لابغيت انسى عشيري بالهوى لو ساعه

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,6,black" type=2 line=0 align=center use=ex num="0,black""]

لابغيت انسى عـشـيـري بالخـلا لو ساعه=ماتركني طـيـف خـلي في خـلاي الخـالي
من يفكن من طيـوفـه او يعرف اقـنـاعـه=لاجـل انام ولو دقـايـق فـي فـراشي سالـي
والبلاء نفـسـي لـنـاره دايـمـن مـطـواعه=وهي تـعـرف انه سـبايب كل حوسـة بالي
قلت له هـذي سـبـايب عـلـتـك واوجـاعه=ماسـمـعـتـي نـصح زيـد ومـرشـد البذالي
قالت افطن للـمـطـوع كـيـف روحه ضاعه=لـيـن مـات لـعـيـن خلـه مـاشـكـى للوالي
والدجـيـمـا صان حـبـه صابرن ماباعــه=وصب ناره في بـيـوتـن تـشـبـه الزلزالي
والنفـيـعي شـف عروقه بالـمـحـبـه ماعه=وبالـعـواشق من يـدوهـج عن دياره جـالي
لاتحـسـب الـروض دايـم زاهـي مـرباعـه=به مـحـولـن بالـمـحـبـه تـجـلـب السلالي
من عشق ذاق المـغـثـه في جـميع انواعـه=واكثر الـعـشـاق يـسـتـر دمـعـه الهـمالي
قـلـت مـادام الـمـحـبـه لـه جروحـن ذاعـه=في جميع الناس قـبـلي لـيـش نشـكي حالي
مـن سـبـايـب جرح ريـمن ذايـرن مـرتاعـه=مـزبـنـه رجـمـن طـويلن في سماها عالي
يجـفـلـه غـصـنـن تحرك لاسرى ذعـذاعه=او سجـع راع الـعـشـايـر بالـهـوى موالي
خايـفـن ناب يـنـوشـه مـن خـطـير سـباعه=او رصاصاتـن تـسـوقـه بـنـدق الزمالي
عـيـنـها عـيـن الحـبـيـبـه والطباع طـباعه=فرقها المسـفـع وثوبه والـغطـاء والشالي
مع نقـوش الزيـن كـلـه تسحرك باصـبـاعه=او رمـوشـن من هـدبـهـا عينها بظـلالي
او ردوفـن بالـمـسـيـر لـثـوبـهـا شـلاعـه=يرتفـع لو هـو طـويلن زاهـي التفـصالي
ذبـحـتي ريحة جـسـدهـا ريـحة الـنعناعه=ولو تـذوق الريق ريـقـن في مـذاقـه حالي
عـنـدلن مـنـهـا حـيـاتي دايـمـن مـلـتـاعـه=كلما تـطري صلاني من جـحـيـمه صالي
لو تجـيبه لي وجاهـات العرب واطـمـاعه=كان اسوق لشوف عينه حـيلـتي واموالي
بس درب الزين عاضب ماعرفت اسنـاعـه=مع دروبـن في حـيـاتي مـالـهـا مـعـدالي
صار مرماعـي بعـيـدن عن هـوى مرماعـه=مـثل فـرق اللي رحـيـل وصاحبه نزالي
كيف كل انصاف حـظـي ماتـنـول ارباعـه=وهي عقوبة من يطارد من ثـمـنهـا غالي
اوجس بصدري جحـيـمن تلـتهب باظـلاعه=من عـقـودن في حـيـاتـي مـالـهـا حـلالي
مـثل مـضروسن يلـولـج مالـقـى مـقـلاعـه=وكل ضرسن ذقت ناره لازمـن يـنـشـالي
ومثل من يفـقـد وحـيـدن بالـبـحور شراعـه=والبحر هـايج ومـوجه للـعـقول هـبـالي
من عشق يصبح سهيرن فوق روس اكواعـه=وفي نهاره مع ربوعه يـشـكي الـولـوالي
ليت روحي للـنـواصـح طـايـعـن مـنـصاعه=ولانقـلـت حـمول حبه واكـتفي باحمالي[/poem]

الموضوع الأصلي: لابغيت انسى عشيري بالهوى لو ساعه || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات