|
باريــس
بسم الله الرحمن الرحيم :: باريس ::
آخر قصائد الشاعر الكبير
الملتاع
رحمه الله
قصيدة رائعة ووصف ولا اروع
لحالات من الناس عندما تذهب للخارج
واحد خايب .. حظه تعيس
سافر تقسيط لـ باريس
كذّب على ام العيال
رايح ادور عمال
جمع الورث
حصاد الحرث
وقبل يسافر يا سادة
سجّل في نادي كالعادة
يسوّي برنامج تخسيس
* * *
قام يدور شنظة تكفي
وكل هدومه قبل يصفّي
عشرة فنايل علاقي
وشورت وشرّاب ما قيس
قالت ام عياله تكفى
خذ لك لبس شوي يدفّي
قال فـ باله يا مسكينة
والله قدّامي اللي يدفي
قام يودعها وقالت له
خذ بالك يا نور عيني
وتعوّذ دوم من إبليس
قال فـ باله يا مسكينة
وانا من عازمني غيره
ناطرني ابليس فـ باريس
سافر صاحبنا بطيارة
واسبوع انقطعت اخباره
ما حد يدري وين دياره
وام عياله .. بأصعب حاله ..
تحسب وتعدّد وتقيس
وفـ ليلة دق التليفون
جا صوته مبحوح ومرخي
لا له لا طعم ولا لون
يتكلم من غير حروف
عنده حرف ( الرا ) محذوف
قالت ام عياله وش بك ؟
صوتك خافت كنّه حسي
قال انتبهي ظنك يشطح
بس كنت شوي احكي فرنسي
قالت عفيه يـ كحيلان
وش اخبارك يابو فلان
قال حصان
شفت اللي ما شاف انسان
شفت الربع
سبع وضبع
في العصر شيوخ تتشامخ
وفي الليل احلا طقة صبع
* * *
وفي الشانزليزيه نصف الليل
يا فلانه شفت ام محمد
وش تسوي ؟
تتهجد !!
وش هو هذا الشانزليزيه ؟
هذا شارع رايح جاي
بأول هذا الشارع قهوه
فيها كل شياب الربع
كل واحد يشرب من نبع
واحد راجع غصب للهوه
وواحد يقرا ( القدس ) ( معارض )
يشتم كل امه وما تهوه
وشايب لا هذا ولا هذا
لا عقل وقلب ولا شهوه
ام عياله جابت راسه
غصب يوديها لباريس
يمكن تلقى البنت عريس
* * *
والبنات
آه يالبنات
ابو فلان ........ إش فيك ؟
يام عيالي صاير شي
صاير لبس الناس شوي !!
وعينك ما تقدر تمّنها
ومن ضيق هدوم البنات
تحلف ان الملبوسات
للأخت اللي اصغر منها
ومن كثر المكياج الخادع
شفت بعيني شي ما شفته
شفت فلان يغازل اخته
* * *
وانت إش تسوي يمناي ؟
آنا مع هالناس خطاي
يوم يتحقق لي مناي
ويوم مـ لقى حد حداي
لكن من حبي لها لشارع
دايم ودي إني اثنين
واحد رايح واحد جاي
* * *
وعيال الديرة .. اسم الله
أيــــه
كل واحد جهّز له حكاية
كذبه عـ البنت المسكينه
ضحكه وقصيدة وسكّينه
بجيب مشط وجيب مرايه
يمشي ووراه الحمايه
مو حبيب امه مهم
واحد ويسوي امم
لازم نأمن عليه
يمشي من خلفه عبيد
ويمشي قدّامه علم
* * *
وشفت يام فلان ذاك الشاعر اللي
يشتري بالمال شعره للتسلي
يشتري حتى المشاعر
من اهل بيع المشاعر
اللي كل شعره جديد ..
والصحافة له عبيد
واللي إحساسه نشيد
تعرفينه ... اللي حتى ما يعرف يلقى القصيد
إيع عرفته .. تقصد طلال الرشيد
لا !
ادري ادري !
كنت احسبك يا حبيبي شخص ثاقب
انت مو بكرى بتجي ؟
تبغى كم مره تعاقب ؟
انت ما تعرف يـ غالي
انه تلفونك مراقب
وسلامتكم
م,،ن
|
العضو الأكثر نشاطاً هذا اليوم 
العرض العادي
