السلام عليكم ورحمة الله وبركاته ..
شحالكم ..
كل عام وأنتم بألف صحة وعافية ..
^^
ويعوود عليكم وأنتم سالـــمين ..^^..
كنت نايم فـ دق التلفون ..[
لول معي زايد غلاكم أبيع روحي وأشتريها ... ] >> نغمتي
المهم تلفون يقولي تعااال للشرطــة ضرووري ..D:
ليش وكيف ماعرف ..
المهم رووحت للشرطة ..
ويوم أدخل غرفة الضابط أشوف وجيه غريبة ..
أشوف 6 مطاوعة معضلين
وثلاثة صينين يتشابهون ..^^..
وولد عمره 15 سنوات
قلت للضابط بلهجة قوية : خير ليش داقين ومزعجيني <<<
قوي صح 
قالي أقولك : أجلس وأنت ساكت ولا اقطك في النظارة <<<
مسلسل كويتي 
خفت وجلست على أول كرسي ..
شوي ويقوم مطووع ويعطيني محاضرة وانا بالي مشغول مع مطووع ثاني يأشر لي يقولي أرويك
ويطلع من جيبه سكين >>>
زودها (:
قاطعت المطوع وهو يتكلم قلت تباني أسمع طلع هذا وهو يأشر لي يقولي أسكت خلاص خلاص وانا اقوله ..
قالي مابيطلع شو بتسوي قلت له لا لا عادي ..
شوي وقام المطوع وعطاني كـــــــ
ـــف 2 >>> 2
يعني تربيع D:
المهم بكيــت وقلت له الله يسامحك بس ياضابط ليش ماتكلمه ولا خلاص عنده ربعه ..
الضابط يوم سمعني قال للضابط عطيه واحد لعيوني ولعيون الشباب ..
المطوووع ماصدق هفني واحد طير عقلي ..
المهم بعد خمس دقايق قام مطوع ثاني يتكلم معاي ..
ورد المطوع الأولي يأشر لي وانا ساكت >>
ماخبرت أحد ^^
المهم شوي وأسمع ولدك ..
قلت شو ولدي أنا أنا مب متزووج كيف ولدي ..
تتمسخرون أنتم ولا مغلطين ولا كيف ..
قام مطووع ضعيف يتكلم يوم ششفته ضعيف قلت خلني أتفلسف عليه ..
قلت له أنت شااااأأأب مالك خص ورفعت أيدي بضربه وللأسف قام المطووع الأولي وضربني وسكتت ..
المهم رديت قلت يابونوف مالها غير الهداوة ..
قلت لهم أخواني السادة الحضور في الحفل الكريم <<<
طوفوها ..^^..
قلت لهم أنا أنسان ماتزوجت وعمري ماعرفت بنات ولا عندي أي علاقة مشبوه <<<
قالي مطووع يعني نكذب الأوراق ونصدقكك ..
نكذب الولد وأمه ونصدقق ..
نكذب ملفك في الشرطــة ونصدقك ..
قلت له : أيوا تقصد شوجي <<<
متأثر ^^
تقصد شوجي ترا والله بس سولفت معاها مرتين بس ولا قصدك على مريم لا لا أبد بس كنت
أشوفها في المول ولا حصة ولا هند ولا عليا ولا .... <<<
مايوقف مايوقف (:
قالي المطوع : لا نحن نقصد سون بان جون لي ..
قلت له : شو هذا محترف العين اليديد <<<
قالي هاي زوجتك ...
ضحكت وقلت له يابوي أنت تحلم صدقني تحلم ..
شوي ويدخل أبوي الغرفة ..
وارووح أركض عنده تتوقعون شو بقوله ..
قلت له : ابوي المطوع هذا ضربني خلني أدق على الشباب ونتفاهم برع <<<
حونـــشي ..^^..
ابوي يقولي تستاهل ياكـــ ... يا حــ... يا .... <<<<
مشفر ^^
قلت لهم فهموني شو الموضوع ..
المهم طلعت السالفة أن يوم كان عمري 13 سنة سافرت مع أبوي الصين ..
وتعرفت على هـ البنت <<< اسمها صعب ..
وجلسنا في يوم ما في الصين لوحدنا وكان الشيطان ثالثنا >>>
شعب الصين فوق المليار
مالقيت أجلس ألا مع هــ النكبة أبليس ..
وجبنا ولد ولا بعد أنا كنت شيطااان قلت لها لو ولد سميه سول ولو بنت سميهها نووف ..
للعلم ماكانت تفهمني ولا كنت أفهمها ..
بس ملعون الصير أبليس كان يترجم
>>>
مسكين أبليس كل شي غلط نعقه عليه ..^^..
المووووهيــــم تذكرت الموضوع ..
وقلت لهم طيب كيف جا هني ..
قالوا أمه جابوها مربية وسحبت معاها الولد وشأت الظروف أن المطوع الي ضربني
يكون جارها ويتعرف عليها وتخبره الموضوع ..
بعد ما طلعنا من السجن على طووول روحنا للممحكمة تعرفون ليش ...
أبوي بيتبرأ مني ..
\
/
\
/
\
/
\
/
\
/
\
/
\
/
\
/
\
/
\
/
\
/
\
/
القصة غير واقعية ..^^..
بس حبيت نستفيد منها ونأخذ عبر من القصة وصراحة القصة طرت فـ بالي عقب ماقريت الموضوع ..
http://www.b3b7.com/vb/showthread.php?t=52292
وشفت كيف ان بعض الناس يظلمون أنفسهم قبل لا يضلمون الناس ..
وفي كم سؤال نقاشي أتمنى الأجوبة عليهم ..
شو بيكون شعورك لو واحد من ربعكم مسوي نفس القصة ..؟؟
شو رايكم بمثل هـ البشر ألي يروحون لبانكووك ولشرق آسيا ويزنون والبعض يتزووج ويخلفون وينسوون ..؟؟
من المســـؤؤؤول ..؟
وأي الدوافع تختار ..؟؟
ضعف الوازع الديني ..
الرغبة في التقلــيد ..
الفراااغ ..
وإذا في دوافع عندكم أكتبوها ..
وسلامتكم ..
الموضووووع متعووب عليه أـمنى ما أشوف رد فيه يسلمووو ..^^..
حصريا في منتديات بعــد حي ..^^..
أخوكم
\
/
\
/
بــونــــوفـــ..^^..
العضو الأكثر نشاطاً هذا اليوم 
العرض الشجري
