انا عليل وخاطرى ماتهنا

[poem=font=",6,,bold,italic" bkcolor="transparent" bkimage="http://www.b3b7.com/vb/mwaextraedit2/backgrounds/13.gif" border="double,4,firebrick" type=2 line=0 align=center use=ex num="0,black""]
حمام ياللي تزعج الصوت بلحون = نوحك طرب منتاب مثلي معنا
يالورق نوحك زادني هم وشطون = ارجيك خفف لوعتي لا تغنا
انته مريح بين غدران وغصون =وانا عليل وخاطري ما تهنا
مايجتمع يالورق سالي ومشطون = كف النياح جزيت بالخير عنا
يالورق انا والله فلانيب مجنون = يوم اشتكي لك لوعتي واتمنا
يالورق انا اشكي واكثر الناس يشكون = ومن صوبه سهم من الحب ونا
انا عليل الحال ياللي تعذلون =ما ارتحت ساعه من سنين مضنا
ابكي على ناس من الحزن يبكون = حدر ضعنهم يوم سند ضعنا
وقفت اراعيهم وهم لي يراعون =ودموع عيني حدراً واسبلنا
اقفوا وهم في كل خطوه يلدون =حسبي على منهو علينا تجنا
ورجعت كني بين الأضلاع مطعون =مثل الذي صوب براس المحنا
وبقت لي الذكرى عساهم يعودون = وصورة خياله في خيالي تبنا
حسبي على دار جفت صافي اللون = امست قفر ماكنها من وطنا
ماعاد فيها غير كثبان وحزون = وماحولها إلا الريح هدمً وبنا
صارت كما الأطلال للي يمرون=ارض خلا من مرها ماتونا
هي عادة الدنيا على كل مفتون =غاراتها بالناس ياما صطنا
ومادام هذي سنة الرب فالكون = يلزمني ارضا بقسمتي ما تعنا
تمضي ليالي العمر والسد مكنون = اجحد صوابي والسنين ارمسنا
اخفيه ماودي به الناس يدرون =وراعي الهوى مجروح مايرجهنا
واسهر بليلي والخلايق ينامون = واكتب بدمعي والشعر كل فنا
والصبح حالي فيه من دون في دون = ينحاني الهاجوس منا ومنا
لولا الرجا بالله قوي ومضمون = لموت من همً حملته مثنا
ميتة قهر وإلا ترى الموت مسنون =علمً ثبت مافيه هقوه وضنا [/poem]