شـيــوخـه=وبالـصــدر شــال كـتــابـه المسطور
وانجــب ابـراهـيــم وعــلــي نـقــوتــنــا=ريـف الضعـيـف اللي وقـع مدحور
وحـمــود لـه فـــالــح واخـــوه محــمـــد=وعـبــدالـعــزيـز وهـم حـرار طيور
اهـل الشرف محــدن وطــى فــي خزيه=وابليس عـن ربع الـشـرف مدحور
وحـمــد مشى في امر حــــاكــم حـــايـل=اصــدر قـــرارن مـاوطـــاه الــزور
دزه لـبــقـــعــاء لاجــل شــرح الـســنــه=واصــبـح يـدرسـهـم حـروف الـنور
وفـيــهــا تـزوج بـنــت بـــدر الــعــــوده=وانجـب فـهـد عـلـمـه وصـل للهـور
الـلــي لـيـــال الــكــــود نــوره ظـــاهــر=عـلــى مـعـــامـيــلــه تـقـــل نـاطــور
حــاز الــروايــه مـع جــواهـــر قـــافـــه=وذبــح الـــذبـايــح والعــرب بعـسور
ابـوه مــات وهــو رضـيــعـــن جـــاهــل=واصـبــح يـتـيــمــن والـلــيـال دهور
رام الـمـعــالــي واعــتـلـــى عــالــيــهــا=واصـبــح بـطـيــب المـرجـلـه مذكور
ماهــاب غـــدرات الـــزمـــان وجــــوره=ولاهـــاب كـثــر الصرف والمخـسور
بـدار الـصـفــاة الـلــي عــزيــزن ضـيفه=يـسـهـــر عـلــى نـارن تـقــل دافــور
له مجـلـسـن يجـمـع من الـنـاس نـقـوته=فـي مجـلـســن ريحــه تـقــل كــافـور
يجـــمــع نــوادر مـن صـنــوف رجـــالـه=واكـثــرهــم الـلـي سـار فــي باكــور
يـامــا شـــفـــق فــي قـــعـــدتــي قـــدامه=وعـنــده عـمـامـي حــول تسـع ذكور
كـنــه يعــرف ان الــــروايــه ونـاســتــي=ونــوى يـســـوي لـلـــتــــراث قصور
اسـقــى عــروقــي مـن جـواهـر شـعــره=وحـطــيــت انا فــوقــه ثـلاث نـهــور
وحـفـظــت مـن صـغــري لـذيــذ هـروجه=وان قــال قــولــه يـشــبـه الــدسـتور
وقــبـــل يـتــوفــى قــال بـاذنــي كــلـــمــه=تـبــقــى بجــوفــي لـيـن نفــخ الصور
وفي قـرنها الخامس عـشـر عـام خـمسه=اقــــفـــى وخــلانـا فـــروخ طـــيـــور
مـرحـــوم ياســـاس الـــمـــراجـــل كـــلــه=عـسـاك تـسـكــن فــي جــنــان الحور
يانـور بـدرن لاح نــوره عــلـــى الـلــواء=ضـوحـه يسـاوي ضـوح عـشـر بدور
وياهـيـبــة الـحــاكــم وطـيــب الـصــاحــب=ويابـيــرقــن فـــوق الـصخـى منشور
وياسـاس مـن يـوفــي ثـقــيــــل عــهــوده=ويازبـن مـن يـشـكــي لهـيــب الجـور
كــم جــايـعــن يلـقــى الـنـــدى بكــفـــوفـك=من عـقــب ماهــو طــايحــن مثـبــور
بقـــصــايـد اهــل الــطـــيــب ذكــرك دايــم=نـبــع الـصخـى مع نهــرهـا المفجـور
وبـلا قـــصـــورن فـــي عـــمــامــي كـــلـه=ورثــت مــن جـــدي ثــلاث بـحـــــور
ورثـــت شــعـــــره والادب وفــــنـــــونـــه=وبالـضـيــق ووقــوتـه مانـي مـطـيـور
مـشـيــت فــي دربــه وحــزت طـبـــوعــه=كــنـــه بـنـــا عــايــش مـهــو مـقــبـور
ومـن غــار مـنــي قـــام يـظــهــر كــــذبـه=والـكـــذب حـبـــلــه دايـمـــن مـبــتــور
حــنــا يـنـــابـــيـــع الـصــخــى وبـحــــوره=وحــنــا ورود(ن) بالـجــبــل وزهــــور
وحــنـــا جــســور الـمـــرجـــلــه واركـانـه=وصــرنـا مـع افـــواج الـكــرام عـبـور
وبحـمــد ربــي جـبـــت جـــوهـــر قـــافــي=كـالـــورد وســط الـحــاجــر الـمـمطور[/poem]

الموضوع الأصلي: من هو الراوي ابن غسلان || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات