|
عتيبـة الهيـلا اليـا ثـار دخـان
السلام عليكم ورحمة الله وبركاته
قصيده عجبتني ونقلتها لكم
للشاعر
فيصل العتيبي
ياللي تبـي منـي رسالـه علشـان تخّزن الموضوع فـي وسـط فايـل اسمح لي أقديك والا أنـت غلطـان مـدح القبيلـة مايجـي بالرسـايـل بالذات لاقالوا لـك النـاس عتبـان لطامـة العايـل اليـا جـاك عايـل خاضوا على ظهور الرمك كل ميدان قـومٍ لهـم تاريـخ مجـد وفعايـل وأن كان تبغـى للمواقيـف برهـان ابشر وانـا عنـدي عليهـا دلايـل أمجادهم في صفحة المجـد عنـوان تشهد لهـم بالطيـب كـل القبايـل عتيبـة الهيـلا اليـا ثـار دخـان في المعركة سـووا بطيـن وهوايـل بدهم الفرنج اللي لها بالوغى شـأن حدب السيـوف معدّلـة كـل مايـل وأن صاح صيّاح الضحى والخطر بان فزوا علـى قـبّ المهـار الأصايـل واستدرجوا في المعركة كل شيطـان لو حـاول الفكـة بشتـى الوسايـل عدوهم مـن بطشهـم راح بلشـان واليا سلـم بالحـرب نومـه ملايـل اقولهـا والصـدق مافيـه نـكـران طالوا هل الطولات فـي كـل طايـل دخيلهم يبطـي علـى عـزّ وأمـان يـروح طلاّبـة يسـوق الرحـايـل قولٍ مثبّت وأشهـدوا فيـه شيخـان ماهـي شهـادة ناقضـات الجدايـل يوم إنها بالطيـب رابـح وخسـران وقتٍ مضى وقـت الرجـال الأوايـل ترى العتيبي في المواقيـف كسبـان هذا الصحيح ودونـه الشـك زايـل ومدح القبيلة صار في كـل ديـوان سمعتهـا بإذنـي ولا قـال قـايـل وحنا كفو للمدح من غيـر نقصـان من غيـر لانظلـم حقـوق القبايـل كلٍ معه تاريخ من مـاض الأزمـان سلايـل الأبطـال تـرّث سـلايـل هذي حقيقة والحقايـق لهـا شـأن مـدح القبيلـة مايجـي بالرسـايـل بالذات لاقالوا لـك النـاس عتبـان لطامـة العايـل اليـا جـاك عايـل
فيصل العتيبي
|
العضو الأكثر نشاطاً هذا اليوم 
العرض الشجري
